इजीकीएल 6:2 - Sunuwar Bible

² मार लोव़ पाप्‍तु देंशा हना “ए मुर, गे इस्राएल ङा पहाड गे कोव़शा, मेको आन पर्बम नोले दुम्‍ब लोव़ पावो। इजीकीएल ३६:१; मीका ६:१

इजीकीएल 6:2 ပူးပေါင်းရင်းမြစ်များ

इजीकीएल 13:17

मेकोमी ‘मुल ए मुर, इ मुर आन तमी आन कली हुइक्‍तो। मेकोपुकीम आन थुंम मिम्‍शा लोव़ पाइनीम। गे परमप्रभु यावे आ लोव़ मेको आन कली पावो’ देंत।

इजीकीएल 19:9

मिनु मेकोपुकीम मेको कली कोंङगुम कीशा ग्‍याइश्‍शा खोरम चोक्‍तेक्‍म। मिनु बेबीलोन ङा पिप आ बाक्‍तीकेम लाइक्‍‍तेक्‍म। मेकोपुकीम इस्राएल ङा डांडा मेर आ सेंदा गेनायो मनेंसेक्‍ल, दे मेको कली चोक्‍शा वोइक्‍तेक्‍म। २राजा २४:१५

इजीकीएल 20:46

मार लोव़ पाप्‍तु देंशा हना “ए मुर, दक्‍खिन गे कोव़शा दक्‍खिन आ पर्बम आं लोव़ पावो। मेको दक्‍खिन नेगेब ङा ब्‍वाकी आ पर्बम आं लोव़ पावो।

इजीकीएल 21:2

मार लोव़ पाप्‍तु देंशा हना “ए मुर, यरूसलेम गे कोव़शा, आं बाक्‍तीक आ पर्बम आं लोव़ पावो। इस्राएल रागी आ पर्बम आं लोव़ पावो।

इजीकीएल 21:7

मिनु मेकोपुकीम इ कली ‘गे मारदे हुकयी पवी’ देंतेक्‍म हना, मेको आन कली ‘लोव़ नेंतीके हुकयी पाता। मुर नेल्‍ल आन थुं बेक्‍शा लाइब। आन गुइ योक्‍ब। आन थुं ग्‍येत्‍थ लुक्‍च दुम्‍ब। मिनु मुर नेल्‍ल आन पोक्‍च बोल मपाइश्‍शो दुम्‍ब। मेको नाक्‍ती जाक्‍ना जाक्‍न बाक्‍ब। मेको थमा पा दुम्‍ब, दे परमप्रभु यावेमी देंशो बाक्‍ब’ दे माइक्‍मी” दे परमप्रभु यावेमी देंत। इजीकीएल ७:१७

इजीकीएल 25:2

मार लोव़ पाप्‍तु देंशा हना “ए मुर, अम्‍मोनी गे कोव़शा, मेको आन पर्बम आं लोव़ पावो।

इजीकीएल 28:21

मार लोव़ पाप्‍तु देंशा हना “ए मुर, सीदोन गे कोव़ङो। मिनु मेको आ पर्बम आं लोव़ पावो। यसैया २३:२-४

इजीकीएल 33:28

गो मेको रागी कली मुर मबाक्‍शो नु श्‍येत्‍थ सेल्‍नुङ। मिनु मेको आ ठेयब लेत्‍तीक जाम्‍ब। मिनु इस्राएल ङा डांडाम सुइ एर ओंथ पने मचाप्‍चा ङा पा मुर मबाक्‍तीके दुम्‍ब।

इजीकीएल 34:14

गो मेको आन कली रिम्‍शो पा योव़नुङमी। मिनु इस्राएल ङा पहाड मेको आन योव़तीके दुम्‍ब। मेकोपुकी रिम्‍शो घांस बाक्‍तीकेम गोल्‍शा बाक्‍नीम। मिनु इस्राएल ङा पहाड मेको आन रिम्‍शो पा जोतीक दुम्‍ब। भजन संग्रह २३:२

इजीकीएल 35:12

मिनु गे गो परमप्रभु यावे नङ, दे तुइक्‍नेवे। मिनु गो इस्राएल ङा पहाड आन पर्बम इ शुक्‍शी पा पशो लोव़ नेल्‍ल नेंता। गे मार देंते देंशा हना ‘इस्राएल ङा पहाड नेल्‍ल मुर मबाक्‍तीके दुम्‍शो बाक्‍नीम। मिनु मेको आं कली गेशो बाक्‍ब’ देंते।

इजीकीएल 36:1

परमप्रभु यावेमी “ए मुर, इस्राएल ङा पहाड आन कली आं लोव़ पावो। मेको आन कली ए इस्राएल ङा पहाड, परमप्रभु यावे आ लोव़ नेनीन। इजीकीएल ६:२

इजीकीएल 37:22

गो मेको आन कली इस्राएल रागी ङा पहाडम रागी कान सेल्‍नुङमी। मिनु मेको नेल्‍ल आन के पिप कान दुम्‍ब। मिनु गेनायो रागी निक्‍शी मदुम्‍नीस। मिनु राज्‍य निक्‍शी मदुम्‍नीस। इजीकीएल ३४:२३; येरमीया ३:१८; होसे २:२

इजीकीएल 4:7

मिनु गे पुम्‍शो यरूसलेम गे कोव़शा, इ गुइ ङा वा तिल्‍शा, मेको सहर आ पर्बम नोले दुम्‍तीक लोव़ पावो।

इजीकीएल 6:1

मिनु परमप्रभु यावेमी आं कली लोव़ पाप्‍तु।

यहोसु 11:21

मिनु मेना यहोसुमी हेब्रोन, देबीर, आनाब नु यहूदा आन पहाड नु इस्राएली आन पहाड रागीमी बाक्‍ब अनाकीम ङा मुर आन कली खतम सेल्‍तु। यहोसुमी मेको आन कली नु आन सहर नेल्‍ल खतम सेल्‍तु। यहोसु १४:६-१५; ब्‍यवस्‍था ९:२