इजीकीएल 8:16 - Sunuwar Bible16 मिनु मेकोम आं कली परमप्रभु यावे आ खिं ङा आगा ङा लाङगा चाक्दीत्ती। मिनु मेकेर परमप्रभु यावे आ खिं नु चढ़ेतीक आस दातेम २५ जना खोइ वोंइश मुर बाक्तेक्म। मेकोपुकीम आन ची परमप्रभु यावे आ खिं गे हिरशो बाक्तेक्म। आन कुल चहिं पूर्ब गे कोव़शा नां आ ङोंइती बाप्शो बाक्तेक्म। ब्यवस्था ४:१९; ब्यवस्था १७:३; २राजा २३:५,११; येरमीया ८:२ အခန်းကိုကြည့်ပါ။ |
इजीकीएल 8:16
29 ပူးပေါင်းရင်းမြစ်များ
मिनु नोले सोलोमनम परमप्रभु यावे आ खिं आ ङोंइती ङा लाङगा परमप्रभु कली जिम्मा गेवा बाक्त। मिनु मेकेर चोशा चढ़ेतीक चढ़ेवा बाक्त। दुशा बाक्चा आ पर्बम चढ़ेशो आन बोंसो यो चढ़ेवा बाक्त। मारदे हना मेको आ सेल्शो कांसा के चढ़ेतीकेम चोशा चढ़ेशो, अन्न चढ़ेशो नु बोंसो चढ़ेचा कली मरिक्ता बाक्त। २इतिहास ४:१
मेको आ पा ङा आंइ कसम जशो खाप्नीकी। गोपुकी सरीङ ङा पिपीम कली चढ़ेशा, मेको कली तूचा थोव़क लुक्नीकी। गोपुकी, आंइ किकी पिपी, आंइ पिपीपुकी नु आंइ ठेयब मुरपुकीम यहूदा ङा सहर नु यरूसलेम ङा लांम मोदेंशो पाम्तेक्म। मेना गोपुकी शुश जचा ताइतक। मिनु आंइ माल्शो क्येङा शुश तशा, श्येत मजक। येरमीया ७:१७-१८; होसे २:७
मिनु मेको रुश नेल्ल, नां, तास्ला नु सोरुल आन ङोंइती फ्रचा माल्नीम। मारदे हना मेको मुरपुकीमी मेको आन कली गेय पा शुश दाक्ताक्म। मेको आन नोले खोइक्ब दुम्तेक्म। मेको आन कली लां कोंइब सेल्शा पूजा पाम्तेक्म। मेको रुश आन कली खुप्शा थिम्चा मदुम्ब। मेको खप कली मोव़ल दुम्चा माल्नीम। ब्यवस्था ४:१९
परमप्रभु यावे आ ङोंइती गेय पाइब चढ़ेबपुकी परमप्रभु यावे आ खिं ङा पिंडी नु चढ़ेतीक आ दातेम ङाक्मल” देंत। मेकोपुकीमी “परमप्रभु यावे इन मुर आन कली सजाइ मगेने। रागी रागी ङा मुर आन ङोंइती इन मुर आन कली शुक्शी नु तोक्शा लोव़ पाइक्तीक दुम्चा मगेने। मिनु जात जात ङा मुरपुकीमी ‘मार, मेको आन परमप्रभु ते बाक्म?’ देंचा मतामेक्ल” देंतेक्म। भजन संग्रह ७९:१०
ကြော်ငြာတွေ