इजीकीएल 7:24 - Sunuwar Bible

²⁴ गो रागी रागी ङा नेल्‍ल आन क्‍येङा मरिम्‍शो पाइब मुर आन कली मेको आन खिं रोइक्‍पाइक्‍नुङ। गो बोल्‍यो मुर आन ठेयब लेत्‍तीक नुप्‍पाइक्‍नुङ। मिनु मेको आन चोव़खो बाक्‍तीके ग्रांग्रा दिशो दुम्‍नीम।

इजीकीएल 7:24 ပူးပေါင်းရင်းမြစ်များ

उत्पत्ती 47:26

मिनु योसेफमी इजीप्‍त रागी ङा ऐन कानुनमी “फाराओ कली ५ भाग ङा भाग का गेचा माल्‍नीम। नाक्‍सोपुकीमी चहिं गेचा ममाल्‍नीम। मारदे हना आन रू फाराओ के मदुम” दे ब्रेक्‍पदा बाक्‍त। मेको मुल सम्‍म मोदेंशो बाक्‍ब।

भजन संग्रह 106:41

मिनु मेकोमी मेको आन कली रागी रागी ङा मुर आन गुइम गेमी बाक्‍त। मिनु मेको आन जोरी सत्रुम मेको आन कली सासन पामे बाक्‍त। न्‍यायाधीस २:१४

भजन संग्रह 74:7

मेकोपुकीमी इन खिं कली मी सुइक्‍ताक्‍म। रागीमी इन ग्रुम्‍तीक खिं नेल्‍ल मी सुइश्‍शा खतम सेल्‍तेक्‍म। २राजा २५:९

भजन संग्रह 83:12

मेकोपुकीमी ‘परमप्रभु आ रिम्‍शो रागी इं के सेल्‍य’ देंमुम्‍तेक्‍म।

यसैया 5:14

बेक्‍शो मुर आन बाक्‍तीकेम मेको आन कली दाक्‍चा कली आ शोव़ पाक्‍शो बाक्‍ब। मिनु यरूसलेम ङा ठेयब मुर नेल्‍ल नु मेकेर रेयके पा बाक्‍ब नेल्‍ल नरक आ शोव़म ओव़नीम।

येरमीया 12:12

गोरशो रागी ङा डांडा मेर नेल्‍ल श्‍येत्‍थ पोक्‍बपुकी क्राक्‍थ्री चोक्‍थ्री पा जाक्‍शो बाक्‍नीम। मारदे हना परमप्रभु यावे आ तरवारम रागी आ सुर का रे अर्को सुर सम्‍म क्‍योरब। मिनु सुइ मब्रोंइनीम।

येरमीया 17:4

इन पाप पतीकेम गो इन कली गेशो, इन थेरशो रू साम्‍नीनी। मिनु गो इन कली इन मतुइश्‍शो रागीम इन जोरी सत्रु आन वाइल दुम्‍पाइक्‍नन्‍नी। मारदे हना आं गाइक्‍तीके मी ब्रशो खोदेंशो बाक्‍ब। मिनु मेको गेना हना यो ब्रस ङा ब्रस बाक्‍ब” देंत।

येरमीया 4:7

गुप्‍स का आ पुक्‍खी रे ग्रूशा, जाक्‍शो बाक्‍ब। रागी रागी कली खतम पोक्‍ब का ग्रूब। मेको आ बाक्‍तीक रे ग्रूशा, इन रागी कली मुर मबाक्‍तीके सेल्‍ब। इन सहर ङा खिं नेल्‍ल ब्रेत्‍‍नीम। मेकेर मुर बाक्‍ने मचाप्‍नीम। येरमीया २:१५; येरमीया ५:६; येरमीया २५:३८; येरमीया ४९:१९; येरमीया ५०:४४

येरमीया 6:12

मारदे हना गो आं गुइ मेको रागीम बाक्‍ब आन तार दिंनुङ, मेको आन खिं अर्को आन के दुम्‍नीम। आन रू नु आन मीश यो अरु आन के दुम्‍नीम” दे परमप्रभु यावेम देंत।

बिलाप 5:2

आंइ थेरशो रू अर्को रागी ङा मुर आन के दुम्‍त। आंइ खिं यो अर्को रागी ङा मुर आन के दुम्‍तेक्‍म।

इजीकीएल 21:2

मार लोव़ पाप्‍तु देंशा हना “ए मुर, यरूसलेम गे कोव़शा, आं बाक्‍तीक आ पर्बम आं लोव़ पावो। इस्राएल रागी आ पर्बम आं लोव़ पावो।

इजीकीएल 21:31

गो आं गाइश्‍शो इन तार मोइक्‍नुङ। आं चुर‍शो मी मुइश्‍शो खोदेंशो पा गो इन तारी मोइक्‍नुङ। गो इन कली साइक्‍चा कली हुश ख्राक्‍श पोक्‍ब नु सांइ‍स जोक्‍ब आन गुइम जिम्‍मा गेनन्‍नी।

इजीकीएल 24:21

मार लोव़ पाप्‍तु देंशा हना ‘इस्राएल आ खिं ङा मुर आन नेल्‍ल क्‍येङा दाक्‍शो, इन सक्ति, इन कोव़त दाक्‍शो नु थुंम दाक्‍शो आं बाक्‍तीक गो ग्रांग्रा दिशो सेल्‍नुङ। मिनु इन प्रोंइशा वोइश्‍शो इन तमी तौ तरवारम साइक्‍चा पुंइसीनीम

इजीकीएल 28:7

मोपतीके गो रागी रागी ङा नेल्‍ल क्‍येङा मरिम्‍शो पाइब मुर आन कली चाक्‍नुङ। मिनु मेकोमी आन तरवार इ दारस नु इ जोक्‍ब तुइक्‍ब थुं आ पर्बम शोइक्‍नीम। मिनु इ दारस ग्रांग्रा दिशो सेल्‍नीम।

इजीकीएल 33:28

गो मेको रागी कली मुर मबाक्‍शो नु श्‍येत्‍थ सेल्‍नुङ। मिनु मेको आ ठेयब लेत्‍तीक जाम्‍ब। मिनु इस्राएल ङा डांडाम सुइ एर ओंथ पने मचाप्‍चा ङा पा मुर मबाक्‍तीके दुम्‍ब।

सेफन्‍याह 1:13

मेको आन शोंप नेल्‍ल रोइक्‍चा पुंइसीनीम। मेको आन खिं ब्रेत्‍नीम। मेकोपुकीमी खिं सेल्‍तेक्‍म हना यो, मेकेर बाक्‍चा मताइनीम। मेकोपुकीम अङगुर ख्रुम्‍तेक्‍म हना यो, अङगुर शांबु तूचा मताइनीम। ब्‍यवस्‍था २८:३०,३९; आमोस ५:११