इजीकीएल 8:6 - Sunuwar Bible

⁶ मिनु मेकोमी आं कली “ए मुर, मेको आन पशो तवी? मार पन पन बाक्‍मा, गे मेको तवी? इस्राएली आन खिं ङा मुरपुकीम आं कली आं बाक्‍तीक रे खेरचा कली मेको ग्रांग्रा दिशो गेय पना पन बाक्‍नीम। तन्‍न गे मेको क्‍येङा यो शुश ग्रांग्रा दिशो गेय ताइनेवे” देंत।

इजीकीएल 8:6 ပူးပေါင်းရင်းမြစ်များ

२ इतिहास 29:5

मिनु मेकोमी मेको आन कली “लेवीपुकी, आं लोव़ नेनीन। मुल गेपुकी आंम कली परमप्रभु यावे आ ङोंइती ठीक सेल्‍सीन। मिनु परमप्रभु यावे, इन किकी पिपी आन परमप्रभु आ खिं ठीक सेलीन। मिनु परमप्रभु यावे आ बाक्‍तीक रे ग्रांग्रा दिशो नेल्‍ल ग्रुंइशा ताइक्‍तीन।

भजन संग्रह 78:60

मेकोमी शिलो ङा आ बाक्‍तीके प्रोंइतु। मेको ताम्‍बु मुर आन बाक्‍तीके आन दातेमी वोइश्‍शो बाक्‍त। १सामुएल १:३; १सामुएल ४:११; येरमीया ७:१२

हितोपदेस 5:14

मुल गो खतम दुम्‍ती। मुर नेल्‍ल आन तुइक्‍चा ङा पा खतम दुम्‍ती” देंनेवे। ब्‍यवस्‍था २२:२८-२९

येरमीया 11:18

परमप्रभु यावेम आं कली मेको मुरपुकीम मार पचा माल्‍शो बाक्‍मा, मेको कोंइशा तुइक्‍पाइक्‍ती। गे आं कली, आन मरिम्‍शो पचशो कोंइताक्‍यीनी।

येरमीया 23:11

परमप्रभु यावेमी “आं लोव़ पाइब नु चढ़ेब नेल्‍ल आं कली ममानेब दुम्‍तेक्‍म। मेकोपुकीमी आं खिंमी यो आं अरेशो लोव़ मटीनीम। येरमीया ५:३१

येरमीया 26:6

गो मेको खिं कली शिलो खोदेंशो सेल्‍नुङ। मिनु मेको सहर कली रागी नेल्‍ल ङा मुर नेल्‍ल आन दातेमी सराप राइब सेल्‍नुङ’ देनो” देंत। २राजा २५:९; येरमीया ७:१२

येरमीया 3:6

योसीयाहम सासन पची ना परमप्रभु यावेमी आं कली “थमा सुइक्‍ने मचाप्‍ब इस्राएलम मार, पवा, मतवी? मेकोमी डांडा नेल्‍ल ङोइश्‍शा, गिगी रवा नेल्‍ल आन पुंम तेल्‍लेम पाप्‍तु। येरमीया २:२०

येरमीया 32:34

मेकोपुकीमी आं नें वोइश्‍शो खिंम आन ग्रांग्रा दिशो देवी देवता वोइक्‍तेक्‍म। मिनु आं खिं कली ग्रांग्रा दिशो सेल्‍तेक्‍म।

येरमीया 7:17

गे मेको यहूदा ङा सहर नु यरूसलेम ङा लां मेर पशो मतवी? येरमीया १९:१३; येरमीया ४४:१७-१९; यसैया ६:५,११

येरमीया 7:30

परमप्रभु यावेम “यहूदा ङा मुरपुकीम आं ङोंइती मरिम्‍शो पशो बाक्‍नीम। मेकोपुकीमी आं नेंम सेल्‍शो खिंम आन ग्रांग्रा दिशो थोव़क वोइक्‍तेक्‍म। मोपा आं खिं ग्रांग्रा दिशो दुम्‍त। येरमीया ३४:३२; २राजा २१:४-५

इजीकीएल 10:18

मिनु परमप्रभु यावे आ छेङछेङ आ खिं ङा लाप्‍चो रे ग्रूशा, करूब आन तार गे दिक्‍त। इजीकीएल १:२८

इजीकीएल 10:19

मिनु मेको करूबम आन आन फ्रां क्‍युक्‍‍तेक्‍म। मिनु आं ङोंइती खप रे इर गे लाम्‍तेक्‍म। मिनु मेको लमानु, मेको गुगील यो मेको नु इर गे लाम्‍तेक्‍म। मिनु मेकोपुकी परमप्रभु यावे आ खिं आ पूर्ब गे ङा लाप्‍चो आ नेक्‍था दिक्‍तेक्‍म। मिनु इस्राएल ङा परमप्रभु आ छेङछेङ मेको आन तार गे बाक्‍त।

इजीकीएल 11:22

मिनु नोले आ नेक्‍था गुगील बाक्‍शो करूबमी आन फ्रां प्राक्‍तेक्‍म। मेना इस्राएली आन परमप्रभु आ छेङछेङ मेको आन तार बाक्‍त। इजीकीएल १:२८

इजीकीएल 11:23

मिनु परमप्रभु यावे आ छेङछेङ सहर आ दाते रे क्‍युक्‍सीशा इर गे लत। मिनु सहर ङा पूर्ब गे बाक्‍शो पहाड तार दिक्‍त।

इजीकीएल 14:6

मोपतीके इस्राएल आ खिं ङा मुर आन कली ‘परमप्रभु, परमप्रभु यावेमी इन ग्रांग्रा दिशो गेय नेल्‍ल प्रोंइशा, इन मूर्ति रे पा लेश्‍शा आं गे जाक्‍कीन’ देंशो बाक्‍ब, दे माइक्‍मी।

इजीकीएल 18:12

प्रुङग नु मारेइ मथीब आन कली दिप्‍ब, मुर आन मार मार रोइक्‍ब। जाकटी वोइश्‍शो थोव़क मलेप्‍ब, मूर्ति आन कली पूजा पाइब नु ग्रांग्रा दिशो गेय पाइब।

इजीकीएल 43:8

मेकोपुकीम आं खिं आ नेक्‍था आन खिं सेल्‍तेक्‍म। आं लाप्‍चो आ ङोंइती आन लाप्‍चो सेल्‍तेक्‍म। मिनु गो नु मेको आन दातेमी गारो का ला लीत। मिनु मेको आन ग्रांग्रा दिशो गेयम, आं नें ग्रांग्रा दिशो सेल्‍तेक्‍म। मोपतीके गो गाइश्‍शा मेको आन कली साइक्‍तामी। इजीकीएल ८:७-१८

इजीकीएल 47:6

मिनु मेकोम आं कली “ए मुर, गे एको तवी” देंत। मिनु लेंशा खोला आ नेक्‍था लेप्‍पाइक्‍ती।

इजीकीएल 5:11

मोपतीके परमप्रभु, परमप्रभु यावेमी ‘गो ब्रोंइशा बाक्‍शो खोदेंशो पा, मो पाइनुङ। मारदे हना इ मूर्ति नु इ ग्रांग्रा दिशो गेयम आं बाक्‍तीक ग्रांग्रा दिशो सेल्‍तीके, गो इ कली खतम सेल्‍नुङ। गो इ कली शिशी मपथु सुइ आन कली ब्रोंइचा मगेनुङ। इजीकीएल ७:४; इजीकीएल ८:७-१८

इजीकीएल 8:13

मिनु लेंशा मेकोम आं कली “गे मेको क्‍येङा यो शुश ग्रांग्रा दिशो गेय पना पन बाक्‍शो ताइनेवे” देंत।

इजीकीएल 8:14

नोले मेकोमी आं कली परमप्रभु यावे आ खिं ङा उत्तर गे ङा ओव़तीकेम चाक्‍दीत्‍ती। मिनु गो मेकेर तम्‍मुज देवता आ पर्बम ङाक्‍शो मीश मुरपुकी तातामी।

इजीकीएल 8:7

मिनु मेकोम आं कली लाङगा ङा ओव़तीकेम चाक्‍दीत्‍ती। मिनु गो मेकेर ङा गारोम पोव़ला का ता‍ता।

इजीकीएल 8:9

मिनु मेकोम आं कली “आगा ओव़शा, मेकोपुकीम पशो थम मरिम्‍शो नु ग्रांग्रा दिशो गेय कोव़ङो” देंत।

होसे 5:6

मिनु मेको आन क्‍यारश भेडा नु बी ब्‍यफ लाइश्‍शा, परमप्रभु यावे कली माल्‍थ लाइनीमी। तन्‍न मेकोपुकीमी मेको कली मथित्‍नीम। मारदे हना मेको आन क्‍येङा ङोन लत। यसैया १:११-१५