इजीकीएल 5:5 - Sunuwar Bible

⁵ मिनु परमप्रभु यावेमी “यरूसलेम एको बाक्‍ब। गो मेको कली रागी रागी आन दातेम वोइक्‍ता। मेको आ एर ओंथ नेल्‍ल रागी बाक्‍नीम।

इजीकीएल 5:5 ပူးပေါင်းရင်းမြစ်များ

भजन संग्रह 87:3

परमप्रभुम आ सहर आ पर्बम रिम्‍शो लोव़ पशो बाक्‍ब। ठेयब सेंदा पा।

येरमीया 6:6

मुर नेल्‍ल आन परमप्रभु यावेम “मेको आ रवापुकी क्‍योरशा तिमीन। मिनु यरूसलेम ङा गारो ङोइक्‍तीक सेलीन। मेको सहर कली सजाइ गेचा माल्‍ब। मेको सहर मरिम्‍शो पतीकेम ब्रीशो बाक्‍ब।

बिलाप 1:1

मेको सहरम गिश श्‍येत्‍थ दुम्‍मे। ङोंइती मेकेर शुश मुर बाक्‍तेक्‍म। मेको आ वोंइश बेक्‍शो मीश मुर खोदेंशो दुम्‍त। मेको ङोंइती रागी रागी आन दातेमी ठेयब बाक्‍त। मेको रागी पिप आ तमी खोदेंशो बाक्‍त। मुल मेको सहर वाइल खोदेंशो दुम्‍त। येरमीया ५१:५

इजीकीएल 16:14

गे दारशो दुम्‍तीके इ नें रागी रागी ङा मुर आन दातेम ब्रत। मारदे हना इ दारस मारेइ मदुम्‍शो रिम्‍शो बाक्‍त। मेको नेल्‍ल आं इ कली गेशो ग्‍योम्‍तीके रे मोदेंशो दुम्‍त, दे परमप्रभु, परमप्रभु यावेमी देंशो बाक्‍ब” देंत।

इजीकीएल 4:1

मिनु परमप्रभु यावेमी “ए मुर, गे इंटा का चाक्‍शा इ ङोंइती वोतो। मिनु मेको तारी यरूसलेम सहर आ नकसा सेलो।

इजीकीएल 5:4

मिनु मेको रे यो इच्‍का ग्रुंइशा मीम चोवो। मेको रे पा इस्राएल ङा खिं नेल्‍लेम मी का ब्रशा ग्रूब” देंत।

मीका 5:7

याकूब आ लीशो मुर शुश आन दातेम परमप्रभु यावे रे जाक्‍शो सीत नु घांस तार जुक्‍शो रेउ खोदेंशो दुम्‍नीम। मेकोमी “सुइ मुरुम वारच पाइनीमी कों” दे मकोव़नीम। मिनु मुर आन आस मपाइनीम।

मत्ती 5:14

गे रागी ङा छेङछेङ ननी। डांडामी सेल्‍शो सहर मारेइमी मफारसीब। यूहन्‍ना ८:१२

१ कोरिन्‍थी 10:4

नेल्‍लेमी परमप्रभु यावेम गेशो सोक्‍त ङा ब्‍वाक्‍कु तूङमे बाक्‍त। मिनु मेको आन नोले खोइक्‍बम सेरथे फुल्‍लु रे ब्‍वाक्‍कु तूङमे बाक्‍त। मिनु मेको सेरथे फुल्‍लु ख्रीस्‍त बाक्‍माक्‍त। प्रस्‍थान १७:६

ब्‍यवस्‍था 4:6

मोपतीके गेपुकीमी एको लोव़ होस पा, टिने। मेकोमी इन कली तुइक्‍ब नु रुप्‍ब मुर सेल्‍ब। मिनु जात जात ङा मुरपुकी मेको फुल्‍लुम मुशा ब्रेक्‍शो लोव़ नेल्‍ल नेंशा, मेकोपुकीमी ‘मेको ठेयब जात ङा मुर थमा पा तुइक्‍ब नु रुप्‍ब मुर बाक्‍नीम’ देंनीम। यसैया २:३

ब्‍यवस्‍था 8:20

मिनु परमप्रभु यावेमी इन ङोंइती रागी रागी ङा मुर आन कली खतम सेल्‍शो खोदेंशो पा, गेपुकीमी आ लोव़ मनेंथु, मटीतीनी हना, परमप्रभु यावे, इन परमप्रभुमी इन कली यो खतम सेल्‍ब” देंत।