इजीकीएल 6:7 - Sunuwar Bible

⁷ इन दातेमी मुर साइक्‍चा पुंइसीशा गोल्‍नीम। मिनु गेपुकीमी गो परमप्रभु यावे नङ, दे तुइक्‍नीनी।

इजीकीएल 6:7 ပူးပေါင်းရင်းမြစ်များ

२ राजा 19:19

मुल परमप्रभु यावे, आंइ परमप्रभु आंइ कली मेको आ गुइ रे प्रोनीन, दे पुंइनुङ। मिनु रागी नेल्‍ल ङा मुरपुकीम परमप्रभु यावे, गे का ला परमप्रभु बाक्‍नीनी, दे तुइक्‍तमेक्‍ल” दे पुना बाक्‍त।

प्रस्‍थान 14:18

गो फाराओ, आ बग्‍गी नु आ शारा ङोइक्‍ब आन कली आं सक्ति कोंइनुङ। मिनु इजीप्‍त ङा मुरपुकीमी ‘परमप्रभु यावेमी पाप्‍तु’ दे तुइक्‍नीम” देंत।

प्रस्‍थान 14:4

मिनु गो फाराओ आ थुं काइ मटीब दुम्‍पाइक्‍नुङ। मिनु फाराओमी इन कली खेदा पाइब। गो फाराओ नु आ फौज आन कली आं सक्ति कोंइनुङ। मिनु इजीप्‍त रागी ङा मुर नेल्‍लेमी ‘परमप्रभु यावे बाक्‍ब’ दे तुइक्‍नीम” देंत। मिनु मोदेंशो पाम्‍तेक्‍म। प्रस्‍थान ४:२१; इजीकीएल २८:२२

प्रस्‍थान 7:5

गो इजीप्‍त ङा मुर आन कली थाम्‍पान सजाइ गेशा, इस्राएली आन कली आन दाते रे ग्रुंइदुनु ‘गो परमप्रभु यावे नङ’ दे इजीप्‍त ङा मुर आन कली तुइक्‍पाइक्‍नुङ” देंत। प्रस्‍थान ७:१७; प्रस्‍थान ८:१८; प्रस्‍थान ९:२९; १सामुएल १७:४६; १राजा २०:२८; २राजा १९:१९; इजीकीएल २९:६

येरमीया 14:18

गो मेको रागी लती हना, तरवारम साइक्‍चा पुंइसीशोपुकी ताइक्‍नुङमी। गो मेकेर ङा सहरम ओव़ती हना, मेकेर अन्‍काल पशो मुरपुकी ताइनुङमी। परमप्रभु यावे आ लोव़ पाइबपुकी नु चढ़ेब नेल्‍ल मारेइ मतुइक्‍थु, आन गेय पना पन बाक्‍नीम” दे माइक्‍ती।

येरमीया 18:21

मोपतीके मेको आन आल आन कली अन्‍काल पपतीन। मेको आन कली तरवारम साइक्‍पतीन। मेको आन मीश आल मबाक्‍शो नु आन वोंइश बेक्‍शो मीश मुर दुम्‍मल। मेको आन वोंइश मुर बेक्‍तीक रोइम बेक्‍मल। मेको आन ठिटा वोंइश मुरपुकी लडाइम तरवारम साइक्‍चा पुंइसमल।

येरमीया 25:33

मेको नाक्‍ती परमप्रभु यावे आ साइश्‍शोपुकी रागी आ सुर का रे अर्को सुर सम्‍म बाक्‍नीम। मेको आन पर्बम सुइ रोंका मपाइनीम। मेको बेक्‍शो मुर आन कली सुइमी खुप्‍शा मथिम्‍नीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो दुम्‍नीम। येरमीया ९:२१

बिलाप 4:9

जचा मतथु शोव़लु पा बेक्‍बपुकी क्‍येङा तरवारमी क्‍योरशा साइक्‍चा पुंइसीबपुकी ग्‍येरसीशो बाक्‍नीम। रू ङा फल मथित्‍थु, मेकोपुकी सोव़शा लाइ‍नीम।

इजीकीएल 11:10

गेपुकी तरवारम साइक्‍चा पुंइसीशा गोल्‍नीनी। गो इन कली इस्राएल आ सांदम निसाफ पाइनुङ। मिनु गेपुकीम गोन परमप्रभु यावे नङ, दे तुइक्‍नीनी। २राजा २५:२०-२१

इजीकीएल 11:12

मेना गेपुकीम गो परमप्रभु यावे नङ, दे तुइक्‍नीनी। गेपुकीम आं फुल्‍लु मुशा ब्रेक्‍शो लोव़ मटिनी। आं निसाफ पतीक लोव़ यो मटिनी। तन्‍न गे इन एर ओंथ बाक्‍ब रागी रागी ङा मुर आन पतीक लोव़ पाइ‍तीनी’ ” दे परमप्रभु यावेमी देंत।

इजीकीएल 12:15

मिनु गो मेको आन कली रागी रागी ङा मुर आन दातेम फ्राइ‍‍नुङमी। राज्‍य राज्‍यम एर ओंथ ब्रपाइक्‍नुङमी। मिनु मेकोपुकीम गोन परमप्रभु यावे नङ, दे तुइक्‍नीम।

इजीकीएल 12:19

मिनु रागी ङा मुर नु यरूसलेम नु इस्राएल रागीम बाक्‍ब मुर आन कली परमप्रभु, परमप्रभु यावेमी ‘मेको आन जचा थोव़क हिंशा जाइनीम। मिनु सुर्ता पा ब्‍वाक्‍कु तूनीम। मारदे हना मेकेर बाक्‍ब आन मरिम्‍शो पतीके, मेको रागी नु मेकेर बाक्‍शो मारेइ मारेइ गोरशो सेल्‍नुङ।

इजीकीएल 13:14

मिनु मेकोमी इन बुलु ब्रुइश्‍शो गारो नेल्‍ल ब्रेप्‍पाइक्‍ब। आ जग यो तांइसीब। मेको प्रेदुनु, गे गारो आगाम बेक्‍नी‍नी। मिनु गेपुकीम ‘गोन परमप्रभु यावे नङ’ दे तुइक्‍नीनी।

इजीकीएल 13:21

गो मेको आन कुल सुम्‍तीक वा शोल्‍शा, आं मुर आन कली प्रोंइनुङमी। मेकोपुकी मुल रे इन गुइ ङा सिखार मदुम्‍नीम। मिनु गेपुकीम गोन परमप्रभु यावे नङ, दे तुइक्‍‍नीनी।

इजीकीएल 13:23

मोपतीके गेपुकीम मुल रे जोल पा कोंइतीक मताइ‍नीनी। गे लिंक्‍यु मकोव़नीनी। गो आं मुर आन कली इन गुइ रे प्रोंइनुङमी। मिनु गेपुकीम गोन परमप्रभु यावे नङ, दे तुइक्‍नीनी” दे परमप्रभुम देंत।

इजीकीएल 13:9

‘मेको दूली पा कोंइतीक लोव़ पाइब आन पर्बम नु जोल पा लिंक्‍‍यु कोव़ब आन पर्बम, गो आं गुइ इन गे क्‍युक्‍नुङ। मेकोपुकी आं मुर आन दातेमी बाक्‍चा मताइनीम। मेको आन नें इस्राएली आन खिं ङा मुर आन नें ब्रेक्‍तीकेम ब्रेक्‍चा मताइनीम। मेकोपुकी इस्राएल रागीम ओव़चा मताइनीम। मिनु गेपुकीम गोन परमप्रभु यावे नङ, दे तुइक्‍नीनी, देंशो बाक्‍ब’ दे माइक्‍मी” देंत। इजीकीएल १४:९

इजीकीएल 14:8

गो मेको आन कली सजाइ गे‍नुङमी। मिनु गो मेको मुर कली कोंइतीक नु शुक्‍शी पाइक्‍तीक सेल्‍नुङ। गो मेको कली आं मुर आन दाते रे तिल्‍नुङ। मिनु गोन परमप्रभु यावे नङ, दे तुइक्‍चा माल्‍नीनी।

इजीकीएल 15:7

गो मेको आन कली सजाइ गेनुङ। मेकोपुकी मी रे ब्रोंइतेक्‍म हना यो, मीम मेको आन कली दाक्‍ब। गो मेको आन कली सजाइ गेङानु, गोन परमप्रभु यावे नङ, दे तुइक्‍चा माल्‍नीनी।

इजीकीएल 20:26

गो मेको आन कली आन चढ़ेशो रे पा ग्रांग्रा दिशो दुम्‍चा गेतामी। आन ङोंइती जरमेशो मारेइ मारेइ आन रे आं कली चढ़ेचा आ पर्बम मेको आन कली ग्रांग्रा दिशो दुम्‍पाइक्‍तामी। मेकोपुकी हिंशा ग्‍येत्‍थ लुक्‍च दुम्‍मल, दे मो पाता। मिनु मेकोपुकीम गो परमप्रभु यावे नङ, दे तुइक्‍तमेक्‍ल, दे मो पाता” देंत। इजीकीएल १६:२०; प्रस्‍थान १३:२,१३; प्रस्‍थान २२:२८

इजीकीएल 20:38

इन दाते ङा आं कली मटीब नु मरिम्‍शो पाइब आन कली तिल्‍नुङमी। गो मेको आन कली अर्को रागी ङा मुर दुम्‍शा बाक्‍शो रागी रे ग्रुंइनुङमी। तन्‍न मेको इस्राएल रागी ओव़चा मताइनीम। मिनु गेपुकीम गो परमप्रभु यावे नङ, दे तुइक्‍नीनी।

इजीकीएल 20:42

मिनु गो इन किकी पिपी आन कली गेनुङ देंशो इस्राएल रागीम इन कली चाक्‍नन्‍नी। मेना गेपुकीम गो परमप्रभु यावे नङ, दे तुइक्‍नीनी।

इजीकीएल 20:44

ए इस्राएल आ खिं ङा मुरपुकी, गे इन मरिम्‍शो पतीक नु इन हेंथे पशोम ममाइ, तन्‍न आं नें आ पर्बम गो इन कली रिम्‍शो पाइनुङ। मिनु गेपुकीम गोन परमप्रभु यावे नङ, दे तुइक्‍नीनी’ देनो” दे परमप्रभु, परमप्रभु यावेमी देंत।

इजीकीएल 22:16

मिनु गे रागी रागी ङा मुर आन ङोंइती महिक्‍सीशो दुम्‍नेवे। मिनु गोन परमप्रभु यावे नङ, दे तुइक्‍नेवे” दे परमप्रभु यावेमी देंत।

इजीकीएल 23:49

गे इ ग्रांग्रा दिशो गेय आ पर्बम सजाइ ताइनेवे। मिनु इ मूर्ति पूजा पशो पाप राइनेवे। मिनु गोन परमप्रभु यावे नङ, दे तुइक्‍नेवे” देंत।

इजीकीएल 24:24

मोपा इजीकीएल गे इन कली चिन्‍ड का दुम्‍ब। मेकोम पशो खोदेंशो पा गे यो पचा माल्‍नीनी। मिनु एको लोव़ गाम्‍मेनु, गोन परमप्रभु, परमप्रभु यावे नङ, दे तुइक्‍नीनी’ देंशो बाक्‍ब” देंत। इजीकीएल १२:६,११

इजीकीएल 24:27

मेना गे ब्‍वाक्‍ने चाप्‍नेवे। मिनु गे मेको नु लोव़ पाइनेवे। मिनु गे सिक्‍सी पा मबाक्‍नेवे। मोपा गे मेको आन कली चिन्‍ड का दुम्‍नेवे। मिनु मेकोपुकीम गोन परमप्रभु यावे नङ, दे तुइक्‍नीम” देंत।

इजीकीएल 25:17

गो मेको आन कली आं चुर‍शोम ठेयब सजाइ गेशा थाम्‍पा क्‍येक्‍क लेत्‍नुङमी। मिनु गो मेको आन कली क्‍येक्‍क लेत्‍तुनु, मेकोपुकीम गोन परमप्रभु यावे नङ, दे तुइक्‍नीम, देंशो बाक्‍ब” देंत।

इजीकीएल 26:6

मिनु मेको आ एर ओंथ ङा सहर ङा मुर तरवारम साइक्‍चा पुंइसीनीम। मेना मेकोपुकीम गोन परमप्रभु यावे नङ, दे तुइक्‍नीम” देंत।

इजीकीएल 28:23

गो मेको आ आगाम मुर बेक्‍तीक रोइ का सोइक्‍नुङ। मिनु मेको आ लां मेर हुश शाइक्‍पाइक्‍नुङ। मेको आन दाते ङा मुर तेइ तेइ तरवारम साइक्‍चा पुंइसीनीम। मिनु मेकोपुकीम ‘गोन परमप्रभु यावे नङ’ दे तुइक्‍नीम।

इजीकीएल 30:26

गो इजीप्‍ती आन कली रागी रागी ङा मुर आन दातेम फ्राइ‍नुङमी। मिनु मेको आन कली रागी रागीम ब्रपाइक्‍नुङमी। मेना मेकोपुकीम गोन परमप्रभु यावे नङ, दे तुइक्‍नीम” देंत।

इजीकीएल 32:15

मेकोम “गो इजीप्‍त रागी कली मुर मबाक्‍शो रागी सेलुनु, मेको रागी श्‍येत्‍थ दुम्‍मेनु, मेकेर बाक्‍ब नेल्‍ल आन कली सदुमीनु, मेकोपुकीम गोन परमप्रभु यावे नङ, दे तुइक्‍नीम।

इजीकीएल 35:15

मारदे हना गे इस्राएल मुर मबाक्‍तीके दुम्‍मेनु, आं के दुम्‍त, दे ग्‍येरसीशो बाक्‍ते। मोपतीके, गो यो इ कली मोदेंशोन पाइनुङ। गे सेइर पहाड नु एदोम नेल्‍ल मुर मबाक्‍तीके दुम्‍नीनी। मिनु गोन परमप्रभु यावे नङ, दे तुइक्‍नीनी” देंत।

इजीकीएल 38:23

मोपा गो आं ठेयब दुम्‍तीक नु गो आं बाक्‍शो परमप्रभु बाक्‍नुङ, दे कोंइनुङमी। मिनु शुश रागी ङा मुर आन ङोंइती आं कली तुइक्‍पांइसीनुङ। मेना मेकोपुकीम गोन परमप्रभु यावे नङ, दे तुइक्‍नीम” देंत।

इजीकीएल 6:13

मेको आन साइश्‍शो मुर आन मूर्ति आन दाते आन चढ़ेतीक आन एर ओंथ बाक्‍नीम। नेल्‍ल डांडा ङा थानम, नेल्‍ले पहाडम, नेल्‍ल रवा आन पुंम, शुश गिग रवा आन पुंम, नु मूर्ति आन कली धूप चोतीके नेल्‍लेम मोदेंशो बाक्‍ब। १राजा १४:२३

इजीकीएल 6:6

गेपुकी ते बाक्‍तीनी हना यो, इन सहर श्‍येत्‍थ दुम्‍नीम। इन डांडा ङा थान नेल्‍ल खतम दुम्‍नीम। मोपा इन चढ़ेतीक श्‍येत्‍थ दुम्‍शा नु इन मूर्ति ब्रोल्‍शा खतम दुम्‍नीम। इन धूप चोतीक जिक्‍नीम नु इन गेय जाम्‍शा लाइब।

इजीकीएल 6:8

तन्‍न गो गे इन दाते ङा का निक्‍शी आन कली ब्रोंइचा गेनुङमी। रागी रागी आन दाते ङा का निक्‍शी साइक्‍चा मपुंइसीनीम। मेकोपुकी रागी रागीम ब्रशा लाइनीम। यसैया ६:१३

इजीकीएल 7:4

गो इ कली शिशी मपथु, सुइ आन कली ब्रोंइचा मगेनुङ। गो इ कली इ गेय आ पर्बम नु इ मूर्ति पूजा आ पर्बम सजाइ गेनुङ। मिनु गे, गो परमप्रभु यावे नङ, दे तुइक्‍नेवे’ ” देंत। इजीकीएल ५:११; इजीकीएल ८:१८; इजीकीएल ९:१०

इजीकीएल 7:9

गो इ कली शिशी मपथु, सुइ आन कली ब्रोंइचा मगेनुङ। गो इ कली इ पशो खोदेंशो पा सजाइ गेनुङ। इ मूर्ति पूजा पशो इ दातेम बाक्‍ब। मिनु गो इ कली तुप्‍ब, परमप्रभु यावे नङ, दे तुइक्‍नेवे।

इजीकीएल 9:7

मिनु मेकोमी मेको आन कली “आं खिं ग्रांग्रा दिशो सेलीन। साइश्‍‍शो मुर आन कली लाङगाम प्रिंदीने, लने” दे माइक्‍तीमी। मोपतीके मेकोपुकी सहरम लशा, मुर आन कली साइक्‍तेक्‍म।