इजीकीएल 7:10 - Sunuwar Bible

¹⁰ मेको नाक्‍ती मुल बाक्‍ब। इ खतम दुम्‍तीके जाक्‍ना जाक्‍न बाक्‍ब। कोक्‍के आ कोच्‍वा दाप्‍त। ठेयब लेत्‍तीक फू खोदेंशो पा बोइक्‍त। यसैया २:१२

इजीकीएल 7:10 ပူးပေါင်းရင်းမြစ်များ

भजन संग्रह 89:32

गो मेको आन पाप आ पर्बम कोक्‍केमी सजाइ गेनुङमी। गो मेको आन ठीक मपशो आ पर्बम तुप्‍शा सजाइ गेनुङमी।

हितोपदेस 14:3

मूर्ख आन लोव़मी आंम आन कली तेप्‍ब। तन्‍न जोक्‍ब तुइक्‍ब मुर आन लोव़मी मेको आन कली कोव़ब।

हितोपदेस 16:18

मुर खतम दुम्‍चा क्‍येङा ङोंइती ठेयब लेत्‍नीम। नुप्‍चा क्‍येङा ङोंइती मुर बोरनीम। हितोपदेस १८:१२

यसैया 10:5

आबी, अस्‍सुर रागी, गे आं गाइक्‍तीक ङा कोर्रा, आं गाइक्‍तीके कोक्‍के कुरब दुम्‍ते। यसैया १०:१५

यसैया 21:12

गो सेइर रे सेंदा का नेंता। मेको सेंदामी “ए, खाल पाइब मुर, नाक्‍दो दोशो दुम्‍मे? दोशो लीमे? ए, खाल पाइब नाक्‍दो दोशो दुम्‍मे? दोशो लीमे?” देंत। मिनु खाल पाइबमी “नां सोव़ब, मिनु नां रिक्‍ब। मारेइ हिल्‍लो पचा बाक्‍त हना, आं बाक्‍तीक जाक्‍कीन। मिनु हिल्‍लो पयीनी” देंत।

यसैया 28:1

आबी, गे एफ्राइम ङा दुक्‍शो ठेयब लेश्‍शो मुरपुकी, इन दारस फू खोदेंशो पा बेक्‍ब। मेकेर ब्रोव़शो जाइब नु दुक्‍शो मुर ला बाक्‍नीम। अङगुर शांबुम मेको आन कली नेक्‍शो बाक्‍ब।

इजीकीएल 12:23

मोपतीके मेको आन कली ‘परमप्रभु, परमप्रभु यावेमी, गो मेको मो देंतीक लोव़ आ अर्थ साम्‍नुङ। मिनु मेकोपुकीम इस्राएलम मेको देंतीक लोव़ गेनायो मदेंनीम’ दे माइक्‍मी। मेको आन कली ‘नाक्‍त नेक्‍थान जाक्‍शो बाक्‍नीम। कोंइतीक नेल्‍ल गाप्‍ब। हबकुक २:३

इजीकीएल 19:14

मिनु मेको आ ठेयब राशी रे मी ग्रूत। मिनु मेको आ फल नु आ आइक्‍च राशी नेल्‍ल नेक्‍तु। मोपा मेकेर हुकुम पतीक कोक्‍के दुम्‍चा ङा बोल्‍यो राशी का यो मली। मिनु एको रोंका पतीक कुम्‍सो नेल्‍लेम तुइश्‍शा, पना पन बाक्‍तेक्‍म।

इजीकीएल 21:10

मेको मुर साइक्‍चा कली शेप्‍शो बाक्‍ब। चिला दाप्‍शो खोदेंशो पा टल्‍केपपाइक्‍चा कली शेप्‍शो बाक्‍ब। दोपा ग्‍येरसीने चाप्‍नीनी? आं मुरपुकीम आं सजाइ गेतीके ममिम्‍तेक्‍म।

इजीकीएल 21:13

गे आं गेशो सजाइ ममिम्‍थु, मेको श्‍येत मजाक्‍ब, दे मिम्‍नीनी’ देनो” दे परमप्रभु यावेमी देंत। यसैया १:५

इजीकीएल 30:3

मारदे हना मेको नाक्‍त नेक्‍थान जाक्‍ना जाक्‍न बाक्‍‍ब। परमप्रभु यावे आ नाक्‍त नेक्‍थान जाक्‍शो बाक्‍ब। मेको गोस्‍सुम सुम्‍शो नाक्‍त बाक्‍ब। मेको रागी रागी ङा मुर आन कली हिंचा ङा नाक्‍त दुम्‍ब। योएल १:१५; सेफन्‍याह १:१४

इजीकीएल 7:12

मेको खतम दुम्‍तीके जाक्‍चा चिक्‍शो बाक्‍ब। ग्‍याप्‍बपुकी मग्‍येरसमल। लेयबपुकी रोंका मपामेक्‍ल। मारदे हना मेको नेल्‍लेम परमप्रभु आ गाइश्‍शो ताइनीम।

इजीकीएल 7:6

नुप्‍तीक नाक्‍ती जाक्‍ब। मेको इन पर्बम बोक्‍शा जाक्‍‍ब।

इजीकीएल 7:9

गो इ कली शिशी मपथु, सुइ आन कली ब्रोंइचा मगेनुङ। गो इ कली इ पशो खोदेंशो पा सजाइ गेनुङ। इ मूर्ति पूजा पशो इ दातेम बाक्‍ब। मिनु गो इ कली तुप्‍ब, परमप्रभु यावे नङ, दे तुइक्‍नेवे।

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

योएल 1:15

मिनु योएलमी “परमप्रभु यावे आ जाक्‍चा चिक्‍शो नाक्‍त आ पर्बम आबी आबी, मारदे हना मुल मेको नाक्‍त जाक्‍ब। नेल्‍ल क्‍येङा सक्ति पाइश्‍शो खतम पोक्‍‍तीके जाक्‍ब। योएल २:१; यसैया १३:६

गन्‍ती 17:8

मिनु मोसा आ दीसा सल्‍ला पशो सन्‍दोस बाक्‍शो ताम्‍बुम लत। मिनु लेवी आ थर ङा मुर, हारून आ कोक्‍केम कोच्‍वा दाप्‍शा, फू बोइश्‍शा देसी बदाम सिश्‍शो मीशो ताप्‍तु।

१ थिस्‍सलोनिकी 5:3

मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९

याकूब 4:6

तन्‍न परमप्रभु यावेमी मेको क्‍येङा शुश शिशी पाइब। मिनु “गो ठेयब लेश्‍शो मुर आन कली शिशी मपाइनुङ। ब्रेम्‍शो, ठेयब मलेश्‍शो मुर आन कली ला शिशी पाइनुङ” दे ब्रेक्‍पाइश्‍शो बाक्‍ब। अय्‍युब २२:२९; हितोपदेस ३:३४; मत्ती २३:१२; १पत्रुस ५:५