इजीकीएल 8:3 - Sunuwar Bible

³ मेकोम आ गुइ दिंशा आं चांम ग्‍याइश्‍शा छुल पोक्‍ती। मिनु सोक्‍तीम आं कली सरीङ नु रागी आस दातेम लाइक्‍ती। मिनु परमप्रभु यावे आ सोक्‍तीम आं कली यरूसलेमम लाइक्‍ती। मेकोमी आं कली परमप्रभु यावे आ खिं ङा उत्तर गे ङा आगा ङा लाङगा आ ओव़तीकेम चाक्‍ती। मेकेर रुश पपाइक्‍ब मूर्ति आन बाक्‍तीके बाक्‍त। मेकोमी रुश पपाइक्‍बाक्‍त। इजीकीएल ३:१२

इजीकीएल 8:3 ပူးပေါင်းရင်းမြစ်များ

१ राजा 18:12

गो इन कली प्रोनु चोटी परमप्रभु यावे आ सोक्‍तीम इन कली लाइक्‍ब। मिनु गो लशा आहाब कली मो देंङानु, मेकोमी इन कली मथित्‍तु हना, आं कली साइक्‍ब। मो हना यो, गो, इन गेय पाइब, आं आल रेन परमप्रभु यावे कली मान पा हिंशा, थमा सुइक्‍ब बाक्‍नुङ।

२ राजा 16:14

मेकोमी परमप्रभु यावे आ खिं आ ङोंइती बाक्‍शो कांसा के चढ़ेतीक परमप्रभु यावे आ खिं नु चढ़ेतीक आस दातेम मबाक्‍ल, दे याक्‍ता बाक्‍त। नक चढ़ेतीक लाइश्‍शा, मेकेर वोदा बाक्‍त। मेको माइत चढ़ेतीक चहिं उत्तर गे वोदा बाक्‍त।

२ राजा 2:16

मिनु मेकोपुकीम एलीशा कली “कोव़ङीन, गो इन गेय पाइबपुकी नु बोल्‍यो ५० जना मुर बाक्‍नीम। मेकोपुकी लशा, इन होव़प कली माल्‍चा गेने। परमप्रभु यावे आ सोक्‍तीम क्‍युक्‍शा लाइश्‍शा, मेको कली तेकोइ पहाड, बेंसीम वोइश्‍शो बाक्‍म माइ” देंमा बाक्‍त। तन्‍न एलीशाम “ममाइ, मेको आन कली मसोइक्‍तीन” देंमाक्‍त।

२ राजा 21:7

मेकोम आ मुशा सेल्‍शो अशेराह देवी आ मूर्ति परमप्रभु यावे आ खिंम वोदा बाक्‍त। परमप्रभु यावेमी मेको खिं आ पर्बम दाऊद नु आ तौ सोलोमन आस कली “गो एको इस्राएल आ थर नेल्‍ल आन रे आं योव़शो यरूसलेम सहर ङा एको खिंम आं नें गेना हना यो वोइक्‍नुङ। १राजा ८:२९; १राजा ९:३

भजन संग्रह 78:58

मेकोपुकीमी आन मूर्ति वोइश्‍शो डांडामी परमप्रभु कली गाइक्‍पाइक्‍तेक्‍म। मेको आन सेल्‍शो मूर्तिमी मेको कली गेहे पपाइक्‍तेक्‍म। ब्‍यवस्‍था ३२:२१

प्रस्‍थान 20:4

मूर्ति मसेलीन। सरीङम बाक्‍ब, रागीम बाक्‍ब नु ब्‍वाक्‍कु गाम बाक्‍ब तेकोइ जन्‍तु आन मूर्ति मसेलीने। ब्‍यवस्‍था ४:१५-१९; ब्‍यवस्‍था २७:१५; यसैया ४०:१८-२६; रोमी १:२३

प्रस्‍थान 20:5

मेको आन कली बाप्‍शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्‍ब नु आ अरेशो मटीब मुर आन आल, चच, युइ नु युइ आन युइ आन पाला सम्‍म यो सजाइ गेब परमप्रभु नङ। प्रस्‍थान ३४:१४; ब्‍यवस्‍था ४:२४; ब्‍यवस्‍था ५:९; ब्‍यवस्‍था ६:१५; अय्‍युब २१:१९; येरमीया ३१:२९-३१; इजीकीएल १८:२५

प्रस्‍थान 34:14

गे मेको आन देवी देवता आन ङोंइती बाप्‍शा सेउ मपने। मारदे हना आं नें रुश पाइब बाक्‍ब। मिनु गो रुश पाइब परमप्रभु बाक्‍नुङ।

येरमीया 32:34

मेकोपुकीमी आं नें वोइश्‍शो खिंम आन ग्रांग्रा दिशो देवी देवता वोइक्‍तेक्‍म। मिनु आं खिं कली ग्रांग्रा दिशो सेल्‍तेक्‍म।

येरमीया 7:30

परमप्रभु यावेम “यहूदा ङा मुरपुकीम आं ङोंइती मरिम्‍शो पशो बाक्‍नीम। मेकोपुकीमी आं नेंम सेल्‍शो खिंम आन ग्रांग्रा दिशो थोव़क वोइक्‍तेक्‍म। मोपा आं खिं ग्रांग्रा दिशो दुम्‍त। येरमीया ३४:३२; २राजा २१:४-५

इजीकीएल 1:1

मिनु ३० बर्स ङा ४ महिना ङा ५ नाक्‍ती ग्‍याइश्‍शा लाइक्‍चा पुंइसीशोपुकी नु गो केबार खोला आ नेक्‍था बाक्‍शो नङ। मिनु मेना सरीङ रोक्‍साक्‍व। मिनु गो परमप्रभु आ कोंइशो तातामी। इजीकीएल १:३; इजीकीएल ३:२३; इजीकीएल १०:१५,२०,२२; इजीकीएल ४३:३

इजीकीएल 10:3

मिनु मेको मुर आगा ओव़मेनु, करूब परमप्रभु यावे आ खिं आ दक्‍खिन गे बाक्‍तेक्‍म। मिनु गोस्‍स काम परमप्रभु यावे आ खिं ङा आगा ङा लाङगा ब्रीत।

इजीकीएल 11:1

मिनु सोक्‍तीम आं कली क्‍युक्‍‍शा, परमप्रभु यावे आ खिं ङा पूर्ब गे ङा लाप्‍चोम चाक्‍ती। मेको पूर्ब गे कोव़शो बाक्‍त। मिनु मेको आगा ओव़तीके‍मी २५ जना मुर बाक्‍तेक्‍म। गो मेको आन दातेम इस्राएल ङा ठेयब मुर अज्‍जुर आ तौ याजन्‍याह नु बेनायाह आ तौ पेलात्‍याह आस कली यो तातासी। इजीकीएल ३:१२

इजीकीएल 11:24

मिनु परमप्रभु यावे आ सोक्‍तीम आं कली इर क्‍युक्‍ती। मिनु कोंइतीके कोंइशोमी आं कली कल्‍दी रागीम ग्‍याइश्‍शा लाइक्‍चा पुंइसीशो आन बाक्‍तीकेम चाक्‍दीत्‍ती। मिनु नोले मेको कोंइतीके आं रे इर गे लाक्‍तु। इजीकीएल ३:१२

इजीकीएल 2:9

मिनु गो कोव़ङुनु, गुइ का आं गे दिंशो ताता। मेकेर ब्रेक्‍शा ओल्‍शो कागज का बाक्‍त। प्रकाश १०:८

इजीकीएल 3:12

मिनु परमप्रभु यावे आ सोक्‍तीम आं कली इर क्‍युक्‍ती। मिनु गो “परमप्रभु यावे आ छेङछेङ ठेयब बाक्‍ब” देंशो नेंता। मिनु गो आं नोले गे ठेयब रेयके पशो नेंता। इजीकीएल १:२८

इजीकीएल 3:14

मिनु सोक्‍तीम आं कली क्‍युक्‍शा लाइक्‍ती। मिनु गो कशो थुं दुम्‍शा, गाइश्‍शा लती। मेना परमप्रभु यावे आ बोल्‍यो गुइम आं कली दिप्‍ती।

इजीकीएल 37:1

परमप्रभु यावेमी आं कली थिती। मिनु परमप्रभु यावे आ सोक्‍तीम आं कली बेंसी आ दातेमी चाक्‍‍ती। मेको बेंसी रुशेइ रुशेम ब्रीशो बाक्‍त। इजीकीएल १:३

इजीकीएल 40:2

परमप्रभुमी आ कोंइतीकेम आं कली इस्राएल रागी लाइक्‍ती। मिनु आं कली थम ठेयब लाइश्‍शो डांडा काम वोइक्‍ती। मेको आ दक्‍खिन गे सहर का खोदेंशो तांइसीशो बाक्‍त। जकरिया १४:१०

इजीकीएल 43:5

मिनु सोक्‍तीम आं कली क्‍युक्‍शा, आगा ङा लाङगाम ओंइताक्‍यी। मिनु परमप्रभु यावे आ खिं छेङछेङम ब्रीत। इजीकीएल १:२८; प्रस्‍थान ४०:३४; १राजा ८:१०-११

इजीकीएल 43:8

मेकोपुकीम आं खिं आ नेक्‍था आन खिं सेल्‍तेक्‍म। आं लाप्‍चो आ ङोंइती आन लाप्‍चो सेल्‍तेक्‍म। मिनु गो नु मेको आन दातेमी गारो का ला लीत। मिनु मेको आन ग्रांग्रा दिशो गेयम, आं नें ग्रांग्रा दिशो सेल्‍तेक्‍म। मोपतीके गो गाइश्‍शा मेको आन कली साइक्‍तामी। इजीकीएल ८:७-१८

इजीकीएल 5:11

मोपतीके परमप्रभु, परमप्रभु यावेमी ‘गो ब्रोंइशा बाक्‍शो खोदेंशो पा, मो पाइनुङ। मारदे हना इ मूर्ति नु इ ग्रांग्रा दिशो गेयम आं बाक्‍तीक ग्रांग्रा दिशो सेल्‍तीके, गो इ कली खतम सेल्‍नुङ। गो इ कली शिशी मपथु सुइ आन कली ब्रोंइचा मगेनुङ। इजीकीएल ७:४; इजीकीएल ८:७-१८

इजीकीएल 7:20

मारदे हना आन दारशो गहनामी ठेयब लेश्‍शा, आन ग्रांग्रा दिशो मूर्ति सेल्‍तेक्‍म। मोपतीके गो मेको आन सुन चांदी मेको आन कली ग्रांग्रा दिशो सेल्‍नुङ।

इजीकीएल 8:5

मिनु परमप्रभु यावेमी आं कली “ए मुर, मुल गे उत्तर गे कोव़ङो” देंत। मिनु गो उत्तर गे कोव़ङुनु, चढ़ेतीक आ उत्तर गे ङा लाप्‍चोम मेको रुश पपाइक्‍ब आ मूर्ति ताता।

इजीकीएल 9:2

मिनु गो ६ जना वोंइश मुर आइक्‍था ङा उत्तर गे ङा लाप्‍चो रे जाक्‍शो ताता। मेको नेल्‍लेमी साइक्‍चा कली या कुरशो बाक्‍तेक्‍म। मेको आन दातेमी बुश सुती वा फेक्‍शो ब्रेक्‍तीक कुरशो मुर का बाक्‍त। मेकोपुकी आगा ओव़शा कांसा के चढ़ेतीक आ नेक्‍था राप्‍तेक्‍म। इजीकीएल १०:२; दानीएल १०:५

दानीएल 10:10

मिनु गुइ काम आं कली थिती। मिनु गो गुइ नु पोक्‍च थेक्‍शा, बोक्‍ती।

दानीएल 10:18

मिनु मेको मुर खोदेंशोमी आं कली लेंशा थिशा, बोल्‍यो सेल्‍ती। दानीएल ८:१८

दानीएल 5:5

मिनु मेना मुर आ गुइ का फो ग्रूशा, बत्ती आ नेक्‍था दरवार ङा सिल्‍‍शो गारोमी ब्रेक्‍ताक्‍व। मिनु पिपमी मेको गुइमी ब्रेक्‍ना ब्रेक्‍न पशो ताप्‍तु।

प्रेरित 8:39

मिनु ब्‍वाक्‍कु रे ग्रूशा कुसानु, परमप्रभु यावे आ सोक्‍तीमी फिलीप कली लदा बाक्‍त। मिनु ठेयब मुरुमी मेको मतवा बाक्‍त। मो हना यो थाम्‍पा ग्‍येरसीशा, आ लां खोइश्‍शा गाक्‍माक्‍त।

ब्‍यवस्‍था 32:16

मिनु मेकोपुकीमी अर्को देवी देवता आन कली ठेयब सेल्‍शा, मेको कली गेहे पपाइक्‍तेक्‍म। मेकोपुकीमी ग्रांग्रा दिचा ङा थोव़कीम पतीके मेको कली गाइक्‍पाइक्‍तेक्‍म।

ब्‍यवस्‍था 32:21

देवी देवता आन पर्बमी आं कली रुश पपाइक्‍नीम। मूर्ति पूजा पा आं कली गाइक्‍ब सेल्‍तीमी। मोपतीके गो ङोन ङा मुर आन कली आंम के सेल्‍शा, एको आन कली रुश पपाइक्‍नुङ। रागी ङा मतुइक्‍ब मुर आन कली गुप्‍शा, मेको आन कली गाइक्‍पाइक्‍नुङ। भजन संग्रह ७८:५८; येरमीया २:११; रोमी १०:१९

ब्‍यवस्‍था 4:24

मारदे हना परमप्रभु यावे, इन परमप्रभु ठेयब मी खोदेंशो नु रुश पाइब परमप्रभु बाक्‍ब। ब्‍यवस्‍था ९:३; प्रस्‍थान २४:१७; यसैया १०:१७; हिब्रू १२:२९; प्रस्‍थान २०:५

ब्‍यवस्‍था 5:9

मेको आन ङोंइती मबपीन। मेको आन कली पूजा मपने। मारदे हना गो परमप्रभु यावे, इन परमप्रभु रुश पाइब परमप्रभु नङ। आ कली मटीब आम आफ बाक्‍ताक्‍स हना, मेको आ आल, चच, युइ नु युइ आन युइ सम्‍म सजाइ ताइनीम। ब्‍यवस्‍था ४:२४

ब्‍यवस्‍था 6:15

मारदे हना परमप्रभु यावे, इन परमप्रभु, रुश पाइब परमप्रभु इन दातेमी बाक्‍ब। मो पाइतीनी हना, परमप्रभु यावे, इन परमप्रभु इन पर्बम शुश गाइक्‍ब। मिनु मेकोमी इन कली रागी रे क्‍याम्‍ब। प्रस्‍थान २०:५

यहोसु 24:19

मिनु यहोसुमी मुर आन कली “गेपुकीमी परमप्रभु यावे कली ठेयब सेल्‍ने मचाप्‍नीनी। मारदे हना मेको का ला परमप्रभु नु रुश पाइब परमप्रभु बाक्‍ब। मिनु मेकोमी इन मरिम्‍शो पशो नु इन पाप मक्‍याम्‍ब। ब्‍यवस्‍था २९:३; प्रस्‍थान २०:५