इजीकीएल 47:10 - Sunuwar Bible

¹⁰ मेको आ एर ओंथ नेल्‍लेम ग्‍याइल आप्‍बपुकी राप्‍नीम। एन-गेदी रे एन-एग्‍लै सम्‍म ग्‍याइल आप्‍तीक दुम्‍नीम। मेकेर ठेयब समुन्‍द्र खोदेंशो पा शुश खाल ङा ङांइ बाक्‍नीम।

इजीकीएल 47:10 ပူးပေါင်းရင်းမြစ်များ

उत्पत्ती 14:7

मेको ग्राब पिप आन लां लेश्‍शा, एन-मिश्‍पात जाक्‍शा, हासासोन-तामारम बाक्‍ब अमालेकी नु एमोरी आन कली फ्रूमे बाक्‍त। एन-मिश्‍पात कली कादेश यो देंनीम।

२ इतिहास 20:2

मिनु मुरपुकीमी येहो-शाफात कली “थम ठेयब हुल का लडाइ पाइब एदोम रे इन कली लडाइ तोचा कली जाक्‍शो बाक्‍नीम। मेकोपुकी हिक्‍सी समुन्‍द्र आ आइक्‍ची हांबु रे पिना पिन बाक्‍नीम। मेको हासासोन-तामार जाक्‍दीत्‍तेक्‍म” दे लोव़ नेंपदमे बाक्‍त। मेको रागी कली एन-गेदी यो देंनीम।

भजन संग्रह 104:25

मेकेर ठेयब नु ब्रेम्‍शो समुन्‍द्र बाक्‍ब। मिनु मेकेर हिक्‍ने मचाप्‍चा ङा पा ठेयब नु आइक्‍च जन्‍तु रमल ग्‍यमल पा बाक्‍नीम।

यसैया 19:8

मिनु ङांइ साइक्‍ब मुर नेल्‍ल रोंका पाइनीम। बोल्‍सी ग्‍यारबपुकी नु ग्‍याइल आप्‍बपुकी “मार पचा, दो पचा” देंनीम।

यसैया 49:12

नेनीन, मेकोपुकी ङोन रे जाक्‍नीम। मेकोपुकी उत्तर रे पच्‍छिम रे नु स्‍येने रागी रे जाक्‍नीम” देंत। स्‍येने रागी इजीप्‍त आ दक्‍खिनम यहूदी आन बाक्‍तीके का बाक्‍ब। मेको कली आस्‍वान यो देंनीम। लूका १३:२९

यसैया 49:20

इन ब्राची ना ङा जरमेशो आलपुकीमी इ कली ‘एको रागीम आंइ कली मरिक्‍त, अर्को बाक्‍तीक रू गेकी’ देंनीम। यसैया ५४:१

इजीकीएल 26:14

गो इ कली श्‍येत्‍थ फुल्‍लु सेल्‍नुङ। गे ग्‍याइल आप्‍तीक दुम्‍नेवे। इ कली लेंशा गेनायो मसेल्‍नीम। मारदे हना गो, परमप्रभु यावेमी एको लोव़ पाता” दे परमप्रभु, परमप्रभु यावेमी देंत।

इजीकीएल 26:5

टायर सहर समुन्‍द्र आ दातेम ग्‍याइल आप्‍तीक दुम्‍चा माल्‍ब, दे गो, परमप्रभु, परमप्रभु यावेमी एको लोव़ पाता। मेको सहर रागी रागी ङा मुर आन रोइक्‍तीक दुम्‍ब।

इजीकीएल 47:15

मेको रागी आ सांद ते बाक्‍चा माल्‍नीम देंशा हना, उत्तर गे ङा सांद ठेयब समुन्‍द्र रे हेथ्‍लोन ङा लां, लेबो-हमाथ रे सेदाद सम्‍म दुम्‍चा माल्‍‍ब। गन्‍ती ३४:२-१२

इजीकीएल 47:19

दक्‍खिन गे ङा सांद तामार रे मेरीबाथ-कादेश ङा ब्‍वाक्‍कु बाक्‍तीके सम्‍म दुम्‍चा माल्‍‍ब। मिनु मेकेर रे इजीप्‍त ङा खोल्‍सा रे ठेयब समुन्‍द्र सम्‍म जाक्‍दीप्‍ब। मेको दक्‍खिन ङा सांद बाक्‍ब। गन्‍ती २०:१३; गन्‍ती ३४:५

इजीकीएल 48:28

मिनु दक्‍खिन गे गाद आ थेरशो रू ङा सांद तामार रे मेरीबाथ-कादेश ङा ब्‍वाक्‍कु बाक्‍तीक सम्‍म नु इजीप्‍त ङा खोल्‍सा आ नेक्‍था रे पा ठेयब समुन्‍द्र सम्‍म दुम्‍चा माल्‍ब। इजीकीएल ४७:१९

गन्‍ती 34:6

मिनु पच्‍छिम ङा सांद ठेयब समुन्‍द्र बाक्‍ब। मेको ठेयब समुन्‍द्र आ शुंइच इन पच्‍छिम गे ङा सांद बाक्‍ब।

मत्ती 4:19

मिनु येसुमी “आं नोले खोइय्‍यीसी। मिनु मुर आन कली रेप्‍ब सेल्‍नन्‍सी” दे ब्रेत्‍तीम्‍सी बाक्‍त। मत्ती २८:१९-२०

मर्कूस 1:17

मिनु येसुमी मेको आस कली “आं नोले खोइय्‍यीसी। मिनु मुर आन कली रेप्‍ब सेल्‍नन्‍सी” दे माइक्‍सी बाक्‍त।

यहोसु 15:62

निब्‍शान, शुश हिक्‍सी सेल्‍ब आन सहर नु एन-गेदी बाक्‍नीम। मेको नेल्‍ल पा ६ ओटा सहर नु आन नेक्‍था ङा गाउं नेल्‍ल यो बाक्‍नीम।

यहोसु 23:4

गोम योक्‍शा, लीशो रागी इन थर थर ङा मुर आन कली गेता। मिनु गो यर्दन रे पच्‍छिम गे ङा ठेयब समुन्‍द्र सम्‍म रागी नेल्‍ल ग्राती।

१ सामुएल 23:29

मेको नोले दाऊद डांडा ङोइश्‍शा एन-गेदी ङा बोल्‍यो ख्रुइश्‍शा बाक्‍तीक मेर बाक्‍माक्‍त।

१ सामुएल 24:1

मिनु सावल पलिस्‍ती आन कली खेदा पा लेम्‍मेनु, मुरपुकीमी मेको कली “दाऊद एन-गेदी ङा गोरशो रागीम बाक्‍ब” दे लोव़ पामे बाक्‍त। यहोसु १५:६२