एज्रा 3:11 - Sunuwar Bible11 मिनु मेकोपुकीमी पालो पालो पा कुम्सो पाम्तेक्म। परमप्रभु यावे कली ठेयब सेल्ना सेल्न “गे रिम्शो पाइब बाक्नीनी” दे मान पा कुम्सो पाम्तेक्म। मेकोपुकीमी “परमप्रभु यावे रिम्शो पाइब बाक्ब, नु आ गेना हना यो दाक्तीक इस्राएली नु लीब” दे कुम्सो पाम्तेक्म। परमप्रभु यावे आ खिं ङा जग वोइश्शो बाक्तीके मुर नेल्लेमी ठेयब सेंदा पा परमप्रभु यावे कली ठेयब सेल्तेक्म। २इतिहास ५:१३; भजन संग्रह ११८:१ အခန်းကိုကြည့်ပါ။ |
एज्रा 3:11
32 ပူးပေါင်းရင်းမြစ်များ
मिनु तुराही ताप्बपुकी नु कुम्सो पाइबपुकीम खाल का ङा सेंदा पा “परमप्रभु यावे, गे ठेयब बाक्नीनी। गे रिम्शो पाइब बाक्नीनी” दे कुम्सो पतीक मेको आन गेय बाक्माक्त। मिनु मेकोपुकीम तुराही, बुप्केल नु अरु ताप्तीक ताप्शा, परमप्रभु यावे कली “गे रिम्शो पाइब बाक्नीनी। इन दाक्तीके गेना हना यो लीब” दे कुम्सो पामे बाक्त। मिनु परमप्रभु यावे आ खिं गोस्सुम ब्रीमाक्त। १इतिहास १६:३४; भजन संग्रह १०६:१
मिनु लेवी आन ठेयब मुरपुकी हशाब्याह, शेरेब्याह नु कदमीएल आ तौ येशुआम परमप्रभु यावे कली ठेयब सेल्तेक्म। आन लोक्बपुकी परमप्रभु आ मुर दाऊदम देंशो खोदेंशो पा मेको आन आइक्ची गे राप्शा, पालो पा परमप्रभु यावे कली कुम्सो पा ठेयब सेल्तेक्म। मोपा कुम्सो पाइब आन हुल का एर गे नु हुल का ओंथ गे बाक्तेक्म। १इतिहास २५:-; २इतिहास २९:२५
थुं नाइश्शा बाक्तीक, ग्येरशो सेंदा, ग्युम्ली ग्युम्ले आन सेंदा, कुम्सो पशो सेंदा नु परमप्रभु यावे आ खिंम, गे रिम्शो पाइब बाक्नीनी’ देंशा सेंदा लेंशा नेंसीब। मुर नेल्ल आन परमप्रभु यावे कली ‘परमप्रभु यावे, गे शिशी पाइब बाक्नीनी’ देनीन। मारदे हना मेको रिम्शो पाइब बाक्ब। मेको आ दाक्तीक गेना हना यो बाक्ब। गो रागी ङा मुर आन कली ङोंइती ङा खोदेंशो पा थुं नाइक्चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१
ကြော်ငြာတွေ