एज्रा 10:11 - Sunuwar Bible

¹¹ मुल गे परमप्रभु यावे, इन किकी पिपी आन परमप्रभु आ ङोंइती इन मरिम्‍शो पशो शोव़ङीन। मिनु आ दाक्‍शो पने। गे मेको रागी ङा मुर नु अर्को जात ङा मीश रे ब्राङीन” दे मेको आन कली माइक्‍तीमी।

एज्रा 10:11 ပူးပေါင်းရင်းမြစ်များ

२ इतिहास 30:22

मिनु हिज्‍कीयाहम परमप्रभु यावे आ गेय रिम्‍शो पस जोक्‍ब लेवी आन कली लोव़ पा आन थुं बारपाइक्‍मी बाक्‍त। मिनु मुरपुकीम मेको चाड ङा जचा थोव़क ७ नाक्‍ती सम्‍म जना जन बाक्‍मा बाक्‍त। मेकोपुकीम दुशा बाक्‍चा आ पर्बम चढ़ेतीक चढ़ेशा, परमप्रभु यावे, आन किकी पिपी आन परमप्रभु कली “गे रिम्‍शो पाइब बाक्‍नीनी” दे ग्‍येरसीशा बाक्‍मा बाक्‍त।

एज्रा 10:10

मिनु चढ़ेब एज्रा बोक्‍शा मेको आन कली “गेपुकीमी अर्को जात ङा मीश आल ग्‍युंबे पा चाक्‍तीनी। इस्राएली आन दोस तेम्‍ताक्‍नी।

एज्रा 10:12

मिनु मेकेर बुक्‍शो मुर नेल्‍लेमी ठेयब सेंदामी “इन देंशो थमा बाक्‍ब। गोपुकीमी इन देंशो खोदेंशो पचा माल्‍नीकी।

एज्रा 10:3

मोपतीके मुल आंइ परमप्रभु नु कबल का पय। आ प्रभु नु परमप्रभु आ शेंतीक मान पा हिंशा टी‍ब आन देंशो खोदेंशो पा एको मीश मुर नु आन आल नेल्‍ल आन कली प्रोंइशा सोइक्‍चा कली लोव़ थोक्‍तय। मिनु परमप्रभु आ अरेशो लोव़म देंशो खोदेंशो पय।

एज्रा 9:1

मिनु मेको नेल्‍ल पने थुम्‍शो नोले का निक्‍शी योव़चा पुंइसीशो मुरपुकी आं बाक्‍तीकेम जाक्‍शा “इस्राएल ङा मुरपुकी, चढ़ेब नु लेवीपुकीमी, कनानी हित्ती, परिज्‍जी, यबुसी, अम्‍मोनी, मोआबी, इजीप्‍ती नु एमोरी आन ग्रांग्रा दि‍शो गेय रे ङोन मदुम्‍शो बाक्‍नीम।

नेहेम्‍याह 13:3

मिनु मेको अरेशो लोव़ पढेशो नेंशा, अर्को रागी ङा मुर नेल्‍ल आन कली तिल्‍तेक्‍म।

नेहेम्‍याह 9:2

इस्राएलीपुकीमी अर्को जात ङा मुरपुकी रे आंम कली तिल्‍साक्‍म। मिनु आन बाक्‍तीकेम राप्‍शा, आन मरिम्‍शो पशो नु आन किकी पिपी आन मरिम्‍शो पशो शोव़तेक्‍म।

भजन संग्रह 32:5

मिनु “गो परमप्रभु यावे कली आं पाप शोव़नुङ” देंशा, गो आं मरिम्‍शो पशो इन ङोंइती मख्रुइक्‍तु। मिनु गे आं मरिम्‍शो पशो क्‍याम्‍ताक्‍नी। ठेयब सेंदा पा।

हितोपदेस 28:13

सुमी आंम पशो मरिम्‍शो पतीके ख्रुइक्‍बा, मेको सोशो बोशो मदुम्‍ब। तन्‍न सुमी आंम पशो मरिम्‍शो शोव़बा नु प्रोंइबा, मेको शिशी ताइब। भजन संग्रह ३२:३-५; १यूहन्‍ना १:८-९

यसैया 56:4

मारदे हना परमप्रभु यावेमी “आल मथीब मुरुमी आं नाइक्‍तीक नाक्‍ती नाइश्‍शा, आं दाक्शो पाम्‍तेक्‍म नु आं कबल मप्रोंइथु बाक्‍तेक्‍म हना,

येरमीया 3:13

गे ‘गो पापी नङ। गो आं परमप्रभु यावे कली काइ मटीब दुम्‍ती। मिनु गिगी रवा नेल्‍ल आन पुंमी अरु देवी देवता आन कली दाक्‍ताक्‍ङ’ देंते। मिनु आं देंशो मटिवी। इ पाप शोव़ङो, दे मतो” देंत।

येरमीया 7:3

मुर नेल्‍ल परमप्रभु यावे, इस्राएली आन परमप्रभुमी मार, देंत देंशा हना “इन गाक्‍तीक लां नु इन पशो नेल्‍ल रिम्‍शो सेलीन। मो पाइतीनी हना, गो गेपुकी नु एकेर बाक्‍नुङ। येरमीया १८:११; येरमीया २५:५; येरमीया २६:१३; यसैया १:१६

इजीकीएल 18:30

मोपतीके ए इस्राएल आ खिं ङा मुर, गो नेल्‍ल इन कली इन पशो कोव़शा निसाफ पाइनुङ। मिनु इन हेंथे पशो नेल्‍ल रे लेतीन। मो मपाइतीनी हना, इन मरिम्‍शो पशोम इन कली साइक्‍ब।

यूहन्‍ना 9:24

मिनु मिक्‍च ताइब दुम्‍शो कली लेंशा ब्रेश्‍शा “परमप्रभु यावे कली मान पावो। इ कली मिक्‍च तपाइक्‍ब पापी बाक्‍माक्‍त, दे तुइक्‍नीकी” देंतेक्‍म।

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

हिब्रू 13:21

परमप्रभु यावेमी येसु ख्रीस्‍त रे पा इन थुं रिम्‍शो सेलल, आ दाक्‍शो गेय पपदल, आ कली ग्‍येरपाइक्‍ब सेलल। येसु ख्रीस्‍त कली गेना हना यो ठेयब सेल्‍य। आमेन। आमेन आ अर्थ “गो यो मेकोन मिम्‍नुङ” बाक्‍ब।

यहोसु 7:19

मिनु यहोसुमी आकान कली “आं तौ, परमप्रभु यावे, इस्राएली आन परमप्रभु कली ठेयब सेलो। मार मार पवी, मेको कली देनो। इ पशो आं कली देनो। लोव़ का यो मख्रुइक्‍तो” देंत।