इजीकीएल 48:11 - Sunuwar Bible

¹¹ मिनु मेको परमप्रभु यावे कली चढ़ेब आन भाग दुम्‍चा माल्‍ब। आं गेय पाइब सादोक आ चच युइ आन के दुम्‍ब। मेकोपुकी इस्राएली नु लेवीपुकी हेंथे गाक्‍तेक्‍म हना यो, मेकोपुकी हेंथे मगाक्‍थु, आं गेय पाम्‍तेक्‍म। इजीकीएल ४०:४६

इजीकीएल 48:11 ပူးပေါင်းရင်းမြစ်များ

इजीकीएल 14:11

मिनु इस्राएल आ खिं ङा मुर गेनायो आं रे पा बरलेशा मलाइनीम। मिनु मेकोपुकीम गेनायो हेंथे पा आंम कली ग्रांग्रा दिशो मसेल्‍सीनीम। मिनु मेकोपुकी आं मुर दुम्‍नीम। गो मेको आन परमप्रभु दुम्‍नुङ, दे परमप्रभु, परमप्रभु यावेमी देंशो बाक्‍ब” देंत। इजीकीएल ११:२०

इजीकीएल 40:46

मिनु मेको उत्तर गे कोव़शो कोठा चहिं मेको चढ़ेतीकेम गेय पाइब आन कली बाक्‍ब। मेकेर सादोक आ चच युइ बाक्‍नीम। मेको लेवी आन दाते ङा मेकोपुकी ला परमप्रभु यावे आ ङोंइती जाक्‍ने चाप्‍नीम” देंत। इजीकीएल ४३:१९; इजीकीएल ४४:१५; इजीकीएल ४८:११; १राजा १:८,३९; १इतिहास ५:३४-४१

इजीकीएल 43:19

गेपुकीम आं कली चढ़ेब सादोक आ खिं ङा लेवी आन कली पाप आ पर्बम चढ़ेचा कली बोहोर का गेचा माल्‍नीनी। मेकोपुकी आं गेय पचा कली आं नेक्‍था जाक्‍नीम’ दे परमप्रभु, परमप्रभु यावेमी देंशो बाक्‍ब। इजीकीएल ४०:४६; लेवी ४:१-१२

इजीकीएल 44:10

तन्‍न इस्राएली हेंथे गाक्‍मानु, लेवीपुकी हेंथे गाक्‍शा, आं कली प्रोंइशा, आन मूर्ति कली पूजा पशो बाक्‍तेक्‍म। मेकोपुकीम आन पाप आ सजाइ तचा माल्‍नीम।

इजीकीएल 44:12

तन्‍न लेवीपुकीम मुर आन कली आन मूर्ति पूजा पतीकेम वारच पाम्‍तेक्‍म। मोपा मेकोपुकी इस्राएल आ खिं ङा मुर आन कली मरिम्‍शो पपाइक्‍तेक्‍म। मोपतीके मेकोपुकी सजाइ तचा माल्‍नीम, दे कसम जाता।

इजीकीएल 45:4

मेको बाक्‍तीक चहिं परमप्रभु यावे के बाक्‍ब। मेको परमप्रभु यावे आ खिंम गेय पाइब नु परमप्रभु आ नेक्‍था जाक्‍ब आन खिं कली नु परमप्रभु यावे आ खिं कली दुम्‍ब।

इजीकीएल 48:12

मिनु मेको आन कली परमप्रभु यावे कली तिल्‍शो रागी रे आन भाग दुम्‍‍ब। मेको आन नेल्‍ल क्‍येङा चोव़खो बाक्‍तीक भाग, लेवी आन थेरशो रू थिशो बाक्‍‍ब।

लेवी 8:35

गेपुकी ७ नाक्‍त सम्‍म नाक्‍दो नाक्‍ती ग्रुम्‍तीक ताम्‍बु आ ओव़तीकेमी बाक्‍चा माल्‍नीनी। गे परमप्रभु यावेमी अरेशो पने। मो मपाइतीनी हना, गे बेक्‍नीनी। मारदे हना आं कली मोदें अरेशो बाक्‍ब” दे माइक्‍तीमी।

१ पत्रुस 5:4

नेल्‍ल क्‍येङा ठेयब गोठला जाक्‍मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्‍थी ९:२५; २तिमोथी ४:८

प्रकाश 2:10

मिनु मुल इन कली श्‍येत दुम्‍चाप्‍तु। तन्‍न महिनीने। नेनीन, मुल दियाबलस सैतानमी गे का निक्‍शी इन कली थुं थाम्‍चा कली जेल्‍खानम चोक्‍पाइक्‍ब। गे १० नाक्‍त सम्‍म ला श्‍येत जाइनीनी। साइक्‍चाम्‍तेक्‍म हना यो, फाल्‍शा थमा सुइक्‍चा मप्रोनीन। मो पाइतीनी हना, गो इन कली गेना हना यो ब्रोंइशा बाक्‍तीक सिरपेच गेनुङ। मत्ती १०:१९,२८; प्रकाश ३:११; २तिमोथी ४:८