एज्रा 10:14 - Sunuwar Bible

¹⁴ गे आंइ ठेयब मुरपुकीमी यरूसलेमम मेको लोव़ नेंपतीन। मिनु सु सुमी आंइ सहरम अर्को जात ङा मीश चाक्‍गमे, मेको सहर ङा खाल्‍पा नु निसाफ पाइब आन ङोंइती देंशो ना जाक्‍चा माल्‍नीम। आंइ परमप्रभु आ थाम्‍पा गाइश्‍शो मनांइसे सम्‍म मोदेंशो पने” दे ठेयब सेंदामी लोव़ लेत्‍ताक्‍म।

एज्रा 10:14 ပူးပေါင်းရင်းမြစ်များ

२ राजा 23:26

मो हना यो परमप्रभु यावेम आ ठेयब पा गाइश्‍शो चुरशो मलेत्‍ता बाक्‍त। यहूदा आ पर्बम मेको आ गाइश्‍शो मनांइसे बाक्‍त। मिनु मनस्‍सेमी यो मेको कली थाम्‍पा गाइक्‍पाइश्‍शो बाक्‍माक्‍त। २राजा २१:११-१६

२ इतिहास 28:11

मुल आं लोव़ नेनीन। इन ग्‍याइश्‍शो आंम मुर आन कली प्रोंइशा लेत्‍चा गेने। मारदे हना परमप्रभु यावे इन कली तशा शुश चुरशो बाक्‍ब” देंमाक्‍त।

२ इतिहास 29:10

मिनु मुल गो परमप्रभु यावे, इस्राएली आन परमप्रभु नु कबल पचा थुं पशो बाक्‍नुङ। मोपा इं पर्बम गाइश्‍शो बेक्‍बा कों?

२ इतिहास 30:8

गेपुकी इन किकी पिपी खोदेंशो पा काइ मटीब मदुमीन। तन्‍न परमप्रभु यावे कली आ अरेशो टिशा, आ बाक्‍तीकेम जाक्‍कीन। मिनु ‘मेको गेना हना यो आं बाक्‍तीकेम बाक्‍ब’ देंशो बाक्‍ब। गे परमप्रभु यावे कली गेय पने। मोपा इन पर्बम आ गाइश्‍शो बेक्‍बा, कों?

एज्रा 10:13

तन्‍न गो एकेर शुश मुर बाक्‍नीकी। रेउ यिना यिन बाक्‍ब। मिनु गो हाक्‍सीतीकेमी राप्‍शा बाक्‍ने मचाप्‍नीकी। एको गेय काबु निक्‍बुम मथुम्‍सीब। मारदे हना आंइ दातेमी शुश मुरुम मोदेंशो मरिम्‍शो पाम्‍तेक्‍म।

एज्रा 10:15

मिनु आसाहेल आ तौ योनाथन नु तिकवाह आ तौ याहजैयाह मबि‍स्‍सस। मेशुल्‍लाम नु शब्‍बेथाइ लेवी निक्‍शीमी मेको आस कली वारच पाइक्‍ताक्‍स।

भजन संग्रह 78:38

मो हना यो परमप्रभु शिशी पाइब बाक्‍तीके मेको आन ठीक मपशो माफ गेम्‍तीमी। मेको आन कली मसद। खेयप खेयप मेको आन पर्बम आ गाइश्‍शो तेक्‍तु। मेकोमी आ गाइश्‍शो नेल्‍ल मग्रुंइद।

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

गन्‍ती 25:4

मिनु परमप्रभु यावेमी मोसा कली “एको मुर आन ठेयब मुर नेल्‍ल आन कली चाक्‍शा क्‍युक्‍शा साइश्‍शा, परमप्रभु यावे आ ङोंइती नाप्‍शो नांम वोइक्‍मी। मिनु परमप्रभु यावे इस्राएली आन पर्बम आ थाम्‍पा गाइश्‍शो नांइसीब” देंत। ब्‍यवस्‍था २१:२२-२३; २सामुएल २१:६-९

ब्‍यवस्‍था 13:17

मिनु गेपुकीमी मथिचा देंशो थोव़क मारेइ मलतीन। मिनु परमप्रभु यावे आ गाइश्‍शो नाइक्‍ब कों, इन कली शिशी पा दाक्‍ब। इन किकी पिपी नु कसम जशो खोदेंशो पा इन कली शुश सेल्‍ब।

ब्‍यवस्‍था 17:9

मिनु गेपुकी चढ़ेब, लेवी आ थर ङा मुर नु मेना गेय पाइब निसाफ पाइब कली ‘मार पचा’ दे हिल्‍लो पचा कली ग्रुम्‍थ लचा माल्‍नीनी। मेकोमी इन कली दोपा निसाफ पचा शेंनीम। २इतिहास १९:८,११

यहोसु 7:26

मिनु मेको आन तारी शुश फुल्‍लु तेल्‍तेक्‍म। मेको फुल्‍लु तेल्‍तीके मुलाक्‍त सम्‍म बाक्‍ब। मिनु नोले परमप्रभु यावे आ गाइक्‍चा नांइसाक्‍व। मिनु मेको बेंसी आ नें आकोर बेंसी वोइक्‍तेक्‍म। मेको मुल सम्‍म बाक्‍ब। यसैया ६५:१०; होसे २:१७