इजीकीएल 45:12 - Sunuwar Bible

¹² शेकेल का २० गेराह दुम्‍चा माल्‍ब। २० शेकेल, २५ शेकेल नु १५ शेकेल नेल्‍ल पा मीना का दुम्‍चा माल्‍ब” देंत। शेकेल का ११.५ ग्राम बाक्‍ब। गेराह का ०.६ ग्राम बाक्‍ब। मीना का ६०० ग्राम खोदेंशो बाक्‍ब।

इजीकीएल 45:12 ပူးပေါင်းရင်းမြစ်များ

उत्पत्ती 23:15

“प्रभु, आं लोव़ नेनीन, मेको रू ४ सहे शेकेल चांदी ङा बाक्‍ब। मेको इस दातेमी मारेइ ममाइ। मोपतीके थिमीन” देंमाक्‍त। शेकेल का ११.५ ग्राम बाक्‍ब।

प्रस्‍थान 30:13

गिश जना वोंइश मुर हिक्‍सीनीमी, मिश जना ताम्‍बु ङा नाक्‍तीके ङा आधा शेकेल गेचा माल्‍नीमी। शेकेल का २० गेराह चांदी बाक्‍नीम। मोपा परमप्रभु यावे कली गेशो क्‍येट आधा शेकेल गेचा माल्‍शो बाक्‍ब। शेकेल का ११.५ ग्राम खोदेंशो बाक्‍ब। गेरा का ०.६ ग्राम बाक्‍ब। मत्ती १७:२७

प्रस्‍थान 30:14

वोंइश मुर गिश जना २० बर्स गाप्‍शो नु मेको क्‍येङा लाक्‍शो बाक्‍मा, मिश जनाम परमप्रभु यावे कली गेचा माल्‍शो चढ़ेचा माल्‍नीम।

इजीकीएल 4:10

इ नाक्‍ती ङा जचा थोव़क नाक्‍शा २० शेकेल ङा दुम्‍चा माल्‍ब। गे गेना हना यो गो देंङा ना जचा माल्‍नेवे। शेकेल का ११.५ ग्राम चांदी के क्‍येट बाक्‍ब।

इजीकीएल 45:13

मिनु परमप्रभु यावेमी “गेपुकीम चढ़ेचा माल्‍शो अन्‍न गिश बाक्‍ब देंशा हना, होमेर का का चेरब रे एफाह ङा भाग ङा भाग का चढ़ेचा माल्‍नीनी। होमेर का का क्‍योव़ज रे एफाह ङा ६ भाग ङा भाग का चढ़ेचा माल्‍नीनी।

लेवी 27:25

मिनु गिश क्‍येट लाइ‍बा, मेको नेल्‍ल परमप्रभु यावे आ ताम्‍बु ङा चांदी के शेकेलम थाप्‍चा माल्‍ब। शेकेल काम २० गेरा बाक्‍नीम। गेरा का ०.६ ग्राम बाक्‍ब।

गन्‍ती 3:47

मेको आन कली प्रोंइचा कली का के ५ शेकेल ताक्‍को। ग्रुम्‍तीक ताम्‍बु ङा शेकेल का २० गेराह ङा बाक्‍ब। गेराह का ०.६ ग्राम बाक्‍ब। ग्रुम्‍तीके ताम्‍बु ङा शेकेल १२ ग्राम बाक्‍ब।