इजीकीएल 5:10 - Sunuwar Bible

¹⁰ थमा पा, इ दातेमी आम आफोम आन आल आन कली ब्‍वाइनीम। मिनु आलम यो आन आंम आफ आन कली ब्‍वाइनीम। गो इ कली सजाइ गेनन। मिनु इ लीशो मुर आन कली फशेम एर ओंथ बेरपाइक्‍नुङमी। ब्‍यवस्‍था २८:५३-५५

इजीकीएल 5:10 ပူးပေါင်းရင်းမြစ်များ

२ राजा 6:29

मिनु गो आं तौ कली ब्‍वाइतक। मिनु गो एको कली ‘मुलाक्‍त ब्‍वचा कली इ तौ चाक्‍को’ दे माइक्‍ता। तन्‍न एकोम आ तौ ख्रुइश्‍शा मग्रुंइद” देंमाक्‍त।

नेहेम्‍याह 1:8

मिनु गे इन वाइल मोसा कली ‘गे आं देंशो मटीतीनी हना, गो इन कली रागी रागी ङा मुर आन दातेमी फ्राइनन्‍नी’ देंतीनी। ब्‍यवस्‍था ४:२७

भजन संग्रह 44:11

गे आंइ कली क्‍योरचा पुंइसीब भेडा खोदेंशो पा प्रोंइतीनी। मिनु आंइ कली रागी रागीम ब्रपाइक्‍तीनी।

यसैया 49:26

इ कली श्‍येत गेब आन कली आंम आन श्‍ये ब्‍वपाइक्‍नुङ। मेकोपुकी अङगुर शांबुम दुक्‍शो खोदेंशो पा आंम आन हुशेम दुक्‍नीम। मिनु मुर नेल्‍लेमी ‘गो इ कली श्‍येत रे प्रोंइब, इ परमप्रभु यावे नङ। गो इ कली पाप रे प्रोंइब, याकूब आ सक्ति पाइश्‍शो परमप्रभु नङ’ दे तुइक्‍नीम” देंत।

यसैया 9:20

मेकोपुकीमी ग्‍युरा गे ङा रोइक्‍ताक्‍म। तन्‍न शोव़लु बेक्‍तेक्‍म। आन पेरा गे ङा ब्‍वाम्‍तेक्‍म। तन्‍न मरूम। मिनु आंम आन खिं ङा मुर आन श्‍ये ब्‍वाम्‍तेक्‍म।

येरमीया 13:14

गो मुर आन कली जिपाइक्‍नुङमी। गो आम आफ नु आन तमी तौ आन दातेमी जिपाइक्‍नुङमी। गो मेको आन कली दाक्‍शा, शिशी पा साइक्‍तीक रे आं थुं मलेत्‍नुङ, दे परमप्रभु यावेम” देंत।

येरमीया 19:9

मेको आन कली आन तमी तौ आन श्‍ये ब्‍वपाइक्‍नुङमी। सहर पुम्‍तीके मुर नेल्‍ल आन नेक्‍था ङा मुर आन श्‍ये ब्‍‍वाइनीम। आन जोरी सत्रु नु मेको आन कली साइक्‍चा माल्‍ब आन गेशो श्‍येतम मोदेंशो पाइनीम। लेवी २६:२९; ब्‍यवस्‍था २८:५३

येरमीया 44:12

इजीप्‍त लशा बाक्‍चा कली मिम्‍ब यहूदा ङा लीशो मुर नेल्‍ल थमा पा जाम्‍शा लाइनीम। मेको नेल्‍ल इजीप्‍तमी साइक्‍चा पुंइसीनीमी। तरवार नु अन्‍कालमी बेक्‍नीम। ठेयब नु आइक्‍च नेल्‍ल तरवार नु अन्‍कालमी बेक्‍नीम। इन श्‍येत जशो तशा मुर हिंनीम। गेपुकी सराप राइब नु शुक्‍शी पाइक्‍चा पुंइसीब दुम्‍नीनी। येरमीया ४२:१४-१७

येरमीया 49:32

मेको आन दलओंठ रोइक्‍चा पुंइसीनीम। आन बी ब्‍यफ यो रोइक्‍चा पुंइसीनीम। मेको चां प्रेक्‍शो मुर आन कली तेइ तेइ ब्रपाइक्‍नुङमी। मिनु मेको आन कली हिंचा ङा श्‍येत गे‍नुङ। येरमीया २५:२३

येरमीया 49:36

गो एलाम ङा मुर आन कली सरीङ आ एर ओंथ नेल्‍ल रे फश गिवार पपाइश्‍शा एर ओंथ ब्रपाइक्‍नुङमी। एलाम ङा ग्‍याइश्‍शा लाइक्‍चा पुंइसीशो नेल्‍ल रागी रागीम ब्राइनीम।

येरमीया 50:17

इस्राएल गुप्‍सपुकीम खेदा पा एर ओंथ ब्रपाइश्‍शो भेडा खोदेंशो दुम्‍शो बाक्‍ब। मेको कली ङोंइती अस्‍सुर ङा पिपम दाक्‍तु। मिनु नेल्‍ल क्‍येङा नोले बेबीलोन ङा पिप नेबुकदरेसरमी मेको आ रुश नेल्‍ल नेक्‍तु” देंत।

येरमीया 9:16

गो मेको आन कली रागी रागी ङा मुर आन दातेमी फ्राइनुङमी। मेकेर आन मतुइश्‍शो नु आन किकी पिपी आन मतुइश्‍शो मुर बाक्‍नीम। मिनु गो मेको आन कली मसदुमी सम्‍म मेको आन नो‍नोले तरवार सोइक्‍नुङ” देंत। लेवी २६:३३

बिलाप 2:20

“परमप्रभु यावे कोव़ङीन। गे सु कली ओदेंशो पा श्‍येत गेनी। मार मीश मुरपुकीमी आंम आल आन कली ब्‍वचा माल्‍नीमी? मार इन कली चढ़ेब नु इन लोव़ पाइबपुकी इन बाक्‍तीकेमी साइक्‍चा पुंइसीचा माल्‍नीनी? ब्‍यवस्‍था २८:५३-५७; येरमीया १९:९

बिलाप 4:10

ब्रेम्‍शो थुं पाइश्‍शो मीश मुरपुकीमी आंम आन आल क्‍येम्‍तेक्‍म। मेको आन जचा थोव़क दुम्‍त। गो आ मुर आन कली खतम सेल्‍तीके मोदेंशो दुम्‍त। येरमीया २:२०

बिलाप 4:16

परमप्रभु यावेमी मेको आन कली मोपा ब्रपाइक्‍तीमी। मुल लेंशा मेको आन कली शिशी मपाइक्‍ब। सुइमी चढ़ेब आन कली मान मपामे। खाल्‍पा आन कली यो महिक्‍गेम। येरमीया २:६; येरमीया ५:१२; लेवी १९:३२

बिलाप 4:3

सिवारेम आन चाइक्‍ब आन कली दूध तुंइनीम। तन्‍न आं मुरपुकी काइ मरिम्‍शो दुम्‍तेक्‍म। मेकोपुकी गोरशो रागीम बाक्‍ब ठेयब चिक्‍ब खोदेंशो दुम्‍तेक्‍म। अय्‍युब ३०:१४-१६

इजीकीएल 12:14

मेको आ एर ओंथ बाक्‍ब आ गेय पाइबपुकी नु आ लडाइ पाइब नेल्‍ल आन कली फशेम एर ओंथ ब्रपाइक्‍नुङमी। मिनु तरवार शोइश्‍शा खेदा पाइनुङमी।

इजीकीएल 12:15

मिनु गो मेको आन कली रागी रागी ङा मुर आन दातेम फ्राइ‍‍नुङमी। राज्‍य राज्‍यम एर ओंथ ब्रपाइक्‍नुङमी। मिनु मेकोपुकीम गोन परमप्रभु यावे नङ, दे तुइक्‍नीम।

इजीकीएल 17:21

मेको आ प्रोक्‍शा लशो लडाइ पाइब नेल्‍ल तरवारम साइक्‍चा पुंइसीनीम। मिनु ब्रोंइशो नेल्‍ल एर ओंथ ब्राइ‍नीम। मिनु गो परमप्रभु यावेमीन एको लोव़ पशो नङ, दे तुइक्‍नीनी” देंशो बाक्‍ब।

इजीकीएल 20:23

मेको प्रोंइशा यो, गो गोरशो रागीम मेको आन कली गो इन कली रागी रागी ङा मुर आन दातेम एर ओंथ ब्रपाइक्‍नुङमी। मिनु राज्‍य राज्‍यम एर ओंथ ब्रपाइक्‍नुङमी, दे कसम जाता। लेवी २६:३३

इजीकीएल 22:15

गो इ कली रागी रागी ङा मुर आन दातेम एर ओंथ फ्राइ‍नन। मिनु राज्‍य राज्‍यम ब्रपाइक्‍नन। मिनु गो इ आगाम दुम्‍शो ग्रांग्रा दिशो गेय नेल्‍ल क्‍याम्‍नुङ।

इजीकीएल 36:19

गो मेको आन कली रागी रागी ङा मुर आन दातेम ब्रपाइक्‍तामी। मिनु मेकोपुकी राज्‍य राज्‍यम एर ओंथ दुम्‍शा ब्राम्‍तेक्‍म। गो मेको आन पतीक नु मेको आन गेय खोदेंशो पा निसाफ पाता।

इजीकीएल 5:12

इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२

इजीकीएल 5:2

मिनु मेको चां के भाग का सहर पुम्‍चा नुप्‍ची ना सहरम चोवो। मिनु अर्को भाग तरवारम सहर आ एर ओंथ फ्रावो। मिनु नोले ङा भाग फशेम बेरपतो। मारदे हना गो मेको आन कली तरवारम खेदा पाइनुङमी। इजीकीएल ५:२

इजीकीएल 6:8

तन्‍न गो गे इन दाते ङा का निक्‍शी आन कली ब्रोंइचा गेनुङमी। रागी रागी आन दाते ङा का निक्‍शी साइक्‍चा मपुंइसीनीम। मेकोपुकी रागी रागीम ब्रशा लाइनीम। यसैया ६:१३

दानीएल 9:7

परमप्रभु, गे ठीक पाइब बाक्‍नीनी। गो चहिं मुने दोक्‍शो बाक्‍नीकी। मुलाक्‍ती यहूदा ङा मुर, यरूसलेममी बाक्‍ब, इस्राएली नेल्‍ल आन नेक्‍था नु ङोन रागीम खेरचा पुंइसीशो मुर नेल्‍ल इन कली प्रोंइशो आ पर्बम दोस ताइब दुम्‍तेक्‍म।

लेवी 26:29

गेपुकीमी इन तमी तौ आन श्‍ये ब्‍वचा माल्‍नीनी।

लेवी 26:33

गो इन कली रागी रागी ङा मुर आन दातेमी ब्रपाइक्‍नुङ। मिनु लडाइ तोपाइश्‍शा, इन कली खेदा पपाइक्‍नुङ। मिनु इन रागी श्‍येत्‍थ नु इन सहरपुकी गोरशो सेल्‍नुङ।

आमोस 9:9

परमप्रभु यावेमी “गो मार हुकुम पाइनुङमी देंशा हना, इस्राएल आ खिं ङा मुर आन कली जात नेल्‍ल ङा मुर आन दातेमी ग्‍योलोमी मार मार क्राप्‍शो खोदेंशो पा, क्राप्‍नुङमी। मिनु इम्‍चीली फुल्‍लु का यो खपीम मदोक्‍ब।

जकरिया 2:6

परमप्रभु यावेमी “जाक्‍कीन जाक्‍कीन, उत्तर ङा रागी रे प्रोक्‍शा जाक्‍कीन। मारदे हना गो इन कली एर ओंथ ङा फशेमी खोदेंशो पा फ्राता” दे परमप्रभु यावेमी देंत।

जकरिया 7:14

मिनु गो मेको आन कली फश गिवारमी खोदेंशो पा आन मतुइश्‍शो रागी रागीम फ्रातामी। मोपतीके आन प्रोंइशो रागी मुर मबाक्‍शो दुम्‍त। मेकेर सुइ मलम। मोदेंशो पा रिम्‍शो रागी खतम दुम्‍त” दे मुर नेल्‍ल आन परमप्रभु यावेमी देंत।

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

ब्‍यवस्‍था 28:64

मिनु परमप्रभु यावेमी इन कली जात जात ङा मुर आन दातेमी फ्राइब। मिनु गेपुकीमी मेकेर ङा इन किकी पिपी नु इन मतुइश्‍शो शी नु फुल्‍लु के देवी देवता आन कली गेय पाइनीनी।

ब्‍यवस्‍था 32:26

गो मेको आन कली ङोन ङोन सम्‍म ब्रापाइक्‍नुङ। गो मेको आन कली मुर आन दातेम ममिम्पाइक्‍नुङ।

ब्‍यवस्‍था 4:27

मिनु परमप्रभु यावेमी इन कली जात जात ङा मुर आन दातेमी ब्रपाइक्‍ब। मिनु परमप्रभु यावेमी इन कली कोंइशो रागी रागी आन दातेमी इच्‍का ला लीनीनी।