एज्रा 1:6 - Sunuwar Bible

⁶ मिनु मेको आन नेक्‍था बाक्‍ब नेल्‍लेमी आन ङोंइती गेशो प्रोंइशा, चांदी के बोस, सुन के थोव़क, अरु थोव़क, बी ब्‍यफ नु शुश क्‍येट लाइब मार मार थोव़क शुश तेम्‍शा गेशा, मेको आन कली वारच पाम्‍तेक्‍म।

एज्रा 1:6 ပူးပေါင်းရင်းမြစ်များ

१ इतिहास 29:9

मिनु मुरपुकीमी हाइश्‍शो थुंमी गेशा ग्‍येरसीशो बाक्‍मा बाक्‍त। मारदे हना मेकोपुकीमी ग्‍येरसीशा परमप्रभु यावे कली शुश गेशो बाक्‍मा बाक्‍त। पिप दाऊद यो थाम्‍पा ग्‍येरशो बाक्‍माक्‍त।

एज्रा 1:4

मिनु लीशो यहूदी ते ते बाक्‍मा, मेकोपुकीमी यरूसलेमम परमप्रभु आ खिं सेल्‍चा कली सुन चांदी, अरु शोंप नु बी ब्‍यफ चाक्‍शा, आन आंम दाक्‍शो गेचा माल्‍नीम” दे पिप कोरेसमी ब्रेक्‍शो बाक्‍त।

एज्रा 8:33

मिनु आ दीसा मेको सुन चांदी नु बोसपुकी, आंइ परमप्रभु आ खिंमी लाइश्‍शा, चढ़ेब उरीयाह आ तौ मेरेमोथ कली नाक्‍शा गेतक। मेको नु फिने‍हास आ तौ एलाजर यो बाक्‍त। मिनु मेको निक्‍शी नु लेवी आन दाते ङा येशुआ आ तौ योजाबाद नु बिन्‍नुइ आ तौ नोआदीयाह यो बाक्‍ताक्‍स।

नेहेम्‍याह 6:9

मिनु मेको नेल्‍लेमी आंइ कली हिंच कोंइचा माल्‍तेक्‍म। मेकोपुकीमी “एको गारो प्रोव़चा प्रोंइनीम। मथुम्‍नीम” दे मिम्‍त्‍मे बाक्‍त। मिनु गो “परमप्रभु, आं थुं बारपतीन” दे पुंइता।

भजन संग्रह 106:46

मिनु परमप्रभुमी इस्राएली आन कली सासन पाइब आन थुंमी शिशी पतीक कुर पवा बाक्‍त।

भजन संग्रह 110:3

गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।

प्रस्‍थान 12:35

मिनु इस्राएलीपुकीम मोसा आ देंशो खोदेंशो पा इजीप्‍ती आन सुन चांदी नु वासी पुंइतेक्‍म। प्रस्‍थान ११:२

प्रस्‍थान 12:36

मिनु परमप्रभु यावेमी इजीप्‍त ङा मुर आन कली इस्राएली आन कली दाक्‍पाइक्‍तीके, आन पुंइशो नेल्‍ल गेम्‍तेक्‍म। मोपा इजीप्‍त ङा मुर आन शोंप लाइश्‍शा गाक्‍तेक्‍म। प्रस्‍थान ३:२१

यसैया 35:3

इन मारेइ पने मचाप्‍ब गुइ बोल्‍यो सेलीन। इन ख्रिंख्रि पाइब पोक्‍च बोल्‍यो सेलीन। हिब्रू १२:१२

२ कोरिन्‍थी 9:7

क्‍येट पोक्‍गु कों मपोक्‍गु, दे थुं निक्‍शी मपथु, सुइमी “गेव की गेव” माइक्‍चा मपुंइसीथु, आंम थुंमी मिम्‍शा, ग्‍येरसीशा गेचा माल्‍ब। ग्‍येरसीशा गेब कली परमप्रभु यावेमी दाक्‍ब। रोमी १२:८