इजीकीएल 8:10 - Sunuwar Bible

¹⁰ मोपतीके गो आगा ओव़शा कोव़ता। मिनु एर ओंथ नेल्‍ल गारोमी नेल्‍ल खाल ङा ग्रेशा गाक्‍ब जन्‍तु, ग्रांग्रा दिशो जन्‍तु, इस्राएली आन खिं ङा मूर्ति नेल्‍ल मेकेर ब्रेक्‍स पा सेल्‍शो ताता। रोमी १:२३

इजीकीएल 8:10 ပူးပေါင်းရင်းမြစ်များ

प्रस्‍थान 20:4

मूर्ति मसेलीन। सरीङम बाक्‍ब, रागीम बाक्‍ब नु ब्‍वाक्‍कु गाम बाक्‍ब तेकोइ जन्‍तु आन मूर्ति मसेलीने। ब्‍यवस्‍था ४:१५-१९; ब्‍यवस्‍था २७:१५; यसैया ४०:१८-२६; रोमी १:२३

यसैया 44:13

शी मुइबमी शी कली श्‍येलेम थाप्‍शा, ब्रेक्‍स पा बस्‍लाम क्‍योक्‍शा, लेंशा थाप्‍शा, कोव़शा ब्रेक्‍स पाइब। मिनु मुर खोदेंशो पा सेल्‍ब। दारशो मुर खोदेंशो पा सेल्‍ब। मिनु नोले मन्‍दीरम निप्‍पाइक्‍‍ब।

येरमीया 16:18

गो मेको आन मरिम्‍शो पशो नु आन पाप आ पर्बम मेको आन कली निक्‍शी खेयप सजाइ गेनुङमी। मारदे हना मेकोपुकीमी सोक्‍ती मपाइश्‍शो मूर्तिपुकीम आं रागी ग्रांग्रा दिशो सेल्‍तेक्‍म। मिनु आं थेरशो रू आन ग्रांग्रा दिशो देवी देवताम प्रिंताक्‍म” देंत। यसैया ४०:२

येरमीया 3:9

इस्राएलमी आ तेल्‍लेम पतीके थम आइक्‍च मिम्‍ताक्‍व। मेकोमी फुल्‍लु नु रवापुकी नु यो लशा तेल्‍ले‍म पा रागी ग्रांग्रा दिशो सेल्‍तु।

येरमीया 44:21

“गेपुकी, इन किकी पिपी, इन पिप, इन ठेयब मुर नु एको रागी ङा मुरपुकीम यहूदा ङा सहर नु यरूसलेम ङा लांम चढ़ेशो परमप्रभु यावेम मतुइक्‍बा ङा? मार, मेकोमी ममिम्‍ता ङा?

येरमीया 44:4

मो हना यो गो आं गेय पाइब आं लोव़ पाइब आन कली मेको आन बाक्‍तीके सोइक्‍ना सोइक्‍न ‘गो इन कली मेको आं काइ मदाक्‍शो ग्रांग्रा दि‍शो गेय मपन’ देंपाइक्‍तामी। येरमीया २५:४

इजीकीएल 11:12

मेना गेपुकीम गो परमप्रभु यावे नङ, दे तुइक्‍नीनी। गेपुकीम आं फुल्‍लु मुशा ब्रेक्‍शो लोव़ मटिनी। आं निसाफ पतीक लोव़ यो मटिनी। तन्‍न गे इन एर ओंथ बाक्‍ब रागी रागी ङा मुर आन पतीक लोव़ पाइ‍तीनी’ ” दे परमप्रभु यावेमी देंत।

इजीकीएल 23:14

तन्‍न मेकोम आ तेल्‍लेम पतीक ङोंइती क्‍येङा शुश बारपाइक्‍‍तु। मेकोम गारोम मुशा सेल्‍शो वोंइश मुर आन नक‍सा ताप्‍तु। मेको लल रङम सेल्‍शो कल्‍दी आन नक‍सा बाक्‍तेक्म।

इजीकीएल 8:11

मिनु मेको आन ङोंइती इस्राएल ङा ७० जना खाल्‍पा राप्‍शो बाक्‍तेक्‍म। मिनु शाफान आ तौ याजन्‍याह मेको आन दातेम राप्‍शो बाक्‍त। मेको नेल्‍ल आन गुइम आन आन थनौरो बाक्‍तेक्‍म। मिनु धूप चोशो आ ब्रोव़शो रिना इर गे बोक्‍शो बाक्‍त। प्रस्‍थान २४:१; गन्‍ती ११:१६; लूका १०:१७; यसैया ६६:१७

इजीकीएल 8:9

मिनु मेकोम आं कली “आगा ओव़शा, मेकोपुकीम पशो थम मरिम्‍शो नु ग्रांग्रा दिशो गेय कोव़ङो” देंत।

रोमी 1:23

मेकोपुकीम गेना हना यो बाक्‍ब परमप्रभु यावे आ छेङछेङ कली बेक्‍शा लाइब मुर, चिक्‍ब, जन्‍तु नु ग्रेशा गाक्‍ब जन्‍तु आन मूर्ति नु फाइक्‍तेक्‍म। प्रस्‍थान २०:४; ब्‍यवस्‍था ४:१५-१९; भजन संग्रह १०६; येरमीया २:११

ब्‍यवस्‍था 14:3

गेपुकीमी मारेइ ग्रांग्रा दिचा ङा थोव़क मजने मब्‍वने।

ब्‍यवस्‍था 4:16

मिनु गे इन कली मूर्ति सेल्‍शा, खतम मसेल्‍सीन। गे होस पा बाक्‍कीन। तेकोइ वोंइश मुर, मीश मुर, प्रस्‍थान २०:४

ब्‍यवस्‍था 4:18

खपीम गाक्‍ब, ब्‍वाक्‍कुम बाक्‍ब ङांइ के मूर्ति काइ मसेलीन।

ब्‍यवस्‍था 4:23

मिनु परमप्रभु यावे, इन परमप्रभुमी गे नु पशो कबल मप्रेक्‍थु, होस पा बाक्‍कीन। गे मप्रेंथु परमप्रभु यावे, इन परमप्रभुमी देंशो टिशा मारेइ के मूर्ति मसेलीन।

ब्‍यवस्‍था 4:25

मिनु गेपुकी मेको रागीमी शुश बर्स बाक्‍शा, तमी तौ, चच युइ थिशा बाक्‍नीनी। तन्‍न परमप्रभु यावे, इन परमप्रभुमी मदाक्‍चा ङा पा मारेइ के मूर्ति सेल्‍शा, परमप्रभु यावे कली गाइक्‍पाइक्‍तीनी हना,