एज्रा 10:3 - Sunuwar Bible

³ मोपतीके मुल आंइ परमप्रभु नु कबल का पय। आ प्रभु नु परमप्रभु आ शेंतीक मान पा हिंशा टी‍ब आन देंशो खोदेंशो पा एको मीश मुर नु आन आल नेल्‍ल आन कली प्रोंइशा सोइक्‍चा कली लोव़ थोक्‍तय। मिनु परमप्रभु आ अरेशो लोव़म देंशो खोदेंशो पय।

एज्रा 10:3 ပူးပေါင်းရင်းမြစ်များ

२ राजा 11:17

मेको नोले येहो-यादामी परमप्रभु यावे, पिप नु आ मुर कली कबल का पवा बाक्‍त। मेकोपुकी परमप्रभु यावे आ मुर दुम्‍नीम, दे कबल पवा बाक्‍त। मिनु मेकोम पिप नु मुर आन दातेम यो कबल का पवा बाक्‍त।

२ इतिहास 29:10

मिनु मुल गो परमप्रभु यावे, इस्राएली आन परमप्रभु नु कबल पचा थुं पशो बाक्‍नुङ। मोपा इं पर्बम गाइश्‍शो बेक्‍बा कों?

२ इतिहास 30:12

परमप्रभु यावेमी यहूदा ङा मुर यो थुं का दुम्‍पदा बाक्‍त। मिनु मेकोपुकीमी पिप नु सरकार ङा ठेयब मुर आन कली देंशो, परमप्रभु यावे आ लोव़ खोदेंशो पा पामे बाक्‍त।

२ इतिहास 34:21

“गो नु इस्राएल नु यहूदाम लीशो मुर आन पर्बम परमप्रभु यावे कली हिल्‍लो पने। मेको थिश्‍शो किताबम ब्रेक्‍शो लोव़ गो नु आंइ किकी पिपीम मटितीके परमप्रभु यावे गोपुकी नु शुश गाइश्‍शो बाक्‍माक्‍त। मेको ब्रेक्‍शो लोव़ गो मपक” देंमाक्‍त।

२ इतिहास 34:27

‘गे परमप्रभु यावेमी मेको रागी नु आ मुर आ पर्बम ब्रेक्‍शो लोव़ नेंशा, इ थुंम परमप्रभु आ ङोंइती ब्रेम्‍शो सेल्‍शा, इ वा खाक्‍शा, ङाक्‍शा, इ पशो लोव़ नेंता। २इतिहास ३३:१२-१३

एज्रा 10:11

मुल गे परमप्रभु यावे, इन किकी पिपी आन परमप्रभु आ ङोंइती इन मरिम्‍शो पशो शोव़ङीन। मिनु आ दाक्‍शो पने। गे मेको रागी ङा मुर नु अर्को जात ङा मीश रे ब्राङीन” दे मेको आन कली माइक्‍तीमी।

एज्रा 10:44

मेको नेल्‍लेमी अर्को जात ङा मीश ग्‍युंबे पशो बाक्‍तेक्‍म। मिनु मेकोपुकीमी आन मीश नु आन आल प्रोंइशा सोइक्‍ताक्‍म।

एज्रा 10:9

मिनु यहूदा नु बेन्‍यामीन ङा मुर नेल्‍ल नाक्‍त सां यरूसलेममी बुक्‍तेक्‍म। मेको ९ महिना ङा २० नाक्‍तीम बाक्‍त। मुर नेल्‍ल परमप्रभु आ खिं ङा लाङगाम निस्‍साक्‍म। मेको नेल्‍ल लोव़ नु ठेयब ठेयब रेउ आ पर्बम ख्रिंख्रि पाम्‍तेक्‍म।

एज्रा 9:4

मेको ग्‍याइश्‍शा लाइक्‍चा पुंइसीब आन मरिम्‍शो पतीके आ पर्बम इस्राएली आन परमप्रभु आ लोव़ कली मान पा हिंबपुकी आं बाक्‍तीकेम एर ओंथ बुक्‍तेक्‍म। मेकेर रे गो नाक्‍दो ङा चढ़ेतीक सम्‍म मारेइ लोव़ पने मचाप्‍थु, सिक्‍सी पा बाक्‍ती।

नेहेम्‍याह 10:1

मेको छाप थोक्‍‍शो ब्रेक्‍स आगाम सु सु आन नें ब्रेक्‍शो बाक्‍त देंशा हना: हाकाल्‍याह आ तौ हुकुम पाइब नेहेम्‍याह नु सिदकीयाह आस नें ब्रेक्‍शो बाक्‍त।

नेहेम्‍याह 8:14

मिनु परमप्रभु यावेमी मोसा कली “इस्राएलीपुकीमी ७ महिना ङा ७ नाक्‍त कली गोठ सेल्‍शा बाक्‍तीक चाड मानेचा माल्‍नीम” दे शेंशा, परमप्रभु यावे आ अरेशो लोव़म ब्रेक्‍शो थित्‍तेक्‍म। लेवी २३:३४-३६; लेवी २३:४०

नेहेम्‍याह 9:38

मिनु मेको आन पशो नेल्‍ल मिम्‍शा, गोपुकीमी परमप्रभु नु कबल का पाइतक। मिनु मेको कबल ङा लोव़ नेल्‍ल ब्रेक्‍ताक्‍क। मेको छाप थोक्‍शो ब्रेक्‍सम आंइ ठेयब मुरपुकी, लेवीपुकी नु चढ़ेब आन नें ब्रेक्‍शो बाक्‍तेक्‍म।

भजन संग्रह 119:120

गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ।

भजन संग्रह 119:59

गो इन पतीके मिम्‍शा, इन देंशो लोव़ ङा लांम गाक्‍नुङ।

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

यसैया 8:20

गे शेंतीक नु अरेशो लोव़ आ पर्बम परमप्रभु कली हिल्‍लो पचा माल्‍नीनी। अरु लोव़ पाइब मुर काइ मरुप्‍ब बाक्‍नीम।

इजीकीएल 9:4

“यरूसलेम सहर आ एर ओंथ नेल्‍ल हिरशा मेकेर पशो मूर्ति पूजा नेल्‍ल आन पर्बम सुर्ता नु रोंका पाइब मुर नेल्‍ल आन कुप्‍फीम चिन्‍ड का वोतो” दे माइक्‍तु। प्रकाश ७:३

ब्‍यवस्‍था 29:12

मारदे नेल्‍ल बाक्‍शो बाक्‍तीनी देंशा हना, परमप्रभु यावे, इन परमप्रभुमी गे नु कसम जशो कबल मुलाक्‍त परमप्रभु यावे, इन परमप्रभुमी गे नु पाइब।

यहोसु 9:6

मिनु मेकोपुकीमी गिल्‍गाल यहोसु आ बाक्‍तीकेमी जाक्‍शा, यहोसु नु इस्राएली नेल्‍ल वोंइश मुर नेल्‍ल आन कली “गोपुकी ङोन रागी रे जाक्‍शो नकी। मोपतीके गोपुकी नु गारशा, कबल पने” देंतेक्‍म।