इजीकीएल 5:15 - Sunuwar Bible

¹⁵ गो आं गाइक्‍तीक नु चुरतीकेम इ कली निसाफ पाइनुङ। मिनु गे शुक्‍शी पाइक्चा पुंइसीतीके, मुने दोक्‍तीके नु हिंच कोंइतीके नु शुश हिंचा ङा दुम्‍नेवे। गो परमप्रभु यावेमी, एको लोव़ देंती।

इजीकीएल 5:15 ပူးပေါင်းရင်းမြစ်များ

१ राजा 9:7

गो इस्राएली आन कली आं गेशो रागी रे खेरनुङमी। मिनु एको आं कली सेल्‍शो खिं कली प्रोंइशा मकोव़नुङ। मिनु इस्राएली चहिं मुर नेल्‍ल आन दातेमी मुने दोक्‍शा, ग्रांग्रा दित्‍तीक दुम्‍नीम। ब्‍यवस्‍था ४:२६; ब्‍यवस्‍था ८:१९-२०; मत्ती २३:३८

२ इतिहास 29:8

मोपतीके परमप्रभु यावे यहूदा नु यरूसलेम आस पर्बम गाइक्‍ताक्‍व। मिनु मेकोमी मेको आन कली आन रागी आ नेक्‍था ङा मुर आन ङोंइती ग्रांग्रा दित्‍चा ङा शुक्‍शी पचा ङा नु तोक्‍चा पुंइसीब सेल्‍तु। मेको गे आंमा तशो बाक्‍नीनी।

भजन संग्रह 39:11

गे मुर आन कली पाप पशो आ पर्बम तुप्‍तीनी। आ दाक्‍शो तुाम्‍बुम वा नेक्‍शो खोदेंशो पा जाम्‍शा लाइब। थमा पा मुर नेल्‍ले आन ब्रोंइतीक जाम्‍शा लाइब फश खोदेंशो बाक्‍नीम। ठेयब सेंदा पा।

भजन संग्रह 79:4

आंइ नेक्‍था बाक्‍ब मुरपुकीमी आंइ कली शुक्‍शी पाइक्‍नीम। मिनु आंइ एर ओंथ ङा मुरपुकीमी आंइ कली रिश्‍शा तोक्‍शा लोव़ पाइनीम। भजन संग्रह ४४:१४

यसैया 26:9

गो नाक्‍दो इन कली शुश मिम्‍नुङ। गो आं थुंमी इन कली माल्‍ना माल्‍न बाक्‍नुङ। मारदे हना गे रागी ङा मुर आन कली निसाफ पाइतीनी हना, रागीम बाक्‍बपुकीमी ठीक पतीके शेंसीनीम। भजन संग्रह ६३:७

यसैया 43:28

मोपतीके गो आं खिंम चढ़ेब आन कली ‘गेय पचा मदुम्‍ब’ सेल्‍तामी। गो याकूब कली खतम सेल्‍ता। मिनु इस्राएल शुक्‍शी पाइक्‍चा पुंइसीब सेल्‍ता” दे परमप्रभुमी देंत।

येरमीया 23:40

मिनु गो इन कली गेना हना यो शिशी मपथु, गेना हना यो मुने दोक्‍पाइक्‍नन्‍नी। मेको गेना यो मप्रेंसीब” दे परमप्रभु यावेमी देंत। येरमीया २०:११

येरमीया 29:18

गो मेको आन कली तरवार, अन्‍काल नु बेक्‍चा ङा रोइमी खेदा पाइनुङमी। मिनु गो मेको आन कली राज्‍य नेल्‍लेमी शुश हिंचा ङा सेल्‍नुङमी। मेकोपुकी आं खेरशो रागी नेल्‍ल आन दातेमी, सराप पाइक्‍तीके, शुश हिंतीके, शुक्‍शी पाइक्‍तीके नु मुने तोक्‍तीके सेल्‍नुङमी। ब्‍यवस्‍था २८:३७

बिलाप 2:15

इ नेक्‍था रे पा लाइब नेल्‍लेमी इ कली तशा शुक्‍शी पाइनीम। यरूसलेम आ तमी तशा शुक्‍शी पा आन पिया हिम्‍नीम। मेकोपुकीमी “एको सहर कली नेल्‍ल क्‍येङा दारशो नु रागी ङा नेल्‍ल क्‍येङा दाक्‍शो सहर देंनीमी, ममाइ ङा?” देंनीम। भजन संग्रह ४८:३; इजीकीएल १६:१४

बिलाप 2:16

इ जोरी सत्रु नेल्‍लेमी इ पर्बम मरिम्‍शो लोव़ पा शुक्‍शी पाइनीम। मेकोपुकीमी आन गाइक्‍तीकेमी “गो मेको कली खतम सेल्‍तक। एको नाक्‍ती कोव़चा कली रिम्‍ताक्‍क। मुल गो ताइतक” देंनीम।

इजीकीएल 11:9

गो इन कली सहर रे ग्रुंइनन्‍नी। मिनु अर्को रागी ङा मुर आन गुइम गेनन्‍नी। मिनु इन कली निसाफ पाइक्‍नुङ।

इजीकीएल 14:8

गो मेको आन कली सजाइ गे‍नुङमी। मिनु गो मेको मुर कली कोंइतीक नु शुक्‍शी पाइक्‍तीक सेल्‍नुङ। गो मेको कली आं मुर आन दाते रे तिल्‍नुङ। मिनु गोन परमप्रभु यावे नङ, दे तुइक्‍चा माल्‍नीनी।

इजीकीएल 16:41

मेकोपुकीम इ खिंम मी सुइक्‍नीम। मिनु शुश मीश मुर आन ङोंइती इ कली सजाइ गेनीम। गो इ तेल्‍लेम पतीक तेक्‍नुङ। मिनु इ मुर आन कली गाल्‍च गेतीक तेक्‍नुङ। २राजा २५:९

इजीकीएल 16:57

मेना मेकोपुकीम इ परमप्रभु यावे आ अरेशो मटिशो मतुइश्‍शो बाक्‍तेक्‍म। मुल अराम ङा तमीपुकीमी इ कली शुक्‍शी पाइनीम। मेको आ नेक्‍था ङा मुर, पलिस्‍ती आ तमीपुकीमी नु एर ओंथ ङा मुर नेल्‍लेमी शुक्‍शी पा आइक्‍च मिम्‍नीम। अराम आ तमी एदोम यो बाक्‍ब।

इजीकीएल 22:4

गे हुश शाइक्‍पाइश्‍शा, दोस तशो बाक्‍नेवे। गे इ सेल्‍शो देवी देवता रे पा ग्रांग्रा दिशो दुम्‍‍नेवे। इ निसाफ नाक्‍त जाक्‍त। मिनु इ बर्स नुप्‍शो बाक्‍नीम। मोपतीके गो इ कली रागी रागी ङा मुर आन दातेम शिशी मताइब नु शुक्‍शी पाइक्‍तीक मुर सेल्‍त‍न। २राजा २१:१६; इजीकीएल ५:१५

इजीकीएल 23:32

परमप्रभु, परमप्रभु यावेमी “गे इ लोक्‍ब आ कचौरा तूचा माल्‍नेवे। मेको ठेयब श्‍येत जतीक बाक्‍ब। गे फाल्‍ने मचाप्‍चा ङा शुक्‍शी पाइक्‍चा पुंइसीब दुम्‍नेवे। मारदे हना इ श्‍येत ठेयब दुम्‍‍ब।

इजीकीएल 25:17

गो मेको आन कली आं चुर‍शोम ठेयब सजाइ गेशा थाम्‍पा क्‍येक्‍क लेत्‍नुङमी। मिनु गो मेको आन कली क्‍येक्‍क लेत्‍तुनु, मेकोपुकीम गोन परमप्रभु यावे नङ, दे तुइक्‍नीम, देंशो बाक्‍ब” देंत।

इजीकीएल 30:19

मोपा गो इजीप्‍त रागी कली निसाफ पा सजाइ गेनुङ। मिनु मेकोपुकीम गोन परमप्रभु यावे नङ, दे तुइक्‍नीम” देंत।

इजीकीएल 5:16

मिनु गो इ कली साइक्‍ब अन्‍काल नु खतम दुम्‍तीके ब्रा खोदेंशो पा सोइक्‍नुङ, साइक्‍ब नु खतम दुम्‍तीक चाक्‍नुङ। मिनु मेको क्‍येङा अन्‍काल दुम्‍पाइक्‍नुङ। गो इ अन्‍न नेल्‍ल तेक्‍शा, ब्‍यवस्‍था ३२:२३-२४; इजीकीएल ४:१६

इजीकीएल 5:8

गो इ कली आंमा सजाइ गेनुङ। गो रागी रागी ङा मुर आन ङोंइती इ कली निसाफ पाइनुङ।

लेवी 26:32

मिनु गो रागी कली खतम पोक्‍नुङ। मिनु मेकेर जाक्‍शा बाक्‍ब इन जोरी सत्रुमी मेको तशा छक लाक्‍नीम।

नहुम 1:2

परमप्रभु यावे रुश पाइब नु क्‍येक्‍क लेप्‍ब परमप्रभु बाक्‍ब। परमप्रभु यावेमी आ जोरी सत्रु आन कली क्‍येक्‍क लेप्‍ब। मेको आन कली तशा गाइक्‍ब। परमप्रभु यावेमी आ जोरी सत्रु आन कली क्‍येक्‍क लेश्‍शा, मेको आन कली तशा शुश चुरब। प्रस्‍थान २०:५; ब्‍यवस्‍था ४:२४

१ कोरिन्‍थी 10:11

मेको आन मोदेंशो दुम्‍शो तुइश्‍शा, गोपुकीमी रुब्‍यल, दे एको लोव़ नेल्‍ल ब्रेक्‍शो बाक्‍त। एको रागी नेल्‍ल जाम्‍शा लचा चिक्‍शो बाक्‍त। १पत्रुस ४:७

ब्‍यवस्‍था 28:37

मिनु परमप्रभु यावेमी इन कली खेरशा जात जात ङा मुर आन दातेमी इन पर्बम शुक्‍शी पा, देंतीके सेल्‍शा, शुक्‍शी पचा पुंइसीनीनी। १राजा ९:७; येरमीया २४:९

ब्‍यवस्‍था 28:46

मिनु मेको सराप इन कली नु इन चच युइ आन कली छ‍क लाक्‍चा ङा नु हिंचा ङा बाक्‍नीमी।