इजीकीएल 47:16 - Sunuwar Bible

¹⁶ मेको सांद बेरोथाह नु सिब्रैम सम्‍म दुम्‍चा माल्‍‍ब। मेको दमस्‍कस नु हमाथ आस दातेम बाक्‍शो बाक्‍नीस। मेको सांद हासेर-हात्‍तीकोन सम्‍म जाक्‍दीप्‍ब। मेको हौरान ङा सांद आ नेक्‍था बाक्‍ब।

इजीकीएल 47:16 ပူးပေါင်းရင်းမြစ်များ

उत्पत्ती 14:15

नाक्‍दोमी अब्राममी आ मुर आन कली हुल निक्‍शी पशा, रोइक्‍बपुकी नु लडाइ पशा ग्राशा, होबाह सम्‍म खेदा पामे बाक्‍त। होबाह दमस्‍कस सहर आ उत्तर गे बाक्‍ब।

२ सामुएल 8:8

मेकोमी हादादेजेर आ सहर, बेताह नु बेरोथाइ सहर रे शुश कांसा चाक्‍गा बाक्‍त।

१ राजा 8:65

मिनु सोलोमन नु मेको नु बुक्‍शा बाक्‍शो इस्राएली लेबो-हमाथ रे इजीप्‍त ङा खोला सम्‍म ङा ठेयब हुल नेल्‍लेमी परमप्रभु यावे, इं परमप्रभु आ ङोंइती मेको नाक्‍त रे ७ नाक्‍त सम्‍म नु अर्को ७ नाक्‍त तेम्‍शा, नेल्‍ल पा १४ नाक्‍त सम्‍म चाड मानेमे बाक्‍त।

१ इतिहास 18:5

मिनु सोबाह ङा पिप हादादेजेर कली वारच पाइक्‍चा कली दमस्‍कस ङा अरामीपुकी जाक्‍मे बाक्‍त। मिनु दाऊदमी मेको आन दाते ङा २२ हजार आन कली साइक्‍मी बाक्‍त।

यसैया 10:9

मार, काल्‍नो सहर कारकेमीश खोदेंशो ममाइ? हमाथ, अरपाद खोदेंशो ममाइ? मिनु सामरीया दमस्‍कस खोदेंशो ममाइ ङा?

इजीकीएल 27:18

मिनु इ शुश मार मार बाक्‍तीके नु इ शुश शोंप बाक्‍तीके दमस्‍कस ङा मुरपुकीम गे नु मार मार ग्‍याप्‍तीक लेयतीक गेय पाम्‍तेक्‍म। मेकोपुकीम हेल्‍बोन ङा अङगुर शांबु नु बुश ऊन चाक्‍शा इ मार मार नु फाइक्‍तेक्‍म।

इजीकीएल 47:17

मिनु ठेयब समुन्‍द्र रे हासर-एनोन सम्‍म बाक्‍ब। मेको दमस्‍कस आ उत्तर गे बाक्‍ब। मेको आ उत्तर गे हमाथ आ सांद बाक्‍ब। मेको उत्तर ङा सांद बाक्‍ब।

इजीकीएल 47:18

पूर्ब गे ङा सांद हौरान नु दमस्‍कस आस दातेम, यर्दन खोला आ नेक्‍था गिलाद नु इस्राएल रागी आस दातेमी बाक्‍ब। मेको पूर्ब ङा समुन्‍द्र नु तामार सम्‍म बाक्‍ब। मेको पूर्ब ङा सांद बाक्‍ब।

इजीकीएल 47:20

पच्‍छिम गे ङा सांद ठेयब समुन्‍द्र लेबो-हमाथ आ ङोंइती सम्‍म दुम्‍चा माल्‍ब। मेको पच्‍छिम ङा सांद बाक्‍ब।

इजीकीएल 48:1

मिनु “मेको आन थर आन नें मार बाक्‍नीम देंशा हना, उत्तर गे ङा सांद हेथ्‍लोन ङा लां रे पा लेबो-हमाथ रे हासर-एनोन सम्‍म बाक्‍ब। हासर-एनान दमस्‍कस आ सांदम बाक्‍ब। मिनु हमाथ मेको आ उत्तर गे बाक्‍ब। मिनु मेको पूर्ब रे पच्‍छिम सम्‍म बाक्‍ब। मेको दान आ थेरशो रू दुम्‍ब। इजीकीएल ४७:१५-१७

आमोस 6:14

ए इस्राएल आ खिं ङा मुरपुकी, गो इन पर्बम रागी का ङा मुर आन कली पोक्‍नुङमी। मिनु मेकोपुकीमी इन कली लेबो-हेमाथ रे अराबाह ङा खोला सम्‍म श्‍येत गेशा खेदा पाइनीम” दे मुर नेल्‍ल आन परमप्रभु यावेमी देंत।

जकरिया 9:2

शुश जोक्‍ब तुइक्‍ब बाक्‍तेक्‍म हना यो, हमाथ, टायर नु सीदोन सहर आन पर्बम परमप्रभु यावेमी लोव़ पशो बाक्‍ब। यसैया २३:-; येरमीया ४७:४; इजीकीएल २६:-; इजीकीएल २८:-

गन्‍ती 13:21

मिनु मेकोपुकी ग्‍येत्‍थ लशा, जीन ङा गोरशो रागी रे रेहोब सम्‍म मेको रागी क्‍यारी पाम्‍तेक्‍म। रेहोब लेबो-हमाथ आ नेक्‍था बाक्‍माक्‍त।

गन्‍ती 34:8

मिनु होर डांडा रे लेबो-हमाथ सम्‍म फ्रेंदीन। मिनु मेको सेदाद सम्‍म जाक्‍दीत्‍चा माल्‍ब।

प्रेरित 9:2

मिनु काबु यरूसलेममी बाक्‍ब ठेयब चढ़ेब आन कली ग्रुम्‍शा, दमस्‍कस सहर ङा ग्रुम्‍तीक खिं खिं ङा ठेयब मुर आन कली कागज ब्रेक्‍शा गेचा नङ देंशा पुना बाक्‍त। सावल आ पुंइशो लोव़ मार बाक्‍त देंशा हना “दमस्‍कसमी बाक्‍ब येसु आ लां खोइक्‍ब मीश मुर वोंइश मुर सु सु थिदुमी, मेको नेल्‍ल आन कली ग्‍याइश्‍शा फ्रेंशा, यरूसलेम चाक्‍नुङमी” दे पुंइशो बाक्‍माक्‍त।