इजीकीएल 47:12 - Sunuwar Bible

¹² मेको समुन्‍द्र आ एर ओंथ नेल्‍ल शुश खाल ङा फल फुल रवा वानीम। मेको आन सफा मसोव़नीम। मेको आन फल गेनायो मनुप्‍नीम। मेको महिना महिनाम सित्‍नीम। मारदे हना मेको आन कली माल्‍शो ब्‍वाक्‍कु परमप्रभु यावे आ बाक्‍तीक रे लशो बाक्‍ब। मेको आन फल रूचा कली नु मेको आन सफा सापाइक्‍चा कली दुम्‍नीम” देंत। यसैया ३२:१५; प्रकाश २२:२

इजीकीएल 47:12 ပူးပေါင်းရင်းမြစ်များ

उत्पत्ती 2:9

मिनु परमप्रभु यावेमी मेकेर मार मार दारशो तांइसीब रवा नु जचा ब्‍वचा फल सिप्‍ब रवा वापदा बाक्‍त। ब्रोंइपाइक्‍ब का नु रिम्‍शो नु मरिम्‍शो तुइक्‍पाइक्‍ब रवा का यो रू आ दातेमी वापदा बाक्‍त। उत्‍पत्ती ३:२२; प्रकाश २:७; प्रकाश २२:२

अय्‍युब 8:16

परमप्रभु यावे आ अरेशो मटीबपुकी नां तशो घांस सुवा खोदेंशो पा वानीम। मिनु मेको आन शाक्‍श तेइ तेइ ब्रशा लाइनीम।

भजन संग्रह 1:3

मिनु मेको मुर खोला आ नेक्‍था ख्रुम्‍शो रवा खोदेंशो बाक्‍ब। दोपा मेको आ फल सित्‍ची ना सिप्‍बा नु आ सफा यो महेम्‍थु बाक्‍बा, मोपा मेको मुर आ पतीक नेल्‍ल रिम्‍शो बाक्‍ब। भजन संग्रह ९२:१३-१५; येरमीया १७:८

भजन संग्रह 92:12

ठीक पाइबपुकी चहिं खजूर रवा खोदेंशो पा बारनीम। मेकोपुकी लेबानोन ङा लाइश्‍शो रवा खोदेंशो पा लाइक्‍नीम। भजन संग्रह १:३; भजन संग्रह ५२:१०

यसैया 1:6

पिया रे खोइल सम्‍म तेइ सेस मबाक्‍ब। राक्‍शो गार नु तुप्‍शा हुश यिशो गार ला बाक्‍नीम। मेको नेंने मपुक्‍शो, मफ्रेंशो नु तेल मख्रेक्‍शो बाक्‍नीम। ब्‍यवस्‍था २८:३५

यसैया 60:21

इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।

यसैया 61:3

मेकोमी आं कली सियोनम रोंका पाइब आन कली पुलु आ पा ङा दारशो पियाम ग्‍योम्‍तीके ग्‍योम्‍पाइक्‍चा कली, हिशेक आ पा ङा ब्रोव़शो रिना पाइब तेल ख्रेक्‍चा कली नु आइक्‍च थुं दुम्‍तीके आ पा ङा ठेयब सेल्‍तीक थुं फेक्‍तीक खोदेंशो पा फेक्‍पाइक्‍चा कली सोइक्‍ताक्‍यी। मेको मुर आन कली ‘ठीक पतीके रवा’ दे नें वोइक्‍तेक्‍म। मेको परमप्रभु यावे आ ख्रुम्‍शो आ दारस कोंइतीके बाक्‍नीम।

येरमीया 17:8

मेको ब्‍वाक्‍कु आ नेक्‍था ख्रुम्‍शो रवा खोदेंशो बाक्‍‍नीम। मेकोमी आन शाक्‍श खोला आ सुर सम्‍म चाक्‍दीत्‍नीम। मेको हुप्‍तानु, महिंनीम। मेको आन सफापुकी गेना हना यो गिगी बाक्‍नीम। नां पवानु मेको मारेइ सुर्ता मपाइनीम। मेको गेना हना यो फल सिप्‍ब बाक्‍नीम” देंत। भजन संग्रह १:३

येरमीया 8:22

मिनु गिलादमी मारेइ ख्रेक्‍तीक मबाक्‍बा? मार, मेकेर इ कली ओख्‍ती पाइब मबाक्‍बा? मारदे आं श्‍येत जशो मुर मसामा?” देंत। येरमीया ४६:११

इजीकीएल 47:7

मिनु गो मेकेर जाक्‍ङानु, मेको समुन्‍द्र आ ओंथ हांबु नु आइक्‍ची हांबु नेल्‍ल शुश रवा तातामी।

प्रकाश 22:2

सहर ङा लां आ दाते रे पा शाइश्‍शो बाक्‍त। मेको खोला ओंथ हांबु नु आइक्‍ची हांबुमी ब्रोंइचा गेब रवा बाक्‍शो बाक्‍तेक्‍म। मेको ब्रोंइचा गेब रवापुकीमी १२ किसीम ङा फल सिप्‍बाक्‍तेक्‍म। महिनामी खेयप का सिबाक्‍तेक्‍म। मेको ब्रोंइचा गेब रवा आ सफा रागी रागी ङा मुर आन कली सापाइक्‍चा कली बाक्‍तेक्‍म।