एज्रा 1:3 - Sunuwar Bible

³ मिनु इन दातेमी सु सु परमप्रभु आ मुर बाक्‍नीमी, मेको नु परमप्रभु बाक्‍ल। मिनु मेको मुरपुकी इर लशा, यहूदा रागी ङा यरूसलेममी बाक्‍ब परमप्रभु यावे, इस्राएली आन परमप्रभु आ खिं सेलीन।

एज्रा 1:3 ပူးပေါင်းရင်းမြစ်များ

१ राजा 18:39

मिनु मुर नेल्‍ल मेको तशा, खुम्‍की पा बाप्‍शा “परमप्रभु यावे, थमा पा परमप्रभु बाक्‍माक्‍त। परमप्रभु यावे, थमा पा परमप्रभु बाक्‍माक्‍त” देंमा बाक्‍त।

१ राजा 8:23

मिनु मेकोमी “परमप्रभु यावे, इस्राएली आन परमप्रभु इर स्‍वर्गम नु रागीम इन खोदेंशो अर्को तेकोइ परमप्रभु मबाक्‍नीम। इन कली आन थुं नेल्‍लेमी नोले खोइक्‍ब, इन गेय पाइब आन कली पशो कबल खाप्‍शा, मेको आन कली गेना हना यो दाक्‍नीनी।

१ इतिहास 28:20

मिनु दाऊदमी आ तौ सोलोमन कली “बोल्‍यो नु महिंब दुम्‍शा, एको गेय पावो। महिनो, इ थुं ग्‍येत्‍थ लुक्‍च मपावो। मारदे हना परमप्रभु यावे, आं परमप्रभु गे नु बाक्‍ब। परमप्रभु यावेमी आ खिंमी गेय पचा कली मारेइ मारेइ सेल्‍ने मथुमा सम्‍म इ कली मप्रोंइथु वारच पाइब। १इतिहास २२:१३; ब्‍यवस्‍था ३१:६

एज्रा 1:4

मिनु लीशो यहूदी ते ते बाक्‍मा, मेकोपुकीमी यरूसलेमम परमप्रभु आ खिं सेल्‍चा कली सुन चांदी, अरु शोंप नु बी ब्‍यफ चाक्‍शा, आन आंम दाक्‍शो गेचा माल्‍नीम” दे पिप कोरेसमी ब्रेक्‍शो बाक्‍त।

एज्रा 4:3

तन्‍न जेरूब-बाबेल, येशुआ नु इस्राएली आन लीशो खिं खिं ङा ठेयब मुरपुकीमी मेको आन कली “एको खिं गो इस्राएली आंइ परमप्रभु कली सेल्‍नीकी। एकेर गे इन पचा माल्‍शो मारेइ मबाक्‍ब। पारसी ङा पिप कोरेसमी आंइ कली अरेशो खोदेंशो पा, गो आंइ परमप्रभु यावे, इस्राएली आन परमप्रभु आ खिं आंमान सेल्‍नीकी” दे माइक्‍तेक्‍म।

एज्रा 5:13

तन्‍न बेबीलोन ङा पिप कोरेसमी आ सासन पशो ङोंइती ङा बर्समी एको परमप्रभु आ खिं लेंशा सेल्‍चा कली हुकुम गेशो लोव़ ब्रेक्‍शा ग्रुंइशो बाक्‍त। एज्रा १:१-२

एज्रा 5:3

मिनु युफ्रेटीस आइक्‍ची हांबु ङा रागीम सासन पाइब तत्तेनाइ, शेथार-बोजे‍नाइ नु मेको नु बाक्‍बपुकी रीब पा यहूदी आन बाक्‍तीकेम जाक्‍शा “एको खिं लेंशा सेल्‍चा नु थुम्‍चा कली इन कली सुम अधिकार गेवा?” देंतेक्‍म।

एज्रा 6:7

परमप्रभु आ खिं सेल्‍तीक गेय मतेक्‍कीन। यहूदी आन कली सासन पाइब नु मेको आन खाल्‍पा आन कली परमप्रभु आ खिं ङोंइती ङा आ बाक्‍तीक उइ सेल्‍चा गेने।

भजन संग्रह 132:13

परमप्रभु यावेमी सियोन कली योव़शो बाक्‍ब। “आं बाक्‍तीके मेकेर बाक्‍ब” दे मिम्‍शो बाक्‍ब। भजन संग्रह ६८:१७; भजन संग्रह ७६:३

भजन संग्रह 83:18

मेकोपुकीमी इन नें परमप्रभु यावे बाक्‍ब, दे तुइक्‍तमेक्‍ल। गे रागी ङा नेल्‍ल क्‍येङा ठेयब बाक्‍नीनी” दे परमप्रभु कली ठेयब सेल्ता। होसे १२:१६

यसैया 37:16

“मुर नेल्‍ल आन परमप्रभु यावे, इस्राएली आन परमप्रभु, गे करूब आस तार बाक्‍ब बाक्‍नीनी। गे ला रागी नेल्‍ल ङा राज्‍य ङा परमप्रभु बाक्‍नीनी। सरीङ नु रागी इन सेल्‍शो बाक्‍नीस।

यसैया 44:28

कोरेस आं गोठला बाक्‍ब। मेकोमी आं मिम्‍शो गेय पाइब। मेकोमी ‘यरूसलेम लेंशा सेल्‍चा माल्‍ब’ देंब। आं खिं आ पर्बम ‘नक जग सेल्‍नुङ’ ” देंत। २इतिहास ३६:२३; एज्रा १:१-४

यसैया 45:5

गो परमप्रभु यावे नङ। गो आं ङा लाक्‍शा सुइ परमप्रभु मबाक्‍ब। गे आं कली मतुइक्‍ताक्‍यी हना यो, गो इ कली ठीक सेल्‍तन। प्रस्‍थान २०:३

येरमीया 10:10

तन्‍न परमप्रभु यावे थमा ङा परमप्रभु बाक्‍ब। मेको ब्रोंइशा बाक्‍ब परमप्रभु नु गेना हना यो लीब पिप बाक्‍ब। मेको गाइक्‍तानु, रागीम ख्रिनु कुइब। मिनु रागी रागी ङा मुरपुकीम मेको आ गाइश्‍शो फाल्‍ने मचाप्‍नीम। येरमीया ५:२

दानीएल 2:47

मिनु पिपमी दानीएल कली “थमान, इन परमप्रभु देवी देवता आन परमप्रभु नु पिप आन परमप्रभु बाक्‍ब। मिनु ख्रुइश्‍शो लोव़ तुइक्‍पाइक्‍ब बाक्‍ब। मोपतीके गे एको ख्रुइश्‍शो लोव़ रुप्‍पाइक्‍ने चाप्‍तीनी” देंत। दानीएल ३:२९; यहोसु २:११; भजन संग्रह ८६:८; यसैया ४२:८

दानीएल 6:26

आं राज्‍य ङा मुर नेल्‍लेमी दानीएल आ परमप्रभु कली मान पा हिंचा माल्‍नीम। मारदे हना मेको गेना हना यो ब्रोंइशा बाक्‍ब परमप्रभु बाक्‍ब। मेको आ राज्‍य गेना हना यो लीब। मिनु आ अधिकार गेनायो मनुप्‍ब।

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

प्रेरित 10:36

परमप्रभु यावेमी येसु ख्रीस्‍त आ पतीकेम आंइ इस्राएल ङा मुर आन कली ग्‍येरपाइक्‍ब लोव़ नेंपाइक्‍तु। मिनु येसु ख्रीस्‍त नेल्‍ल आन प्रभु बाक्‍ब। एफिसी २:१७

ब्‍यवस्‍था 32:31

इं जोरी सत्रुमी “मेको आन सेरथे फुल्‍लु आंइ सेरथे फुल्‍लु खोदेंशो ममाइ” दे लोव़ पाम्‍तेक्‍म। ब्‍यवस्‍था ३२:४,३७

यहोसु 1:9

गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।