एज्रा 10:7 - Sunuwar Bible

⁷ मिनु यहूदा नु यरूसलेमम बाक्‍ब लेश्‍शा जाक्‍शो ग्‍याइश्‍शा लाइक्‍चा पुंइसीब नेल्‍ल यरूसलेमम बुक्‍मल, दे नेंपाइक्‍तेक्‍म।

एज्रा 10:7 ပူးပေါင်းရင်းမြစ်များ

२ इतिहास 30:5

मिनु मेकोपुकीम दक्‍खिन ङा बेयर-शेबा रे उत्तर ङा दान सम्‍म ङा इस्राएली नेल्‍ल आन कली परमप्रभु यावे, इस्राएली आन परमप्रभु आ पर्बम पास्‍सा चाड मानेचा कली यरूसलेमम जाक्‍चा माल्‍मा बाक्‍त। एको क्‍येङा ङोंइती इश्‍का मुर दुम्‍शा, एको चाड ममानेशो बाक्‍‍मा बाक्‍त।

एज्रा 1:1

पारसी रागीमी पिप कोरेस आ ङोंइती ङा बर्समी परमप्रभु यावेमी येरमीया रे पा देंशो लोव़ खाप्‍चा कली पिप कोरेस आ थुं क्‍युक्‍गा बाक्‍त। मिनु मेको पिपमी आ राज्‍य नेल्‍लेमी मेको लोव़ नेंपाइक्‍चा कली ब्रेक्‍पदा बाक्‍त। यसैया ४५:१; यसैया ४४:२८

एज्रा 10:6

मिनु नोले एज्रा परमप्रभु आ खिं आ ङोंइती रे बोक्‍शा, एल्‍याशीब आ तौ येहो-हानान आ कोठाम लत। मिनु मेकोमी शोब्‍ले मजव ब्‍वाक्‍कु यो मतूङ। मारदे हना ग्‍याइश्‍शा लाइक्‍चा पुंइसीब आन मटितीके आ पर्बम सुर्ता पना पन बाक्‍त।

एज्रा 10:8

मिनु हुकुम पाइब नु खाल्‍पापुकीमी “सुइ मुर नाक्‍त सां सम्‍ममी मजाक्‍त हना, मेको आ शोंप नेल्‍ल रोइक्‍चा पुंइसीब। मिनु लेश्‍शा जाक्‍शो ग्‍याइश्‍शा लाइक्‍चा पुंइसीब आन दाते रे तिल्‍चा पुंइसीब” दे यहूदा नु यरूसलेम ङा तेइ तेइ लोव़ सोइक्‍ताक्‍म।