इजीकीएल 8:14 - Sunuwar Bible

¹⁴ नोले मेकोमी आं कली परमप्रभु यावे आ खिं ङा उत्तर गे ङा ओव़तीकेम चाक्‍दीत्‍ती। मिनु गो मेकेर तम्‍मुज देवता आ पर्बम ङाक्‍शो मीश मुरपुकी तातामी।

इजीकीएल 8:14 ပူးပေါင်းရင်းမြစ်များ

इजीकीएल 11:12

मेना गेपुकीम गो परमप्रभु यावे नङ, दे तुइक्‍नीनी। गेपुकीम आं फुल्‍लु मुशा ब्रेक्‍शो लोव़ मटिनी। आं निसाफ पतीक लोव़ यो मटिनी। तन्‍न गे इन एर ओंथ बाक्‍ब रागी रागी ङा मुर आन पतीक लोव़ पाइ‍तीनी’ ” दे परमप्रभु यावेमी देंत।

इजीकीएल 44:4

मिनु नोले मेकोमी आं कली उत्तर गे ङा ठेयब लाप्‍चो रे पा परमप्रभु यावे आ खिं आ ङोंइती चाक्‍ती। मिनु मेको कोव़ङुनु, परमप्रभु यावे आ छेङछेङम मेको आ खिं ब्रीशो बाक्‍त। मिनु गो खुम्‍की पा बाप्‍ती।

इजीकीएल 46:9

मिनु रागी ङा मुरपुकी देंशो नाक्‍त ङा चाडम परमप्रभु यावे कली ठेयब सेल्‍चा कली आ ङोंइती जाक्‍तेक्‍म हना, मेको उत्तर ङा ठेयब लाप्‍चो रे ओव़चा माल्‍नीम। नोले दक्‍खिन ङा ठेयब लाप्‍चो रे पा ग्रूचा माल्‍नीम। सु चहिं दक्‍खिन ङा ठेयब लाप्‍चो रे ओव़नीमी, मेकोपुकी उत्तर ङा ठेयब लाप्‍चो रे ग्रूचा माल्‍नीम। मेकोपुकी आगा ओव़शो ठेयब लाप्‍चो रे लाङगा ग्रूचा मदुम्‍नीम। आन ओव़शो लाप्‍चो रे ग्रूचा मदुम्‍नीम। ग्‍येत्‍थ पा अर्को ठेयब लाप्‍चो रे पा ग्रूचा माल्‍नीम।

इजीकीएल 8:13

मिनु लेंशा मेकोम आं कली “गे मेको क्‍येङा यो शुश ग्रांग्रा दिशो गेय पना पन बाक्‍शो ताइनेवे” देंत।

इजीकीएल 8:15

मिनु परमप्रभुमी आं कली “ए मुर, गे मेको तवी? गे मेको क्‍येङा यो शुश ग्रांग्रा दिशो गेय ताइनेवे” देंत।