इजीकीएल 7:15 - Sunuwar Bible

¹⁵ लाङगाम तरवारम साइक्‍ब। आगाम मुर बेक्‍तीक रोइ नु अन्‍कालम बेक्‍नीम। मिनु रूम बाक्‍ब आन कली तरवारम साइक्‍ब। सहरम बाक्‍ब अन्‍काल नु मुर बेक्‍तीक रोइम साइक्‍चा पुंइसीनीम।

इजीकीएल 7:15 ပူးပေါင်းရင်းမြစ်များ

येरमीया 14:18

गो मेको रागी लती हना, तरवारम साइक्‍चा पुंइसीशोपुकी ताइक्‍नुङमी। गो मेकेर ङा सहरम ओव़ती हना, मेकेर अन्‍काल पशो मुरपुकी ताइनुङमी। परमप्रभु यावे आ लोव़ पाइबपुकी नु चढ़ेब नेल्‍ल मारेइ मतुइक्‍थु, आन गेय पना पन बाक्‍नीम” दे माइक्‍ती।

बिलाप 1:20

“परमप्रभु यावे कोव़ङीन, गो शुश श्‍येत जाता। गो इन देंशो मटीब दुम्‍‍तीके आं थुं चोती। आं थुं साप्‍पा सेक्‍बेर पाइब। लाङगाम तरवारमी साइक्‍ब। मिनु खिं आगाम बेक्‍तीक बाक्‍ब।

बिलाप 4:9

जचा मतथु शोव़लु पा बेक्‍बपुकी क्‍येङा तरवारमी क्‍योरशा साइक्‍चा पुंइसीबपुकी ग्‍येरसीशो बाक्‍नीम। रू ङा फल मथित्‍थु, मेकोपुकी सोव़शा लाइ‍नीम।

इजीकीएल 12:16

तन्‍न गो मेको आन दाते ङा का निक्‍शी आन कली तरवार, अन्‍काल नु मुर बेक्‍तीक रोइ रे प्रोंइनुङमी। मिनु मेकोपुकी ते ते बाक्‍नीमी, मेक मेक ङा रागी रागी ङा मुर आन दातेम आन ग्रांग्रा दिशो गेय पशो आ पर्बम बित्‍‍चीम ला मो पका बाक्‍त देंमल। मिनु मेकोपुकीम गोन परमप्रभु यावे नङ, दे तुइक्‍नीम” दे परमप्रभुम देंत। इजीकीएल ६:८

इजीकीएल 5:12

इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२

इजीकीएल 6:11

मिनु परमप्रभु, परमप्रभु यावेमी “इन गुइ पोक्‍कीन। मिनु इन खोइल थाइक्‍तीन। इस्राएल आ खिं ङा मुर आन ग्रांग्रा दिशो गेय आ पर्बम ‘आबी आबी’ देनीन। मारदे हना मेकोपुकी तरवार, अन्‍काल नु मुर बेक्‍तीक रोइम बेक्‍नीम।

इजीकीएल 6:12

मेको ङोन बाक्‍बपुकी मुर बेक्‍तीक रोइम बेक्‍नीम। मिनु मेको आन नेक्‍था बाक्‍बपुकी तरवारम साइक्‍चा पुंइसीनीम। मिनु लीशो प्रोंइचा पुंइसीशोपुकी अन्‍कालम बेक्‍नीम। मोपा गो आं गाइश्‍शो मेको आन तार मोइक्‍नुङ।