इजीकीएल 5:11 - Sunuwar Bible

¹¹ मोपतीके परमप्रभु, परमप्रभु यावेमी ‘गो ब्रोंइशा बाक्‍शो खोदेंशो पा, मो पाइनुङ। मारदे हना इ मूर्ति नु इ ग्रांग्रा दिशो गेयम आं बाक्‍तीक ग्रांग्रा दिशो सेल्‍तीके, गो इ कली खतम सेल्‍नुङ। गो इ कली शिशी मपथु सुइ आन कली ब्रोंइचा मगेनुङ। इजीकीएल ७:४; इजीकीएल ८:७-१८

इजीकीएल 5:11 ပူးပေါင်းရင်းမြစ်များ

२ राजा 21:4

मेकोमी परमप्रभु यावे आ खिंमी मेको देवी देवता आन कली चढ़ेतीकपुकी सेला बाक्‍त। परमप्रभु यावेमी मेको खिं आ पर्बम “यरूसलेमम गो आं नें वोइक्‍नुङ” देंशो बाक्‍माक्‍त।

२ राजा 21:7

मेकोम आ मुशा सेल्‍शो अशेराह देवी आ मूर्ति परमप्रभु यावे आ खिंम वोदा बाक्‍त। परमप्रभु यावेमी मेको खिं आ पर्बम दाऊद नु आ तौ सोलोमन आस कली “गो एको इस्राएल आ थर नेल्‍ल आन रे आं योव़शो यरूसलेम सहर ङा एको खिंम आं नें गेना हना यो वोइक्‍नुङ। १राजा ८:२९; १राजा ९:३

२ राजा 23:12

आहाज आ तार ङा कोठा ङा कौसीम यहूदा ङा पिपपुकीम सेल्‍शो चढ़ेतीकपुकी नु परमप्रभु यावे आ खिं ङा लाङगा निम्‍फा गे ङा मनस्‍सेम सेल्‍शो चढ़ेतीकपुकी प्रेश्‍शा, फस पोक्‍शा, मेको नेल्‍ल किद्रोन खोल्‍साम ताइक्‍पदा बाक्‍त। २इतिहास २८:२४; २राजा २१:४-५

२ इतिहास 33:4

मेकोमी परमप्रभु यावे आ खिंम चढ़ेतीकपुकी सेला बाक्‍त। मेको खिं आ पर्बम परमप्रभु यावेम “यरूसलेमम आं नें गेना हना यो लीब” देंशो बाक्‍माक्‍त। ब्‍यवस्‍था १२:५,११; १राजा ९:३

२ इतिहास 33:7

मेकोमी मुपाइश्‍शो मूर्ति परमप्रभु आ खिंम वोइक्‍पदा बाक्‍त। मेको खिं आ पर्बम परमप्रभुम दाऊद नु आ तौ सोलोमन आस कली “गो इस्राएल ङा थर नेल्‍ल आन दाते रे यरूसलेम कली योव़ता। मिनु यरूसलेमम बाक्‍शो एको खिंम गेना हना यो आं नें वोइक्‍नुङ।

२ इतिहास 36:14

मेको प्रोंइशा, चढ़ेब नु मुरपुकीम थाम्‍पा मरिम्‍शो पा, रागी रागी ङा मुर आन ग्रांग्रा दिशो गेयपुकी नेल्‍ल पामे बाक्‍त। मोपा यरूसलेम ङा परमप्रभु यावे आ खिं ग्रांग्रा दिशो सेल्‍मे बाक्‍त। ब्‍यवस्‍था १८:९

अय्‍युब 27:22

फशेमी शिशी मपथु, मेको आन कली योल्‍ब। मिनु मेकोपुकी मेकेर रे प्रोक्‍चा माल्‍नीम।

भजन संग्रह 107:39

मिनु मेकोपुकी दिप्‍चा पुंइसीतीके नु श्‍येत जतीके शुश मलीशो बाक्‍तेक्‍म।

भजन संग्रह 95:11

मोपतीके गो आं गाइक्‍तीकेमी ‘एको आन कली आं थुं नाइक्‍पाइक्‍तीके मगेनुङ’ दे कसम जाता” दे परमप्रभुम देंत। गन्‍ती १४:२२-२३; हिब्रू ४:३

येरमीया 10:24

परमप्रभु यावे, आं कली रिम्‍शो सेल्‍यीनी। तन्‍न ठीक निसाफ पतीकेम ला रिम्‍शो सेल्‍यीनी। इन गाइक्‍तीकेम ममाइ। मो दुम्‍त हना, गे आं कली साइक्‍नीनी। येरमीया ३०:११; येरमीया ४६:२८; भजन संग्रह ६:२; हबकुक १:१२

येरमीया 16:18

गो मेको आन मरिम्‍शो पशो नु आन पाप आ पर्बम मेको आन कली निक्‍शी खेयप सजाइ गेनुङमी। मारदे हना मेकोपुकीमी सोक्‍ती मपाइश्‍शो मूर्तिपुकीम आं रागी ग्रांग्रा दिशो सेल्‍तेक्‍म। मिनु आं थेरशो रू आन ग्रांग्रा दिशो देवी देवताम प्रिंताक्‍म” देंत। यसैया ४०:२

येरमीया 32:34

मेकोपुकीमी आं नें वोइश्‍शो खिंम आन ग्रांग्रा दिशो देवी देवता वोइक्‍तेक्‍म। मिनु आं खिं कली ग्रांग्रा दिशो सेल्‍तेक्‍म।

येरमीया 44:4

मो हना यो गो आं गेय पाइब आं लोव़ पाइब आन कली मेको आन बाक्‍तीके सोइक्‍ना सोइक्‍न ‘गो इन कली मेको आं काइ मदाक्‍शो ग्रांग्रा दि‍शो गेय मपन’ देंपाइक्‍तामी। येरमीया २५:४

बिलाप 2:17

परमप्रभु यावेमी मार मिम्‍ता नु ङोंइती मार पाइनुङ देंमे, मेको पाप्‍तु। साइ ङोंइती हिंच कोंइशा देंशो लोव़ मुल पाप्‍तु। मेकोमी शिशी मपथु, नेल्‍ल खतम सेल्‍तु। मिनु इ जोरी सत्रु आन कली इ पर्बम ग्‍येरपाइक्‍तु। इ जोरी सत्रु आन सक्ति ठेयब सेल्‍तु।

बिलाप 2:21

ठिटा नु खाल्‍पापुकी लांम गोल्‍शो बाक्‍नीम। आ ठिटी मीश मुर नु ठिटा वोंइश मुर तरवारमी साइक्‍चा पुंइसाक्‍म। गे इन गाइश्‍शो नाक्‍ती मेको आन कली शिशी मपाइक्‍थु साइक्‍तीनी।

इजीकीएल 11:18

मिनु मेकोपुकी लेश्‍शा जाक्‍शा, मेकेर ङा ग्रांग्रा दिशो थोव़क नु मूर्ति नेल्‍ल ग्रुंइशा ताइक्‍नीम।

इजीकीएल 11:21

तन्‍न मेको आन ग्रांग्रा दिशो मारेइ मारेइ मूर्ति आन नोले खोइक्‍ब आन कली आन पशो नेल्‍ल आन पियामीन मोइक्‍नुङमी, दे परमप्रभु, परमप्रभु यावेमी देंत’ दे मतो” देंत।

इजीकीएल 23:28

मिनु परमप्रभु, परमप्रभु यावेमी “गो इ कली इ काइ मदाक्‍शो मुर आन गुइमी गेनुङ। गे ङोंइती मेको आन क्‍येङा रूशा, इ थुं लेश्‍शो बाक्‍ते।

इजीकीएल 23:38

मेको निक्‍शीम आं कली मार पाम्‍ताक्‍स देंशा हना, आं बाक्‍तीक ग्रांग्रा दिशो सेल्‍ताक्‍स। मिनु आं नाइक्‍तीक नाक्‍त कली अर्को नाक्‍त खोदेंशो पा सेल्‍ताक्‍स। इजीकीएल ८:५-१८

इजीकीएल 23:39

तेको नाक्‍ती मेको आस आल आन कली मूर्ति आन कली क्‍योरशा चढ़ेम्‍से, मेको नाक्‍तीन आं बाक्‍तीकेम ओव़ताक्‍स। मिनु ग्रांग्रा दिशो सेल्‍ताक्‍स। मेको निक्‍शीम आं खिंम मोदेंशो गेय पाम्‍ताक्‍स।

इजीकीएल 24:14

गो, परमप्रभु यावेमी एको लोव़ पाता। गो आं गेय पतीक नाक्‍ती जाक्‍शो बाक्‍ब। गो नोले मशोंइसीनुङ। गो इ कली सुर्ता मपथु, शिशी मपाइक्‍नुङ। इ पशो खोदेंशो पा इ कली निसाफ पाइनुङ’ ” दे परमप्रभु, परमप्रभु यावेमी देंत। येरमीया १३:१४

इजीकीएल 29:15

मेको राज्‍य नेल्‍ल आन दातेमी नेल्‍ल क्‍येङा आइक्‍च राज्‍य दुम्‍ब। मेको अर्को रागी आन क्‍येङा गेनायो ठेयब मदुम्‍ब। गो मेको कली थम आइक्‍च सेल्‍नुङ। मिनु मेकोम गेनायो अर्को रागी रागी आन कली सासन मपाइब।

इजीकीएल 33:11

मोपतीके गे मेको आन कली परमप्रभु, परमप्रभु यावेमी “गो आ ब्रोंइशा बाक्‍शो खोदेंशो पा आं अरेशो लोव़ मटीब मुर बेक्‍मानु मग्‍येरसीनुङ। तन्‍न मेकोपुकीम आं अरेशो लोव़ टिशा ब्रोंइमल। गे इन मरिम्‍शो लां रे लेतीन। ए इस्राएल आ खिं ङा मुरपुकी, गे मारदे बेक्‍चा दाक्‍नीनी? ब्‍यवस्‍था ३२:४०; यसैया ५५:७; योएल २:१२-१३

इजीकीएल 43:8

मेकोपुकीम आं खिं आ नेक्‍था आन खिं सेल्‍तेक्‍म। आं लाप्‍चो आ ङोंइती आन लाप्‍चो सेल्‍तेक्‍म। मिनु गो नु मेको आन दातेमी गारो का ला लीत। मिनु मेको आन ग्रांग्रा दिशो गेयम, आं नें ग्रांग्रा दिशो सेल्‍तेक्‍म। मोपतीके गो गाइश्‍शा मेको आन कली साइक्‍तामी। इजीकीएल ८:७-१८

इजीकीएल 44:7

गेपुकी आं कली आं जचा थोव़क बोंसो नु हुश चढ़ेची ना आन थुं नु रांम ख्रोइक्‍तीक चिनु मख्रोइश्‍शो अर्को रागी ङा मुर आन कली आं बाक्‍तीकेम ओव़चा गेतीनी। मोपा गे आं खिं, मुर आ खिं खोदेंशो सेल्‍तीनी। मिनु इन ग्रांग्रा दिशो गेयम आं कबल प्रोंइतीनी। यसैया ५२:१; येरमीया ९:२५

इजीकीएल 5:7

मोपतीके परमप्रभु यावेमी “गे इ एर ओंथ रागी रागी ङा मुर आन क्‍येङा मरिम्‍शो पाइब बाक्‍नेवे। गे आं फुल्‍लुम मुशा ब्रेक्‍शो लोव़ नु आं निसाफ पतीके लोव़ मेको आन क्‍येङा मटीब बाक्‍नेवे। तन्‍न इ एर ओंथ ङा मुर आ निसाफ पतीक लोव़ पाइनेवे।

इजीकीएल 7:20

मारदे हना आन दारशो गहनामी ठेयब लेश्‍शा, आन ग्रांग्रा दिशो मूर्ति सेल्‍तेक्‍म। मोपतीके गो मेको आन सुन चांदी मेको आन कली ग्रांग्रा दिशो सेल्‍नुङ।

इजीकीएल 7:4

गो इ कली शिशी मपथु, सुइ आन कली ब्रोंइचा मगेनुङ। गो इ कली इ गेय आ पर्बम नु इ मूर्ति पूजा आ पर्बम सजाइ गेनुङ। मिनु गे, गो परमप्रभु यावे नङ, दे तुइक्‍नेवे’ ” देंत। इजीकीएल ५:११; इजीकीएल ८:१८; इजीकीएल ९:१०

इजीकीएल 7:9

गो इ कली शिशी मपथु, सुइ आन कली ब्रोंइचा मगेनुङ। गो इ कली इ पशो खोदेंशो पा सजाइ गेनुङ। इ मूर्ति पूजा पशो इ दातेम बाक्‍ब। मिनु गो इ कली तुप्‍ब, परमप्रभु यावे नङ, दे तुइक्‍नेवे।

इजीकीएल 8:15

मिनु परमप्रभुमी आं कली “ए मुर, गे मेको तवी? गे मेको क्‍येङा यो शुश ग्रांग्रा दिशो गेय ताइनेवे” देंत।

इजीकीएल 8:16

मिनु मेकोम आं कली परमप्रभु यावे आ खिं ङा आगा ङा लाङगा चाक्‍दीत्‍‍ती। मिनु मेकेर परमप्रभु यावे आ खिं नु चढ़ेतीक आस दातेम २५ जना खोइ वोंइश मुर बाक्‍तेक्‍म। मेकोपुकीम आन ची परमप्रभु यावे आ खिं गे हिरशो बाक्‍तेक्‍म। आन कुल चहिं पूर्ब गे कोव़शा नां आ ङोंइती बाप्‍शो बाक्‍तेक्‍म। ब्‍यवस्‍था ४:१९; ब्‍यवस्‍था १७:३; २राजा २३:५,११; येरमीया ८:२

इजीकीएल 8:18

मोपतीके गो मेको आन कली आं गाइक्‍तीकेम गेय पाइ‍नुङ। गो मेको आन कली शिशी मपथु, सुइ आन कली ब्रोंइचा मगेनुङ। मेकोपुकीम ठेयब सेंदा पा पुंइशा ग्रीतेक्‍म हना यो, मेको आन लोव़ मनेंनुङ” देंत। इजीकीएल ७:४; यसैया १:१५

इजीकीएल 9:10

मोपतीके गो मेको आन कली शिशी मपथु सुइ आन कली ब्रोंइचा मगेनुङ। मेको आन पशो खोदेंशो पा सजाइ गेनुङमी” देंत। इजीकीएल ७:४

इजीकीएल 9:5

मिनु मेकोमी आं नेंचा ङा पा अरु आन कली “गेपुकी मेको आ नोले लशा, सहर एर ओंथ गाक्‍शा मुर आन कली सतीन। मेको आन कली शिशी मपथु, सुइ आन कली ब्रोंइचा मगेने।

लेवी 15:31

मोपा गे निक्‍शीमी इस्राएल ङा मुर आन कली ग्रांग्रा दितीक रे ङोन वोतीस। मो मपाइतीसी हना, मेकोपुकीम आं बाक्‍तीक ताम्‍बु ग्रांग्रा दिशो सेल्‍नीम। मिनु मेको आन ग्रांग्रा आ पर्बम बेक्‍नीम।

आमोस 8:7

परमप्रभु यावेमी याकूब आ सोशो बोशो मिम्‍शा, कसम जाप्‍तु। मार कसम जाप्‍तु देंशा हना “गो मेको आन पशो गेनायो मप्रेंनुङ।

जकरिया 11:6

मुल रे गो रागी ङा मुर आन कली शिशी मपाइ‍नुङ” दे परमप्रभु यावेमी देंत। मिनु परमप्रभुमी “गो नेल्‍ल आन कली आन नेक्‍था ङा मुर आन गुइमी नु आन पिप आन गुइमी गेनुङ। मिनु मेकोपुकीमी रागी कली खतम सेल्‍नीम। मेको आन गुइ रे सुइ आन कली मप्रोंइनुङमी।

मलाकी 3:17

मिनु मुर नेल्‍ल आन परमप्रभु यावेमी “मेको आं मुर दुम्‍नीम। आं निसाफ पतीक नाक्‍त आं नेक्‍था ङा मुर दुम्‍नीम। दोपा मुरुमी आंम कली गेय पाइब तौ कली शिशी पा वोइक्‍बा, मोपा गो मेको आन कली शिशी पा वोइक्‍नुङ। प्रस्‍थान १९:५

रोमी 11:12

तन्‍न इस्राएली आन राम्‍सीतीके रागी नेल्‍ल आन कली रिम्‍शो नु अर्को रागी ङा मुर आन कली शोंप दुम्‍त हना, मेको नेल्‍लेम थमा सुदेम हना, चिनु गिश रिम्‍शो दुम वा।

रोमी 11:21

परमप्रभु यावेमी ङोंइती ङा राशी आन कली क्‍योरशा ताइक्‍ताक्‍व हना, मार, गे नोले केप्‍शो राशी इन कली मताइक्‍बा ङा?

रोमी 8:32

परमप्रभु यावेमी इं कली दाक्‍शा, आ दाक्‍शो तौ कली इं पाप क्‍याम्‍चा कली बेक्‍चा गेप्‍तु। मोपा आ दाक्‍शो तौ लाइ गेवानु, इं कली मार मार माल्‍या, मेको मगेबा ङा? गेब।

ब्‍यवस्‍था 29:20

मिनु परमप्रभु यावेमी मोदेंशो मुर आ पाप मक्‍याम्‍ब। परमप्रभु यावे मेको कली तशा, आ गाइक्‍चा नु आ गेहे पतीके मी खोदेंशो पा ब्राइब। मिनु मेको अरेशो लोव़ ङा किताबम ब्रेक्‍शो सराप नेल्‍ल मेको मुर कली राइब। मिनु परमप्रभु यावेमी मेको आ नें रागी रे क्‍याम्‍ब। ब्‍यवस्‍था २८:१५-६८

हिब्रू 6:13

परमप्रभु यावेमी अब्राहाम कली लोव़ गेवानु, आ क्‍येङा ठेयब सुइ मबाक्‍तीके आंम आ नें थिशा कसम जशा