इजीकीएल 7:13 - Sunuwar Bible

¹³ मारदे हना मेको ब्रोंइम सम्‍म लेयचा मताइब। मारदे हना मेको तशो नेल्‍ल आन कली दुम्‍‍ब। मिनु आन मरिम्‍शो पतीके नेल्‍ल बेक्‍नीम।

इजीकीएल 7:13 ပူးပေါင်းရင်းမြစ်များ

एस्‍तर 8:8

मुल आं नेंमी इन दाक्‍स पा यहूदी आन कली रिम्‍शो दुम्‍चा आ पर्बम नक ब्रेक्‍स का ब्रेक्‍तीन। मिनु मेकोमी आं छाप थोक्‍तीन। मारदे हना पिप आ नेंमी ब्रेक्‍शा, आं छाप थोक्‍शो हुकुम गेनायो क्‍याम्‍ने मचाम्‍सीब” देंत।

अय्‍युब 15:25

मारदे हना मेकोपुकीम परमप्रभु आ पर्बम आन गुइ क्‍युक्‍शो बाक्‍नीम। मिनु नेल्‍ल क्‍येङा ठेयब सक्ति पाइश्‍शो कली ‘गो इन क्‍येङा ठेयब नकी’ दे मेको कली मटीनीम।

भजन संग्रह 52:7

एको मुर कली कोव़ङीन। एकोमी परमप्रभु कली जिम्‍मा मगेंसे। आ शुश शोंपोम “गो मारेइ मारेइ पने चाप्‍नुङ देंशा, अरु आन कली खतम पोक्‍शा, बोल्‍यो दुम्‍त” दे रिश्‍शा, कोव़नीम।

उपदेसक 8:8

फश कली तेक्‍शा वोइक्‍तीक सक्ति सुइ के मबाक्‍ब। मोपान आंम बेक्‍तीक नाक्‍त कली सुइमी तेक्‍ने मचाक्‍ब। दोपा लडाइ पची ना सुइ खिं लचा मताइनीमी, मोपान मरिम्‍शो पतीकेमी मरिम्‍शो पाइब कली गेनायो मप्रोंइब।

इजीकीएल 12:25

मारदे हना गो, परमप्रभु यावे आं देंशो लोव़ पशा, खाप्‍नुङ। मेको देश मपाइब रीब पा दुम्‍ब। ए मटीब खिं ङा मुर, इन पालामीन गो आं देंशो लोव़ खाप्‍नुङ’ दे परमप्रभु, परमप्रभु यावेमी देंशो बाक्‍ब” देंत।

इजीकीएल 12:28

मोपतीके मेको आन कली ‘परमप्रभु, परमप्रभु यावेमी आ देंशो लोव़ खाप्‍ब। लोव़ का यो मजाम्‍ब। मार देंबा, मेको पाइब’ दे माइक्‍मी, दे परमप्रभु, परमप्रभु यावेमी” देंत।

इजीकीएल 13:22

मारदे हना गे जोल पा दोस गेशा ठीक पाइब मुर आन कली आन थुं लुक्‍च लपाइक्‍तीनी। गो मोदेंशो मपङ। मिनु आं अरेशो लोव़ मटीब आन कली टीब मदुमीन, देंशा ब्रोंइचा मगेनी। येरमीया २३:१४

लेवी 25:13

मेको प्रोंइतीक बर्समी मुर नेल्‍ल आन आन रू नु खिं लेत्‍चा माल्‍नीम।

लेवी 25:31

तन्‍न गारो महिरशो बाक्‍तीके ङा खिंपुकी चहिं रूपुकी खोदेंशो पा पचा माल्‍ब। मेको लेन्‍ने चाप्‍नीम। मिनु प्रोंइतीक बर्सम लेश्‍शा गेचा माल्‍नीम।