एज्रा 10:5 - Sunuwar Bible

⁵ मोपतीके एज्रा बोक्‍शा, ठेयब चढ़ेबपुकी, लेवीपुकी नु नेल्‍ल इस्राएली आन कली “ङोंइती देंशो लोव़ पाइनीक” दे कसम जपाइक्‍तीमी। मिनु मेकोपुकीमी कसम जाम्‍तेक्‍म।

एज्रा 10:5 ပူးပေါင်းရင်းမြစ်များ

एज्रा 10:3

मोपतीके मुल आंइ परमप्रभु नु कबल का पय। आ प्रभु नु परमप्रभु आ शेंतीक मान पा हिंशा टी‍ब आन देंशो खोदेंशो पा एको मीश मुर नु आन आल नेल्‍ल आन कली प्रोंइशा सोइक्‍चा कली लोव़ थोक्‍तय। मिनु परमप्रभु आ अरेशो लोव़म देंशो खोदेंशो पय।

नेहेम्‍याह 10:29

मेको आन लोक्‍ब नु आन ठेयब मुरपुकी नु गारशा, परमप्रभु यावे आ वाइल मोसामी गेशो परमप्रभु आ अरेशो लोव़ टिचा कली थुं का पाम्‍तेक्‍म। आंइ परमप्रभु यावे आ शेंशो, आ पतीक लोव़ नु आ फुल्‍लुम मुशा ब्रेक्‍शो लोव़ तुइश्‍शा पचा कली कसम जाम्‍तेक्‍म।

नेहेम्‍याह 13:25

मिनु गो मेकोपुकी नु जि‍शा, सराप पाइश्‍शा, का निक्‍शी आन कली तुप्‍शा, आन चां रोक्‍ताक्‍ङमी। मिनु मेको आन कली परमप्रभु आ नेंमी लोव़ पाइक्‍तामी। “गे इन तमीपुकी मेको आन तौ कली गेतीनी नु आन तमी इन तौ आन कली चाक्‍तीनी हना, आंइ कली खतम दुम्‍पाइक्‍नीनी” देंती। ब्‍‍यवस्‍था ७:३

नेहेम्‍याह 5:12

मिनु मेकोपुकीमी “गो नेल्‍ल लेश्‍शा गेनीकी। मेकोपुकी रे मारेइ मताक्‍नीकी। इन देंशो खोदेंशो पा नेल्‍ल पाइनीकी” देंतेक्‍म। मिनु गो चढ़ेब आन कली ब्रेश्‍शा “आंइ देंशो खोदेंशो पा पाइनीकी” दे कसम जपाइक्‍तामी।

हितोपदेस 1:5

जोक्‍ब तुइक्‍ब नेल्‍लेमी एको लोव़ रिम्‍शो पा नेंबमी तेम्‍शा शुश रुप्‍ब दुम्‍नीम। निप्‍स पाइश्‍शो मुर जोक्‍ब दुम्‍शा,

हितोपदेस 15:23

मुरुम ठीक पा लोव़ लेन्‍ने चाप्‍तु हना, ग्‍येरपाइक्‍ब। माल्‍ची ना माल्‍शो लोव़ पचा, गिश रिम्‍शो बाक्‍ब।

हितोपदेस 27:9

ब्रोव़शो रिना पाइश्‍शो तेल नु धूपमी मुर आन थुं ग्‍येरशो सेल्‍ब। तन्‍न वारच आ अर्ती मेको क्‍येङा रिम्‍शो बाक्‍ब।

हितोपदेस 9:9

जोक्‍ब तुइक्‍ब आन कली अर्ती गेशोनु, ङोंइती क्‍येङा जोक्‍ब तुइक्‍ब दुम्‍नीम। ठीक पाइब आन कली शेंशोनु, मेको क्‍येङा ठीक पचा शेंसीनीम।

मत्ती 26:63

मिनु नेल्‍ल क्‍येङा ठेयब चढ़ेबमी “ब्रोंइशा बाक्‍ब परमप्रभु यावे आ नेंमी हिल्‍लो पाइनन, गे परमप्रभु यावे आ तौ ख्रीस्‍त नवे, दे मनवे?” देंमेनु, मत्ती २७:१२; यूहन्‍ना १०:२४