इजीकीएल 6:11 - Sunuwar Bible

¹¹ मिनु परमप्रभु, परमप्रभु यावेमी “इन गुइ पोक्‍कीन। मिनु इन खोइल थाइक्‍तीन। इस्राएल आ खिं ङा मुर आन ग्रांग्रा दिशो गेय आ पर्बम ‘आबी आबी’ देनीन। मारदे हना मेकोपुकी तरवार, अन्‍काल नु मुर बेक्‍तीक रोइम बेक्‍नीम।

इजीकीएल 6:11 ပူးပေါင်းရင်းမြစ်များ

यसैया 58:1

मिनु परमप्रभु यावेमी “ठेयब सेंदा पा ग्रीङो। तुराही खोदेंशो पा ठेयब सेंदा पावो। आं मुर आन काइ मटिशो नु याकूब आ खिं ङा मुर आन पाप तुइक्‍पाइक्‍मी। मीका ३:८

येरमीया 16:4

“मेकोपुकी मसाब रोइम बेक्‍नीम। मेको आन पर्बम सुइम रोंका मपाइनीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो पा बाक्‍नीम। मेको तरवार नु अन्‍कालम बेक्‍नीम। आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक थोव़क दुम्‍नीम” देंत। येरमीया ९:२१

येरमीया 24:10

गो मेको आन कली तरवार, अन्‍काल नु मुर बेक्‍तीक रोइ सोइक्‍नुङ। मेको आन कली नु आन किकी पिपी आन कली गेशो रागी रे मेको नेल्‍ल मबेक्‍मा सम्‍म मो पाइनुङ” दे परमप्रभु यावेमी देंत।

येरमीया 30:7

आबी, मेको नाक्‍त दोदेंशो हिंचा ङा नाक्‍त दुम्‍बा। मेको नाक्‍ती खोदेंशो अर्को तेकोइ नाक्‍ती मदुम्‍नीम। मेको नाक्‍ती याकूब कली शुश हिंचा ङा श्‍येत जतीक नाक्‍ती दुम्‍ब। तन्‍न मेको श्‍येत रे प्रोंइचा पुंइसीब” देंत। योएल २:११; सेफन्‍याह १:१४-१५

येरमीया 42:22

मोपतीके मुल एको लोव़ थमा पा तुइश्‍शा वोतीन। इन बाक्‍चा कली लचा दाक्‍शो रागीमीन गेपुकी तरवार, अन्‍काल नु मुर बेक्‍तीक रोइम बेक्‍नीनी देंशो बाक्‍ब” देंत।

येरमीया 9:1

परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१

येरमीया 9:10

गे डांडा आन पर्बम ङाक्‍शा रोंका पने। मिनु गोरशो रागी ङा योव़तीक आन पर्बम बिलाना पने। मेको गोरशो सेल्‍शो बाक्‍नीम। मेकेर सुइ मगाक्‍नीम। मिनु मेकेर बी ब्‍यफ क्‍‍यारश भेडा आन ग्रीशो मनेंसीब। सरीङ ङा चिक्‍ब नु जन्‍तु नेल्‍ल प्रोक्‍शा लाम्‍तेक्‍म। येरमीया ४:२५; येरमीया १२:४

इजीकीएल 14:21

परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्‍येत तरवार, अन्‍काल, ब्‍वाकी ङा जन्‍तुपुकी नु मुर बेक्‍तीक रोइ सोइश्‍शा मेकेर ङा मुर नु बी ब्‍यफ, क्‍यारश भेडा आन कली साइक्‍तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८

इजीकीएल 21:19

मार लोव़ पाप्‍तु देंशा हना “ए मुर, बेबीलोन ङा पिप आ तरवार चाक्‍‍चा कली लां निक्‍शी योव़ङो। मेको लां निक्‍शी रागी का रे जाक्‍चा माल्‍नीस। सहर गे लतीक लां आस ङोंइती लां कोंइतीक का वोतो।

इजीकीएल 25:6

मारदे हना परमप्रभु यावेमी “गेपुकी इस्राएल रागी आ पर्बम इन गुइ फ्रोक्‍शा, खोइल थाइश्‍शो बाक्‍तीनी। मिनु इन थुंम ईख कुरशो नेल्‍ल ग्रुंइशा ग्‍येरसाक्‍नी।

इजीकीएल 33:27

मिनु गे मेको आन कली “परमप्रभु, परमप्रभु यावेमी ‘गो आं ब्रोंइशा बाक्‍शो खोदेंशो पा ब्रेश्‍शो खिंम बाक्‍बपुकी तरवारम साइक्‍चा पुंइसीनीम। मिनु गो दिंमम बाक्‍ब आन कली ब्‍वाकी ङा जन्‍तु आन कली ब्‍वचा गेनुङमी। बोल्‍यो दरवार नु पुक्‍खीम बाक्‍बपुकी मुर बेक्‍तीक रोइम बेक्‍नीम।

इजीकीएल 5:12

इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२

इजीकीएल 6:10

मिनु मेकोपुकीम गो परमप्रभु यावे नङ, दे तुइक्‍नीम’ देंचा माल्‍नेवे। गो मेको आन कली मोदेंशो श्‍येत मोशा मगेङमी” देंत।

इजीकीएल 7:12

मेको खतम दुम्‍तीके जाक्‍चा चिक्‍शो बाक्‍ब। ग्‍याप्‍बपुकी मग्‍येरसमल। लेयबपुकी रोंका मपामेक्‍ल। मारदे हना मेको नेल्‍लेम परमप्रभु आ गाइश्‍शो ताइनीम।

इजीकीएल 7:15

लाङगाम तरवारम साइक्‍ब। आगाम मुर बेक्‍तीक रोइ नु अन्‍कालम बेक्‍नीम। मिनु रूम बाक्‍ब आन कली तरवारम साइक्‍ब। सहरम बाक्‍ब अन्‍काल नु मुर बेक्‍तीक रोइम साइक्‍चा पुंइसीनीम।

इजीकीएल 9:4

“यरूसलेम सहर आ एर ओंथ नेल्‍ल हिरशा मेकेर पशो मूर्ति पूजा नेल्‍ल आन पर्बम सुर्ता नु रोंका पाइब मुर नेल्‍ल आन कुप्‍फीम चिन्‍ड का वोतो” दे माइक्‍तु। प्रकाश ७:३

योएल 1:15

मिनु योएलमी “परमप्रभु यावे आ जाक्‍चा चिक्‍शो नाक्‍त आ पर्बम आबी आबी, मारदे हना मुल मेको नाक्‍त जाक्‍ब। नेल्‍ल क्‍येङा सक्ति पाइश्‍शो खतम पोक्‍‍तीके जाक्‍ब। योएल २:१; यसैया १३:६

आमोस 5:16

मोपतीके मुर नेल्‍ल आन परमप्रभु यावेमी “लां ङा मुर नेल्‍ल ङाक्‍शा, रोंका पचा माल्‍नीम। आबी आबी, देंचा माल्‍नीम। रूम गेय पाइब आन कली रोंका पचा कली ब्रेत्‍तीन। रोंका पस जोक्‍ब आन कली यो ब्रेत्‍तीन।

गन्‍ती 24:10

मिनु बालाक बालाम कली तशा, शुश गाइक्‍ताक्‍व। मिनु मेकोमी आ गुइ क्‍युक्‍शा, बालाम कली “गो इ कली आं जोरी सत्रु आन कली सराप चीले पाइक्‍चा कली कका ब्रेत्‍ताक्‍न। तन्‍न गे मेको आन कली सां खेयप आसीक कका गेप्‍तीवी।

प्रकाश 18:10

मिनु मेको आ श्‍येत तशा हिंशा, ङोन रे कोव़बपुकीमी “आबी, आबी, मेको ठेयब बेबीलोन माइश्‍शो सहर गिश दारशो सेल्‍शो बाक्‍त। मुल चहिं घन्‍टा कामी इ निसाफ दुम्‍त” देंनीम। येरमीया ५१:८