एज्रा 1:5 - Sunuwar Bible

⁵ मिनु नोले यरूसलेम सहरमी परमप्रभु यावे आ खिं लेंशा सेल्‍चा कली परमप्रभुमी मुर आन थुं पोक्‍चा पुंइसीशो यहूदा नु बेन्‍यामीन आस खिं खिं ङा ठेयब मुरपुकी, चढ़ेबपुकी नु लेवी नेल्‍ल मेकेर लचा कली सास‍मा बाक्‍त।

एज्रा 1:5 ပူးပေါင်းရင်းမြစ်များ

२ इतिहास 36:22

मिनु पारसी ङा पिप कोरेसमी पिप पवा आ ङोंइती ङा बर्सम येरमीया आ देंशो परमप्रभु यावे आ लोव़ गाप्‍चा कली परमप्रभु यावेम पारसी ङा पिप आ थुंमी लोव़ पवा बाक्‍त। मिनु मेकोमी आ ठेयब राज्‍य नेल्‍लेम लोव़ पा ब्रेक्‍शा, उरदी पपदा बाक्‍त। येरमीया २९:१०; यसैया ४४:२८

एज्रा 1:1

पारसी रागीमी पिप कोरेस आ ङोंइती ङा बर्समी परमप्रभु यावेमी येरमीया रे पा देंशो लोव़ खाप्‍चा कली पिप कोरेस आ थुं क्‍युक्‍गा बाक्‍त। मिनु मेको पिपमी आ राज्‍य नेल्‍लेमी मेको लोव़ नेंपाइक्‍चा कली ब्रेक्‍पदा बाक्‍त। यसैया ४५:१; यसैया ४४:२८

एज्रा 1:2

मिनु पारसी ङा पिप कोरेसमी मार लोव़ ब्रेक्‍पदा बाक्‍त देंशा हना “परमप्रभु यावे, स्‍वर्ग ङा परमप्रभुमी, रागी ङा राज्‍य नेल्‍ल आं कली गेशो बाक्‍ब। मिनु मेकोमी आं कली ‘यहूदा रागी ङा यरूसलेममी आं खिं सेलो’ दे माइक्‍ती।

एज्रा 1:4

मिनु लीशो यहूदी ते ते बाक्‍मा, मेकोपुकीमी यरूसलेमम परमप्रभु आ खिं सेल्‍चा कली सुन चांदी, अरु शोंप नु बी ब्‍यफ चाक्‍शा, आन आंम दाक्‍शो गेचा माल्‍नीम” दे पिप कोरेसमी ब्रेक्‍शो बाक्‍त।

नेहेम्‍याह 2:12

मिनु नोले गो नाक्‍दो बोक्‍शा, का निक्‍शी मुर नु गारो कोव़थ लती। तन्‍न आं परमप्रभुमी आं थुंमी यरूसलेम आ पर्बम वोइश्‍शो लोव़ सुइ आन कली मशेंदुमी। मिनु गो आं ङोइश्‍शो शारा ङा लाक्‍शा, अरु शारा मलदु।

हितोपदेस 16:1

मुर आन थुंमी मिम्‍ना मिम्‍न बाक्‍नीम। तन्‍न लोव़ लेत्‍तीक परमप्रभु यावे रे जाक्‍ब।

हाग्‍गै 1:14

मिनु परमप्रभु यावेमी शाल्‍तीएल आ तौ, यहूदा रागीम हुकुम पाइब, जेरूब-बाबेल नु यहो-सादाक आ तौ, नेल्‍ल क्‍येङा ठेयब चढ़ेब, यहोसु नु लीशो मुर आन थुं कली जोंब पोक्‍ताक्‍व। मिनु मेकोपुकीमी मुर नेल्‍ल आन परमप्रभु यावे, आ खिं सेल्‍चा गोम्‍तेक्‍म।

२ कोरिन्‍थी 8:16

गो परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍नुङ। मारदे हना तीतसमी कोरिन्‍थी इन कली शुश मिम्‍ताक्‍व।

फिलिप्‍पी 2:13

मारदे हना परमप्रभु यावेमी इन थुंमी गेय पाइब। मार गेय पाइब देंशा हना, आ दाक्‍शो पचा, दे इन कली दाक्‍ब थुं गेशा, गेय पपाइक्‍ब। फिलिप्‍पी १:६

३ यूहन्‍ना 1:11

आं दाक्‍शो थमा सुइक्‍ब लोक्‍ब, मरिम्‍शो मुर आन तस मखोतो। तन्‍न रिम्‍शो मुर आन तस खोतो। सु रिम्‍शो गेय पाइबा, मेको परमप्रभु यावे आ मुर बाक्‍ब। सु चहिं मरिम्‍शो पाइबा, मेको परमप्रभु यावे कली मतुइक्‍ब बाक्‍ब।