एज्रा 3:13 - Sunuwar Bible

¹³ मिनु नेंब मुरपुकीमी ग्‍येरशा ग्रीशो नु ङाक्‍शो मार बाक्‍मे मारेइ मरुबेम। मारदे हना मुर आन रेयके पशो सेंदा थम ठेयब बाक्‍त। मेको रेयके पशो ङोन ङोन सम्‍म नेंसे बाक्‍त।

एज्रा 3:13 ပူးပေါင်းရင်းမြစ်များ

१ राजा 1:40

मिनु मुर नेल्‍ल ठेयब सेंदा पा ग्‍येरशा बांसुरी ताप्‍शा, मेको आन नो‍नोले इर ङोइश्‍शा लमा बाक्‍त। मिनु मेको आन ग्‍येरशा रेयके पशोम रागी नेल्‍ल मुरदा बाक्‍त।

१ राजा 1:45

मिनु चढ़ेब सादोक नु परमप्रभु यावे आ लोव़ पाइब नाथानमी मेको कली गिहोनमी तेल लुक्‍शा, पिप सेल्‍ताक्‍स। मिनु मुल मेकोपुकीम मेको कली ग्‍येरशा इर खिं लाइक्‍तेक्‍म। मोपतीके सहरम रेयके दुम्‍शो बाक्‍ब। गेपुकीम मेको रेयके नेंशो बाक्‍नीनी।

एज्रा 3:12

परमप्रभु यावे आ ङोंइती ङा खिं तशो चढ़ेबपुकी, लेवीपुकी नु आन खिं खिं ङा ठेयब मुर नु अरु खाल्‍पापुकी परमप्रभु यावे आ खिं ङा जग वोइश्‍शो तशा, ठेयब सेंदा पा ङाक्‍‍तेक्‍म। मिनु अरु मुर चहिं ग्‍येरशा ठेयब सेंदामी रेयके पाम्‍तेक्‍म। हाग्‍गै २:३

एज्रा 4:1

लेश्‍शा जाक्‍शो ग्‍याइश्‍शा लाइक्‍चा पुंइसीशो यहूदा नु बेन्‍यामीन आस थर ङा मुरपुकीमी परमप्रभु यावे, इस्राएली आन परमप्रभु आ खिं सेल्‍ना सेल्‍न बाक्‍नीम देंशो लोव़ आन जोरी सत्रुमी नेंतेक्‍म।

नेहेम्‍याह 12:43

मेको नाक्‍त ठेयब चढ़ेतीक चढ़ेशा, शुश ग्‍येरशो बाक्‍तेक्‍म। मारदे हना परमप्रभुमी मेको आन थुं थाम्‍पा ग्‍येरपाइक्‍तु। मीश मुरपुकी नु आलपुकी यो शुश ग्‍येरसाक्‍म। मिनु यरूसलेम ङा मुर आन ग्‍येरसीशो सेंदा ङोन ङोन सम्‍म नेंसाक्‍व।

भजन संग्रह 5:11

सुमी इन कली थमा सुइक्‍नीमी, मेको ग्‍येरसीनीम। मेकोपुकी गेना हना यो शुश ग्‍येरशा, इन खाल पतीकेमी ग्‍येरशा बाक्‍नीम। मिनु इन कली तुइश्‍शा, इन नें दाक्‍शा, ग्‍येरशा कुम्‍सो पाइनीम।

येरमीया 33:11

थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१

येरमीया 50:4

मेको नाक्‍ती इस्राएल ङा मुरपुकी नु यहूदा ङा मुरपुकी काथा ङाक्‍ना ङाक्‍न परमप्रभु यावे, आन परमप्रभु कली माल्‍थ गाक्‍नीम। येरमीया ३१:९

जकरिया 4:7

ठेयब डांडा गे मार नवे ङा? जेरूब-बाबेल आ ङोंइती गे दिंम दुम्‍चा माल्‍नेवे। मेकोमी परमप्रभु यावे आ खिं ङा नोले ङा फुल्‍लु वोदानु, मुर नेल्‍लेमी ठेयब सेंदा पा ‘रिम्‍शो दुम्‍त, रिम्‍शो दुम्‍त’ दे ठेयब सेंदा पा देंनीम” देंत। भजन संग्रह १२२:६

न्‍यायाधीस 2:5

मोपतीके मेको आन बाक्‍तीक कली बोकीम नें वोदमे बाक्‍त। मिनु मेकोपुकीमी मेकेर परमप्रभु यावे कली मार मार चढ़ेमे बाक्‍त। बोकीम आ अर्थ ङाक्‍चा बाक्‍ब।

१ सामुएल 4:5

मिनु परमप्रभु यावे आ कबल पशो सन्‍दोस लडाइ पाइब आन बाक्‍तीकेम चाक्‍ग्‍मेनु, इस्राएली नेल्‍ल ठेयब सेंदा पा ग्‍येरशा रेयके पामे बाक्‍त। मिनु मेको आन रेयके पशो सेंदामी रागी नेल्‍ल मुरदा बाक्‍त।