एज्रा 2:69 - Sunuwar Bible

⁶⁹ मेकोपुकीमी आन चाप्‍स पा सेल्‍तीक गेय कली ६१ हजार सुन के आदारकोन नु ५ हजार चांदी के मीना नु चढ़ेब आन कली सहे का फेक्‍तीक वा गेम्‍तेक्‍म। आदारकोन का ८.४ ग्राम सुन के क्‍येट बाक्‍ब। चांदी के मीना का ६०० ग्राम खोदेंशो बाक्‍ब।

एज्रा 2:69 ပူးပေါင်းရင်းမြစ်များ

१ राजा 7:51

मिनु पिप सोलोमनम परमप्रभु यावे आ खिं ङा गेय नेल्‍ल थुम्‍पदा बाक्‍त। मिनु मेकोमी आ आफ दाऊदमी जिम्‍मा गेशो थोव़कपुकी, सुन, चांदी नु दारपाइक्‍तीक चाक्‍पाइश्‍शा, परमप्रभु यावे आ खिं ङा शोंप वोइक्‍तीकेमी वोइक्‍पाइक्‍मी बाक्‍त।

१ इतिहास 22:14

गो शुश श्‍येत पा परमप्रभु यावे आ खिं सेल्‍चा कली मार वोइक्‍ता देंशा हना, लाख का टलेन्‍ट सुन, १० लाख टलेन्‍ट चांदी नु नाक्‍ने मचाप्‍चा ङा पा कांसा नु फलाम खेक्‍शा वोइक्‍ता‍मी। मारदे हना मेकेर शुश बाक्‍शो बाक्‍त। शी नु फुल्‍लुपुकी यो ठीक पा वोइक्‍तामी। गे अर्को यो तेम्‍चा माल्‍नेवे। टलेन्‍ट का ३४ किलो बाक्‍ब। १इतिहास २९:२

१ इतिहास 29:7

मेकोपुकीमी ग्‍येरशा परमप्रभु आ खिं सेल्‍चा कली मार मार गेमे बाक्‍त देंशा हना, ५ हजार टलेन्‍ट सुन, नु सुन के क्‍येट १० हजार दारीके, १० हजार टलेन्‍ट चांदी, १८ हजार टलेन्‍ट कांसा लाख का टलेन्‍ट फलाम गेमे बाक्‍त। दारीके का ८.४ ग्राम सुन के क्‍येट बाक्‍ब।

एज्रा 2:68

मिनु मेकोपुकी यरूसलेममी बाक्‍शो परमप्रभु यावे आ खिं जाक्‍मा नोले का निक्‍शी खिं ङा ठेयब मुरपुकीमी परमप्रभु आ खिं ङोंइती ङा आ बाक्‍तीके उइ लेंशा सेल्‍चा कली ग्‍येरशा आन दाक्‍स पा क्‍येट गेम्‍तेक्‍म।