इजीकीएल 8:12 - Sunuwar Bible

¹² नोले मेकोमी आं कली “ए मुर, इस्राएल आ खिं ङा खाल्‍पा छिङछिङम मार पाइनीमी, मेको आन आन मूर्ति कोठाम मार पना पन बाक्‍मा, तवी? मेकोपुकीम ‘परमप्रभु यावेमी आंइ कली मताइब। परमप्रभु यावेमी एको रागी प्रोंइने थुम्‍शो बाक्‍ब’ देंशो बाक्‍नीम” देंत। इजीकीएल ९:९

इजीकीएल 8:12 ပူးပေါင်းရင်းမြစ်များ

२ राजा 17:9

इस्राएल ङा मुरपुकीम परमप्रभु यावे, आन परमप्रभु आ ङोंइती ख्रुइश्‍शा मरिम्‍शो पशो बाक्‍मा बाक्‍त। खाल पतीक लाइश्‍शो खिं रे सहर नेल्‍लेम आंम कली थान सेल्‍मे बाक्‍त।

भजन संग्रह 10:11

मेको आन थुंमी “परमप्रभुमी आंइ पशो मताइब। आ कुल ख्रुइक्‍ताक्‍व, आंइ पशो प्रेंब” दे मिम्‍नीम। भजन संग्रह ७३:११; भजन संग्रह ९४:७; यसैया २९:१५

भजन संग्रह 14:1

मूर्खपुकीमी “परमप्रभु मबाक्‍ब” दे मिम्‍नीम। मेकोपुकी ग्रांग्रा दिचा ङा दुम्‍शा, मरिम्‍शो गेय पाइनीम। मेको आन दातेमी रिम्‍शो पाइब सुइ मबाक्‍नीम।

भजन संग्रह 73:11

मिनु मेकोपुकीमी “परमप्रभुमी दोपा तुइक्‍बा ङा? मार मेको नेल्‍ल क्‍येङा ठेयब तुइक्‍ब बाक्‍बा ङा?” देंनीम। भजन संग्रह १०:११

यसैया 29:15

गे सु सुमी आंमा मिम्‍शा पशो गेय परमप्रभु यावे आ ङोंइती ख्रुइक्‍नीनी नु छिङछिङम गेय पशा, इं कली सुम ताइबा ङा? इं कली सुम तुइक्‍बा ङा?” देंनीनी। भजन संग्रह १०:११

यसैया 47:10

गे, परमप्रभु यावे आ अरेशो मटिथु ‘आं कली सुइम मताइब’ दे हेम्‍मा पा बाक्‍शा, मिम्‍ताक्‍वी। मिनु इ शुश तुइक्‍तीके नु जोक्‍तीकेम इ कली दूली लां खोइक्‍पाइक्‍तु। इ थुंमी ‘गो नङ। आं क्‍येङा लाक्‍शो अरु सुइ मबाक्‍नीम’ देंते। भजन संग्रह १०:११

इजीकीएल 14:1

इस्राएल ङा खाल्‍पा का निक्‍शी जाक्‍शा, आं ङोंइती निस्‍साक्‍म। इजीकीएल २०:१

इजीकीएल 20:1

मिनु ७ बर्स ङा ५ महिना ङा १० नाक्‍ती इस्राएल ङा खाल्‍पापुकी परमप्रभु यावे कली हिल्‍लो पचा कली जाक्‍शा आं ङोंइती बाक्‍तेक्‍म। इजीकीएल १४:१

इजीकीएल 8:11

मिनु मेको आन ङोंइती इस्राएल ङा ७० जना खाल्‍पा राप्‍शो बाक्‍तेक्‍म। मिनु शाफान आ तौ याजन्‍याह मेको आन दातेम राप्‍शो बाक्‍त। मेको नेल्‍ल आन गुइम आन आन थनौरो बाक्‍तेक्‍म। मिनु धूप चोशो आ ब्रोव़शो रिना इर गे बोक्‍शो बाक्‍त। प्रस्‍थान २४:१; गन्‍ती ११:१६; लूका १०:१७; यसैया ६६:१७

इजीकीएल 8:13

मिनु लेंशा मेकोम आं कली “गे मेको क्‍येङा यो शुश ग्रांग्रा दिशो गेय पना पन बाक्‍शो ताइनेवे” देंत।

इजीकीएल 8:15

मिनु परमप्रभुमी आं कली “ए मुर, गे मेको तवी? गे मेको क्‍येङा यो शुश ग्रांग्रा दिशो गेय ताइनेवे” देंत।

इजीकीएल 8:17

मिनु मेकोम आं कली “ए मुर, गे मेको तवी? मार, यहूदा आ खिं ङा मुर आन ग्रांग्रा दिशो गेय एकेर पचा माल्‍नीमी? मार, मेकोपुकीम रागी कली हुश ख्राक्‍श पोक्‍तीकेम प्रिंशा, आं कली मेको क्‍येङा गाइक्‍पाइक्‍चा माल्‍नीमी? कोव़ङो, मेको आन नेंम राशी वोइक्‍नीम। आन नेंम राशी वोइक्‍तीके थम मरिम्‍शो पतीके बाक्‍ब।

इजीकीएल 9:9

मिनु मेकोमी आं कली “इस्राएल नु यहूदा ङा मुर आन खिं ङा मुर आन दोस थम ठेयब बाक्‍ब। रागी नेल्‍ल हुश ख्राक्‍शेम ब्रीशो बाक्‍ब। मिनु सहर दूली पतीकेम ब्रीशो बाक्‍ब। मारदे हना मेकोपुकीम ‘परमप्रभु यावेमी एको रागी प्रोंइशो बाक्‍ब। मिनु परमप्रभु यावेमी मारेइ मताइब’ देंनीम। इजीकीएल ८:१२

सेफन्‍याह 1:12

मेना गो यरूसलेममी बत्ती दाशा मुर आन कली माल्‍शा, सजाइ गेनुङ। मारदे हना मेकोपुकीमी अल्‍सी पा आन थुंमी ‘परमप्रभु यावेमी रिम्‍शो नु मरिम्‍शो मारेइ यो मपाइब’ दे मिम्‍नीम।

एफिसी 5:12

मिनु मेको आन ख्रुइश्‍शा पशो आ पर्बम लोव़ पचा यो मुने बाक्‍ब। रोमी १:२४

ब्‍यवस्‍था 27:15

मिनु मेकोपुकीमी “सु मुरुमी मुशा, यपाइश्‍शा मूर्ति सेल्‍ब, मेको परमप्रभु यावे कली ग्रांग्रा दित्‍चा ङा बाक्‍ब। मिनु मेको जोक्‍ब मुरुमी आ सेल्‍शो मूर्ति कली ख्रुइश्‍शोमी वोइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २०:४,२३