एज्रा 3:5 - Sunuwar Bible

⁵ मिनु नाक्‍त किंत किंत ङा चोशा चढ़ेतीके, औंसी नाक्‍त ङा चढ़ेतीके नु परमप्रभु यावेमी देंशो चाड ङा चढ़ेतीके चढ़ेम्‍तेक्‍म। सु सुमी आन ग्‍येरशो थुं रे परमप्रभु यावे कली चढ़ेचा दाक्‍तमे, मेको चढ़ेम्‍तेक्‍म।

एज्रा 3:5 ပူးပေါင်းရင်းမြစ်များ

२ इतिहास 31:14

मिनु इम्‍नाह आ तौ कोरे पूर्ब ङा लाप्‍चो खाल पाइब लेवी बाक्‍माक्‍त। मेकोमी मुर आन परमप्रभु कली ग्‍येरशा चढ़ेतीक गेशो मारेइ मारेइ कोव़ब बाक्‍माक्‍त। मिनु चढ़ेशो, चाक्‍शो मारेइ मारेइ परमप्रभु यावे कली नु सु सु कली योक्‍चा माल्‍बा, मेको नेल्‍ल कोव़ब बाक्‍माक्‍त।

एज्रा 3:6

मिनु परमप्रभु यावे आ खिं ङा जग मवोइश्‍शो बाक्‍त हना यो, ७ महिना ङा ङोंइती ङा नाक्‍त रे परमप्रभु यावे कली चोशा चढ़ेतीक चढ़ेचा गोम्‍तेक्‍म।

नेहेम्‍याह 10:34

मिनु गो, चढ़ेबपुकी, लेवीपुकी नु मुर नेल्‍लेमी इं परमप्रभु आ खिं कली कचेत सु सुम क्‍याक्‍चा, दे फेन्‍टे आप्‍तक। खिं खिं ङा मुरपुकी बर्स बर्समी परमप्रभु यावे आ अरेशो लोव़म ब्रेक्‍शो खोदेंशो पा परमप्रभु यावे, इं परमप्रभु आ खिंम चढ़ेचा कली शी चाक्‍चा माल्‍नीम। प्रस्‍थान २५:३०

येरमीया 33:18

गेना हना यो लेवी आ थर ङा चढ़ेब का आं ङोंइती चोशा चढ़ेचा कली, अन्‍न चढ़ेचा कली नु क्‍योरशा चढ़ेचा कली बाक्‍ब” देंत। गन्‍ती २५:१२-१३; नेहेम्‍याह १३:२९

लेवी 1:2

गे “इस्राएली आन कली ‘इन दाते ङा सुइम परमप्रभु यावे कली इन बी ब्‍यफ, क्‍यारश भेडा चढ़ेनीनु, आंम इन बगाल रे चढ़ेने।

लेवी 1:3

मेको चढ़ेशो बी ब्‍यफ चोशा चढ़ेतीक बाक्‍त हना, मेकोमी मारेइ मदुम्‍शो थमा रिम्‍शो बाछा चढ़ेचा माल्‍ब। मेकोमी मेको ग्रुम्‍तीक ताम्‍बु आ ओव़तीकेम चाक्‍चा माल्‍ब। मिनु मेको इन पर्बम परमप्रभु आ ङोंइती ब्रतीके दुम्‍ब। लेवी १७:४

लेवी 23:2

“गे इस्राएली आन कली ‘परमप्रभु यावे आ देंशो पचा माल्‍शो चाड परमप्रभु यावे के बाक्‍नीम। मिनु गे मेको पचा माल्‍नीनी।

गन्‍ती 28:14

मेको नु तूचा थोव़क चढ़ेतीके ब्‍यफ का का नु आधा हिन अङगुर शांबु बाक्‍चा माल्‍ब। सांड नु हिन का ङा भाग सां ङा भाग का अङगुर शांबु बाक्‍चा माल्‍ब। मिनु पाठा नेल्‍ल नु हिन का ङा ४ भाग ङा भाग का अङगुर शांबु चढ़ेचा माल्‍नीनी। मेको बर्स ङा महिना नेल्‍ल ङा औंसीम चोशा चढ़ेतीके बाक्‍नीम।

गन्‍ती 28:19

गे परमप्रभु यावे कली मीम चोशा चढ़ेतीके चढ़ेचा माल्‍नीनी। मार चढ़ेचा माल्‍नीनी देंशा हना, ब्‍यफ निक्‍शी, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको नेल्‍ल मारेइ मदुम्‍शो थम रिम्‍शो बाक्‍चा माल्‍नीम।

गन्‍ती 28:27

गे परमप्रभु यावे कली चोशा चढ़ेतीके चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीके बाक्‍ब। गेपुकीमी ब्‍यफ निक्‍शी, सांड का नु बर्स का का गाप्‍शो ७ ओटा पाठा चढ़ेचा माल्‍नीनी।

गन्‍ती 29:13

गेपुकीमी परमप्रभु यावे कली चोशा चढ़ेतीके चढ़ेचा माल्‍नीनी। मेको आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब। मेको चोशा चढ़ेतीके मार बाक्‍चा माल्‍नीम देंशा हना, १३ ओटा ब्‍यफ, सांड निक्‍शी नु बर्स का गाप्‍शो १४ ओटा पाठा बाक्‍चा माल्‍नीम। मेको नेल्‍ल थम रिम्‍शो मारेइ मदुम्‍शो बाक्‍चा माल्‍नीम।

गन्‍ती 29:2

गे परमप्रभु यावे कली चोशा चढ़ेतीके चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीके बाक्‍ब। गेपुकीमी ब्‍यफ का, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको मारेइ मदुम्‍शो थम रिम्‍शो दुम्‍चा माल्‍नीम।

गन्‍ती 29:39

मिनु गे मेको चढ़ेतीके नेल्‍ले इन कली ङोंइती देंशो नाक्‍तीम परमप्रभु यावे कली चढ़ेचा माल्‍नीनी। मेको नु इन नाक्‍त किंत किंत ङा चढ़ेतीके, इन ग्‍येरशा चढ़ेतीके, चोशा चढ़ेतीके, इन अन्‍न चढ़ेतीके, इन तूचा थोव़क चढ़ेतीके नु इन दुशा बाक्‍चा आ पर्बम चढ़ेतीके चढ़ेशा यो मेको चढ़ेचा माल्‍नीनी’ देनो” देंत।

गन्‍ती 29:8

गे परमप्रभु यावे कली चोशा चढ़ेतीके चढ़ेचा माल्‍नीनी। मेको आ दाक्‍शो ब्रोव़शो रिना पाइश्‍शो चढ़ेतीके बाक्‍ब। मिनु गे ब्‍यफ का, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको थम रिम्‍शो मारेइ मदुम्‍शो दुम्‍चा माल्‍नीम।

ब्‍यवस्‍था 12:17

इन अन्‍न, अङगुर शांबु नु तेल आन १० भाग ङा भाग का चढ़ेशो, बी ब्‍यफ नु क्‍यारश भेडा आन ङोंइती जरमेशो, इन देंशो चढ़ेशो, इन आंम दाक्‍शा गेशो नु इन गेचा माल्‍शो चढ़ेशो चहिं आंम सहरम मजने मब्‍वने।

ब्‍यवस्‍था 12:6

मिनु इन चोशा चढ़ेशो, क्‍योरशा चढ़ेशो, इन १० भाग ङा भाग का, इन गेचा ङा चढ़ेशो, इन देंशो चढ़ेशो नु इन आंम दाक्‍शो चढ़ेशो, इन बी ब्‍यफ आन ङोंइती जरमेशो नु इन क्‍यारश भेडा आन ङोंइती जरमेशो मेकेर लाइक्‍चा माल्‍नीनी।