इजीकीएल 47:14 - Sunuwar Bible

¹⁴ मेको लीशो रागी इन दातेम उइक्‍थ उइक्‍थ पा योक्‍चा माल्‍नीनी। मिनु गो इन किकी पिपी आन कली गेनुङ, दे कसम जतीके मेको रागी इन शोंप दुम्‍ब। उत्‍पत्ती १२:७

इजीकीएल 47:14 ပူးပေါင်းရင်းမြစ်များ

उत्पत्ती 12:7

मेकेर जाक्‍दीम्‍मेनु, परमप्रभु यावे अब्राम आ ङोंइती ग्रूशा, मेको कली “एको रागी इ चच युइ आन कली गेनुङ” दे लोव़ गेवा बाक्‍त। मिनु अब्राममी “गो परमप्रभु यावे कली ताता” दे चढ़ेतीक का सेला बाक्‍त। उत्‍पत्ती १३:१५; उत्‍पत्ती १५:१८; उत्‍पत्ती १७:८; उत्‍पत्ती ३५:१२; प्रस्‍थान ६:४,८; प्रस्‍थान ३२:१३; यहोसु २१:४३; प्रेरित ७:५

उत्पत्ती 13:15

गे तेको तेको रागी ताइनेवे, मेकोन इ कली नु इ चच युइ आन कली गेना हना यो कली गेनुङ। उत्‍पत्ती १२:७

उत्पत्ती 15:7

मिनु लेंशा अब्राम कली “गो परमप्रभु यावे नङ। गो एको रागी इ कली गेचा कली कल्‍दी ङा ऊर सहर रे ग्रुंइताक्‍न” देंमाक्‍त। उत्‍पत्ती ११:३१; प्रस्‍थान ३:१४; यसैया ४५:५; यूहन्‍ना ८:२४-२९

उत्पत्ती 17:8

मुल गे इ बाक्‍तीक रागीमी अर्को रागी ङा मुर बाक्‍नेवे। नोले गो एको कनान रागी गेना हना यो इन कली नु इ चच युइ आन कली गेनन्‍नी। गो चहिं मेको आन परमप्रभु दुम्‍नुङ” दे अब्राहाम कली देंमाक्‍त। उत्‍पत्ती ३५:२७; हिब्रू ११:९-१०; प्रेरित ७:५

उत्पत्ती 26:3

मेको रागीमी अर्को रागी ङा मुर दुम्‍शा बाक्‍को। गो गे नु बाक्‍शा, इ कली आसीक गेनुङ। गो इ कली नु इ चच युइ आन कली एको रागी नेल्‍ल गेनुङ। गो इ आफ अब्राहाम नु कबल पा, कसम जाता। मुल आं कबल खाप्‍नुङ। उत्‍पत्ती १७:१९; उत्‍पत्ती २२:१६-१७

उत्पत्ती 28:13

मिनु क्रेसी आ ङरम परमप्रभु यावे राप्‍शा, याकूब कली “गो परमप्रभु यावे, इ बाजे अब्राहाम नु इ आफ इसहाक आस परमप्रभु नङ। मुल इ इप्‍शा बाक्‍तीक रागी इ कली नु इ चच युइ आन कली गेनन्‍नी।

प्रस्‍थान 6:8

मिनु गो अब्राहाम, इसहाक नु याकूब आन कली गेनुङ, दे कसम जशो रागीम इन कली चाक्‍दीत्‍नुङ। मिनु मेको रागी इन के दुम्‍ब। गो परमप्रभु यावे नङ’ दे गे इस्राएली आन कली देंचा माल्‍नेवे” दें‍त। उत्‍पत्ती २२:१६

हितोपदेस 16:33

मुरुम फेन्‍टे आप्‍शा, परमप्रभु यावे कली हिल्‍लो पाइनीम। मिनु परमप्रभु यावेमी लोव़ लेप्‍ब।

इजीकीएल 20:28

गो कसम जशा मेको आन कली गेनुङ देंशो रागीम चाक्‍तामी। मेकोपुकीम मेकेर लाइश्‍शो डांडा नु शुश सफा पाइश्‍शो रवा ताम्‍तेक्‍म। मेकेर आन मार मार चढ़ेम्‍तेक्‍म। आं कली गाइक्‍पाइक्‍चा कली आन पोक्‍शो मार मार चढ़ेम्‍तेक्‍म। मेकेर आन ब्रोव़शो रिना पाइश्‍शो धूप चोशा, आन तूचा थोव़क चढ़ेतीक चढ़ेम्‍तेक्‍म।

इजीकीएल 20:42

मिनु गो इन किकी पिपी आन कली गेनुङ देंशो इस्राएल रागीम इन कली चाक्‍नन्‍नी। मेना गेपुकीम गो परमप्रभु यावे नङ, दे तुइक्‍नीनी।

इजीकीएल 36:12

गो आं मुर इस्राएली आन कली इ तार गाक्‍पाइक्‍नुङ। गे मेको आन के दुम्‍नीनी। मिनु गे मेको आन शोंप दुम्‍नीनी। गेपुकीम गेनायो मेको आन तमी तौ रोइश्‍शा मलाइक्‍नीनी” देंत।

इजीकीएल 48:29

गेपुकीम मेको रागी ङा रू इस्राएल आ थर ङा मुर आन कली आन थेरशो रू दुम्‍पाइश्‍शा योक्‍शा गेचा माल्‍नीनी। मिनु मेकोन मेको आन भाग दुम्‍ब” दे परमप्रभु, परमप्रभु यावेमी देंत।

गन्‍ती 14:16

‘परमप्रभु यावेमी मेको आन कली गेनुङ, दे कसम जशो रागीम चाक्‍दीन्‍ने मच‍ब। मोपतीके मेको आन कली गोरशो रागीम साइक्‍तु’ देंनीम। ब्‍यवस्‍था ९:२८; यहोसु ७:८-९

गन्‍ती 14:30

आं कसम जशा, इन कली गेनुङ देंशो रागीमी सुइ ओव़चा मताइनीम। यपुन्‍ने आ तौ कालेब नु नून आ तौ यहोसु ला ओव़चा ताइनीस।

ब्‍यवस्‍था 1:8

मिनु लेंशा परमप्रभु यावेमी ‘कोव़ङीन, मेको रागी इन ङोंइती बाक्‍ब। मेकेर ओव़शा, मेको रागी आंम के सेलीन। मारदे हना गो मेको रागी इन किकी पिपी अब्राहाम, इसहाक, याकूब नु आन चच युइ आन कली गेनुङ’ दे कसम जाता” देंत। उत्‍पत्ती १२:७; गन्‍ती ११:१४