3 गे ‘ए इस्राएल ङा पहाड परमप्रभु, परमप्रभु यावे आ लोव़ नेनीन। पहाड नु डांडा खोल्सा नु बेंसी आन कली परमप्रभु यावेमी, गो इन तार तरवार का चाक्नुङ। मिनु गो इन डांडा ङा थान आन कली खतम पोक्नुङमी।
मेकोपुकीम इर डांडा डांडा ङा थानम, देवी आ मूर्ति पाइश्शो थाम नु लाइश्शो डांडा ङा शुश सफा पाइश्शो रवा आन आगाम थान सेल्समा बाक्त। २राजा १६:१-४
मोपतीके मेको रे पा याकूब आ मुर आन दोस क्याम्सीब। मेको आन पाप पशो आ पर्बम मो पचा पुंइसीशो बाक्तेक्म। मेकोमी चढ़ेतीके ङा फुल्लु खरी खोदेंशो पा फस सेल्ब। मिनु मूर्ति पाइश्शो थाम नु धूप चोशा चढ़ेतीक काइ मलीपाइक्ब। लेवी २६:३०
आइक्च नु ठेयब डांडा नेल्ल रे ब्वाक्कु बुक्शा, खोल्सा नु खोला यिशा, ठेयब लडाइ दुम नाक्ती गारो ङा लाइश्शो खिं यो ब्रेत्नीम।
परमप्रभु यावेमी “साइ ङोंइती रे गे इ जुवा जिक्तीवी। मिनु इ डोरी प्रोइक्तीवी। मिनु गे ‘गो इ गेय मपाइनुङ’ देंते। गे डांडा नु रवा नेल्ल आन पुंम तेल्लेम पाप्तीवी। यसैया ५७:५५; इजीकीएल ६:१३
ए रागी, रागी ङा मुर नेल्ल, परमप्रभु यावे आ लोव़ नेनीन।
थमा पा, पहाड ङा देवी देवता आन थान जोल बाक्नीम। डांडा मेर ठेयब चाड सेल्तीके नेल्ल जोल बाक्नीम। थमा पा परमप्रभु यावे, आंइ परमप्रभु इस्राएल कली पाप रे प्रोंइब बाक्ब।
योसीयाहम सासन पची ना परमप्रभु यावेमी आं कली “थमा सुइक्ने मचाप्ब इस्राएलम मार, पवा, मतवी? मेकोमी डांडा नेल्ल ङोइश्शा, गिगी रवा नेल्ल आन पुंम तेल्लेम पाप्तु। येरमीया २:२०
तन्न गे इस्राएल ङा डांडापुकी, गेपुकीम चहिं इन राशी ङोन सम्म हाम्शा, आं मुर इस्राएली आन कली फल सिप्पाइक्नीनी। मारदे हना मेकोपुकी रीब पा आन खिं लेत्नीम।
गो इन कली लडाइ तोपाइक्नुङ। मिनु आं कबल प्रोंइशो आ पर्बम क्येक्क लेत्नुङ। गेपुकी आंम आंमा सहरम बुक्तीनी हना, गो मेकेर यो इन दातेम बेक्पाइक्ब रोइ सोइक्नुङ। मिनु इन जोरी सत्रु आन गुइम दुम्नीनी। यसैया १:२०,२४
गो इन डांडा ङा पूजा पतीक थामपुकी प्रेत्नुङ। इन धूप चोतीक नेल्ल प्रेत्नुङ। मिनु इन बेक्शो रां मेको ब्रोल्शो मूर्ति आन तार ताइक्नुङ। मिनु गो इन कली तशा ग्रांग्रा दिशा तिल्नुङ। इजीकीएल ६:४,६
इसहाक आ डांडा ङा थान खतम दुम्नीम। मिनु इस्राएल ङा थान नेल्ल ब्रेश्शा जाम्शा लाइनीम। मिनु गो तरवार शेशा येरोबाम आ खिं ङा मुर साइक्चा कली बोक्शा लाइनुङ” देंत।
परमप्रभु यावेमी मार देंबा, इन नोफा दाइश्शा नेनीन “बोक्कीन। मिनु पहाड आन ङोंइती इन देंचा माल्शो लोव़ शोव़ङीन। मिनु डांडापुकीमी इन लोव़ नेन्मेक्ल। इजीकीएल ६:२
गे डांडापुकी नु गेना हना यो लीब रागी ङा जग, परमप्रभु यावेमी दोपा निसाफ पाइबा, मेको नेनीन। मारदे हना मेकोमी आ मुर आन कली निसाफ पचा चिक्शो बाक्ब। आ दोस गेशो नोफा दाइश्शा नेनीन। मारदे हना आ मुर आन कली मेको के लोव़ बाक्ब। मेकोम इस्राएल कली निसाफ पाइब।