इजीकीएल 6:13 - Sunuwar Bible

¹³ मेको आन साइश्‍शो मुर आन मूर्ति आन दाते आन चढ़ेतीक आन एर ओंथ बाक्‍नीम। नेल्‍ल डांडा ङा थानम, नेल्‍ले पहाडम, नेल्‍ल रवा आन पुंम, शुश गिग रवा आन पुंम, नु मूर्ति आन कली धूप चोतीके नेल्‍लेम मोदेंशो बाक्‍ब। १राजा १४:२३

इजीकीएल 6:13 ပူးပေါင်းရင်းမြစ်များ

१ राजा 14:23

मेकोपुकीम इर डांडा डांडा ङा थानम, देवी आ मूर्ति पाइश्‍शो थाम नु लाइश्‍शो डांडा ङा शुश सफा पाइश्‍शो रवा आन आगाम थान सेल्‍समा बाक्‍त। २राजा १६:१-४

२ राजा 16:4

मेकोमी डांडा ङा थानम, पहाड मेर नु गिग रवा आन पुं नेल्‍लेमी चढ़ेतीक चढ़ेशा धूप चोवा बाक्‍त।

यसैया 1:29

गे रवा आगाम पूजा पशो आ पर्बम मुने दोक्‍नीनी। इन दाक्‍शा योव़शो रवा रू आ पर्बम शुश मुने दोक्‍नीनी। यसैया ५७:५; यसैया ६५:३

यसैया 37:20

परमप्रभु यावे, आंइ परमप्रभु, मुल आंइ कली सन्‍हेरीब आ गुइ रे प्रोनीन। रागी नेल्‍ल ङा मुरपुकीम गे ला परमप्रभु यावे बाक्‍नीनी, दे तुइक्‍तमेक्‍ल” दे पुंइशा, लोव़ पाप्‍‍तु। यसैया ४०:५; दानीएल ६:२७

यसैया 66:17

मिनु “सु सु देवी देवता आन ङोंइती जाक्‍चा कली चोव़खेसीशा, आंम कली ठीक सेल्‍नीमी, फू रू लशा, मेको रू आ दातेमी बाक्‍ब पोव़ श्‍ये ब्‍वाइब आ नोले खोइश्‍शा, मेको यो पोव़ श्‍ये ब्‍वशा, ग्रांग्रा दिचा ङा थोव़कपुकी नु यिच ब्‍वाइनीमी, मेकोपुकी कालेमी साइक्‍चा पुंइसीनीम” देंत। यसैया ६५:३-५; इजीकीएल ८:११

येरमीया 13:27

गो पहाडीम नु रू मेर इ पशो ग्रांग्रा दिशो गेय ताता। इ मुरपुकी नु इप्‍शो, इ रेयके पशो नु इ मुने मपथु, तेल्‍लेम दुम्‍शो तशो बाक्‍नुङ। आबी आबी, यरूसलेम गे ग्रांग्रा दिशो दुम्‍नेवे। गेना सम्‍म मोदेंशो बाक्‍नेवे?” देंत।

येरमीया 2:20

परमप्रभु यावेमी “साइ ङोंइती रे गे इ जुवा जिक्‍तीवी। मिनु इ डोरी प्रोइक्‍तीवी। मिनु गे ‘गो इ गेय मपाइनुङ’ देंते। गे डांडा नु रवा नेल्‍ल आन पुंम तेल्‍लेम पाप्‍तीवी। यसैया ५७:५५; इजीकीएल ६:१३

येरमीया 3:6

योसीयाहम सासन पची ना परमप्रभु यावेमी आं कली “थमा सुइक्‍ने मचाप्‍ब इस्राएलम मार, पवा, मतवी? मेकोमी डांडा नेल्‍ल ङोइश्‍शा, गिगी रवा नेल्‍ल आन पुंम तेल्‍लेम पाप्‍तु। येरमीया २:२०

इजीकीएल 18:6

मेको डांडा मेर मजाइब नु इस्राएल आ खिं ङा मुर आन मूर्ति आन कली पूजा मपाइब, मेको आ नेक्‍था ङा मुर आन मीश नु मइप्‍ब, रां ब्रोल्‍शो मीश मुर नु मइप्‍ब। लेवी १८:१९; लेवी १८:२०

इजीकीएल 20:28

गो कसम जशा मेको आन कली गेनुङ देंशो रागीम चाक्‍तामी। मेकोपुकीम मेकेर लाइश्‍शो डांडा नु शुश सफा पाइश्‍शो रवा ताम्‍तेक्‍म। मेकेर आन मार मार चढ़ेम्‍तेक्‍म। आं कली गाइक्‍पाइक्‍चा कली आन पोक्‍शो मार मार चढ़ेम्‍तेक्‍म। मेकेर आन ब्रोव़शो रिना पाइश्‍शो धूप चोशा, आन तूचा थोव़क चढ़ेतीक चढ़ेम्‍तेक्‍म।

इजीकीएल 23:41

गे आंम दारशो खाटम बाक्‍ते। मिनु मेको आ ङोंइती आं धूप नु तेल वोइक्‍तीवी।

इजीकीएल 43:7

मार लोव़ पाप्‍तु देंशा हना “ए मुर, एको दा आं ठेयब नित्‍तीक बाक्‍ब। मिनु एको आं खोइल नाइक्‍तीक यो बाक्‍ब। गो इस्राएल ङा मुर आन दातेम गेना हना यो बाक्‍नुङ। मुल रे इस्राएल आ खिं ङा मुरुम आं नें कली मरिम्‍शो मसेल्‍नीम। मेको नु आन पिपम आन मूर्ति पूजा नु आन बेक्‍शो पिप आन पर्बम पतीके आं नें मरिम्‍शो मसेल्‍नीम। भजन संग्रह १३२:७-८

होसे 4:13

मेकोपुकीमी डांडामी चढ़ेनीम। मिनु पहाडमी तुल्‍च, पिपल नु सेक्‍ल रवा आन वांकुम धूप चोइनीम। मोपतीके इन तमी तेल्‍लेम दुम्‍नीम। मिनु इन चाइमीपुकी अरु आन वोंइश नु बाक्‍नीम। इजीकीएल ६:१३

सेफन्‍याह 1:10

मिनु परमप्रभु यावेमी “मेको नाक्‍त ङांइ लाप्‍चो रे ठेयब सेंदा पा ङाक्‍शो, नक सहर रे रोंका पशो नु डांडा रे पा ठेयब रेयके पशो नेंसीब।