एज्रा 1:1 - Sunuwar Bible1 पारसी रागीमी पिप कोरेस आ ङोंइती ङा बर्समी परमप्रभु यावेमी येरमीया रे पा देंशो लोव़ खाप्चा कली पिप कोरेस आ थुं क्युक्गा बाक्त। मिनु मेको पिपमी आ राज्य नेल्लेमी मेको लोव़ नेंपाइक्चा कली ब्रेक्पदा बाक्त। यसैया ४५:१; यसैया ४४:२८ အခန်းကိုကြည့်ပါ။ |
एज्रा 1:1
23 ပူးပေါင်းရင်းမြစ်များ
मिनु यहूदी आन खाल्पापुकीमी सेल्ना सेल्न बाक्तेक्म। परमप्रभु यावे आ लोव़ पाइब हाग्गै नु इददो आ तौ जकरिया आस देंशो खोदेंशो पा रीब पा दुम्ना दुम्न लत। इस्राएली आन परमप्रभु आ देंशो खोदेंशो पा, पारसी रागी ङा पिप कोरेस आ हुकुम गेशो खोदेंशो पा, पिप दारा आ वारच पतीकेमी नु पिप आरता-सास्त आन ब्रेक्शा ग्रुंइशो हुकुम खोदेंशो पा मेकोपुकीमी मेको खिं लेंशा सेल्ने थुम्तेक्म।
मिनु मेकोपुकीमी ग्येरशा ७ नाक्त सम्म बोरब ओख्ती मसुप्शो शोब्ले ङा चाड मानेम्तेक्म। मारदे हना परमप्रभु यावेमी मेको आन कली ग्येरपाइश्शो बाक्त। मेकोमी अस्सुर ङा पिप आ थुं हिरशा, मेको आन कली दाक्पाइश्शो बाक्त। मोपतीके मेको पिपमी इस्राएल ङा परमप्रभु आ खिं सेल्चा कली मेको आन कली वारच पाइक्तीमी।
पिप कोरेसमी सासन पशो ङोंइती ङा बर्समी यरूसलेममी परमप्रभु आ खिं आ पर्बम हुकुम पशो ब्रेक्स का ग्रुंइशो बाक्ब। मार लोव़ ग्रुंइशो बाक्ब देंशा हना “मेको खिं लेंशा सेलीन। मेको चढ़ेचा कली नु चोशा चढ़ेतीक चढ़ेचा कली बाक्ब। आ ग्येत्थ लाइश्शो ६० कुबीत नु आ पित्थ ब्रेम्शो ६० कुबीत दुम्चा माल्ब। कुबीत का आधा मिटर खोदेंशो बाक्ब।
ကြော်ငြာတွေ