एज्रा 4:11 - Sunuwar Bible

¹¹ मेको सोइश्‍शो ब्रेक्‍स ङा लोव़ मार बाक्‍त देंशा हना “पिप आरता-सास्‍त कली युफ्रेटीस आइक्‍ची हांबुमी बाक्‍ब गेय पाइबपुकीमी इन कली ‘रिम्‍शो बाक्‍कीन’ देंनीम।

एज्रा 4:11 ပူးပေါင်းရင်းမြစ်များ

१ राजा 21:8

मिनु इजेबेलम आहाब आ नेंमी चिठी का ब्रेक्‍ता बाक्‍त। मिनु मेकेर पिप आ छाप थोक्‍ता बाक्‍त। मिनु मेको नाबोथ आ सहर ङा खाल्‍पा नु ठेयब मुर आन कली सोइक्‍ता बाक्‍त।

एज्रा 3:3

मेकोपुकीमी चढ़ेतीक ङोंइती ते बाक्‍मे मेकेर लेंशा चढ़ेतीक सेल्‍‍‍तेक्‍म। मारदे हना मेको आन एर ओंथ ङा अर्को जात ङा मुर आन कली तशा हिंशा, सुनी नु नाक्‍नाक्‍दो परमप्रभु यावे कली चढ़ेतीकेम चोशा चढ़ेतीक चढ़ेम्‍तेक्‍म।

एज्रा 4:10

नु नेल्‍ल क्‍येङा ठेयब मान पचा पुंइसीशो ओस्‍नापरमी ग्‍याइश्‍शा लाइश्‍शो मुर आन रागी रे ग्रुंइशा सामरीया सहर नु आ एर ओंथ नु युफ्रेटीस खोला आ आइक्‍ची हांबुमी वोइश्‍शो मुरपुकीमी ब्रेक्‍ताक्‍म।

एज्रा 4:12

पिप इन कली मार लोव़ तुइक्‍पाइक्‍चा दाक्‍नीकी देंशा हना, इन कली प्रोंइशा एको रागीमी जाक्‍ब यहूदीपुकी यरूसलेममी जाक्‍तेक्‍म। मिनु मेकोपुकीमी काइ मटीब नु मरिम्‍शो पाइब आन सहर कली लेंशा सेल्‍ना सेल्‍न बाक्‍नीम। मेकोपुकीमी मेको आ जग लेंशा सेल्‍शा, आ गारो यो प्रोव़ने थुम्‍चशो बाक्‍नीम।

एज्रा 5:6

युफ्रेटीस आइक्‍ची हांबु ङा रागी कली हुकुम पाइब, तत्तेनाइ, शेथार-बोजे‍नाइ नु मेको नु बाक्‍ब सोइश्‍शोपुकीमी पिप दारा कली ब्रेक्‍स का ब्रेक्‍शा सोइश्‍शो बाक्‍तेक्‍म। मेको ब्रेक्‍स एको बाक्‍ब।

एज्रा 7:11

मेको पिप आरता-सास्‍तमी चढ़ेब एज्रा कली गेशो ब्रेक्‍स ङा लोव़ एको बाक्‍ब “मेको एज्रा नेल्‍ल ब्रेक्‍स तुइक्‍ब, परमप्रभु यावेमी इस्राएली आन कली शेंशो नु फुल्‍लुम मुशा ब्रेक्‍शो लोव़ रुप्‍शा जोक्‍ब बाक्‍‍त।

यूहन्‍ना 4:9

मिनु मीश मुरुमी “गे यहूदी ननी। गो चहिं सामरीया ङा नङ। मिनु आं गुइ रे दोपा ब्‍वाक्‍कु तूचा पुंइनीनी?” दे येसु कली मदा बाक्‍त। मारदे हना सामरी ङा मुर आन थिशो ब्‍वाक्‍कु यहूदीपुकीमी मतूबाक्‍मा बाक्‍त। सामरीया ङा मुरपुकी आइक्‍च जात ङा मुर नम। लूका ९:५२-५३