इजीकीएल 43:2 - Sunuwar Bible

² मिनु इस्राएली आन परमप्रभु आ छेङछेङ पूर्ब रे जाक्‍त। मेको आ रेयके ठेयब समुन्‍द्र आ रेयके खोदेंशो नेंसाक्‍व। मिनु रागी नेल्‍ल मेको आ छेङछेङम हाम्‍सो दुम्‍त। इजीकीएल १:२८

इजीकीएल 43:2 ပူးပေါင်းရင်းမြစ်များ

यसैया 17:12

आबी, शुश रागी ङा मुर आन रेयके, समुन्‍द्र ङा ब्‍वाक्‍कु खोदेंशो पा नेंसीब। आबी, रागी रागी ङा मुर आन ग्रीशो बारशो खोला आ रेयके खोदेंशो बाक्‍ब।

यसैया 6:3

मिनु सेराफ कामी अर्को सेराफ कली “मुर नेल्‍ल आन परमप्रभु यावे का ला ठेयब सक्ति पाइश्‍शो बाक्‍ब। रागी नेल्‍ले आ छेङछेङम ब्रीशो बाक्‍ब” देंत। प्रकाश ४:८

इजीकीएल 1:24

मेको गाक्‍मानु, गो मेको आन फ्रां आन रेयके, ठेयब समुन्‍द्र आ रेयके खोदेंशो नेंता। मेको रेयके नेल्‍ल क्‍येङा सक्ति पाइश्‍शो बुंबु पाइब नु लडाइ पाइब आन ग्रांग्‍ये माग्‍ये पोक्‍शो रेयके खोदेंशो नेंता। मेको सोक्‍त पाइश्‍शोपुकी राम्‍मानु, आन फ्रां लुक्‍च तोक्‍बाक्‍तेक्‍म।

इजीकीएल 1:28

रेउ यिमेनु, गोस्‍सुम वाक्‍श दाप्‍शो खोदेंशो पा, मेको आ एर ओंथ नेल्‍ल छेङछेङ बाक्‍त। मेको परमप्रभु यावे आ छेङछेङ बाक्‍त। मिनु गो मेको तशा, खुम्‍की पा बाप्‍ती। मिनु मुर ब्‍वाक्‍शो खोदेंशो सेंदा नेंता। इजीकीएल ३:२३; इजीकीएल ८:४; इजीकीएल ९:३; इजीकीएल १०:४,१८; इजीकीएल ११:२३; इजीकीएल ४३:४; इजीकीएल ४४:४

इजीकीएल 10:4

मिनु परमप्रभु यावे आ छेङछेङ करूब आन रे परमप्रभु यावे आ खिं आ लाप्‍चो गे लत। मिनु गोस्‍सुम खिं ब्रीत। मिनु आ लाङगा परमप्रभु यावे आ छेङछेङ ङा हाम्‍सोम ब्रीत। इजीकीएल १:२८; प्रस्‍थान ४०:३४; यसैया ६:४

इजीकीएल 11:22

मिनु नोले आ नेक्‍था गुगील बाक्‍शो करूबमी आन फ्रां प्राक्‍तेक्‍म। मेना इस्राएली आन परमप्रभु आ छेङछेङ मेको आन तार बाक्‍त। इजीकीएल १:२८

इजीकीएल 11:23

मिनु परमप्रभु यावे आ छेङछेङ सहर आ दाते रे क्‍युक्‍सीशा इर गे लत। मिनु सहर ङा पूर्ब गे बाक्‍शो पहाड तार दिक्‍त।

इजीकीएल 3:23

मोपतीके गो बोक्‍शा बेंसीम लती। मिनु गो केबार खोला आ नेक्‍थाम तशो परमप्रभु यावे आ छेङछेङ मेकेर यो बाक्‍त। मिनु गो खुम्‍की पा बाप्‍ती। इजीकीएल १:२८

इजीकीएल 43:4

मिनु परमप्रभु यावे आ छेङछेङ मेको पूर्ब ङा लाप्‍चो रे पा आ खिं ओव़त। इजीकीएल १०:१९

इजीकीएल 44:2

मिनु परमप्रभु यावेमी आं कली “एको लाप्‍चो चोक्‍स ङा चोक्‍स बाक्‍चा माल्‍ब। एको रोक्‍चा मदुम्‍ब। मेकेर रे सुइ ओव़चा मताइनीम। मारदे हना परमप्रभु यावे, इस्राएली आन परमप्रभु एकेर रे ओव़शो बाक्‍ब। मोपतीके एको चोक्‍स ङा चोक्‍स बाक्‍चा माल्‍ब। इजीकीएल ४६:२

इजीकीएल 9:3

मेना इस्राएली आन परमप्रभु आ छेङछेङ करूब आन दाते रे इर गे याक्‍सीशा परमप्रभु यावे आ खिं आ लाप्‍चोम जाक्‍दीन्‍ने थुम्‍शो बाक्‍त। मिनु मेकोमी मेको सुती के वा फेक्‍शो ब्रेक्‍तीक कुरशो मुर कली

हबकुक 2:14

तन्‍न रागी नेल्‍ल परमप्रभु यावे आ सक्ति ङा तुइक्‍तीकेम ब्रीशो बाक्‍ब। ब्‍वाक्‍कुमी समुन्‍द्र ब्रीशो खोदेंशो पा ब्रीशो बाक्‍ब” देंत। यसैया ११:९

हबकुक 3:3

परमप्रभु तेमान रे पा जाक्‍त। मेको का ला परमप्रभु पारान डांडा रे जाक्‍त। ठेयब सेंदा पा आ ठेयब दुम्‍तीकेमी सरीङ सुम्‍शो बाक्‍त। आ मान ततीकेम रागी नेल्‍ल ब्रीशो बाक्‍त। ब्‍यवस्‍था ३३:२

हबकुक 3:4

मेको आ छेङछेङ नां दाप्‍शो खोदेंशो बाक्‍त। आ गुइ रे पा चेयरे ग्रूशो बाक्‍त। मेकेर आ सक्ति ख्रुइश्‍शो बाक्‍ब।

यूहन्‍ना 12:41

मारदे हना यसैयामी येसु ख्रीस्‍त आ छेङछेङ ङा सक्ति ततीके येसु आ पर्बम लोव़ पशा ब्रेक्‍शो बाक्‍त। यसैया ६:१

प्रकाश 1:15

आ खोइली याप्‍पाइश्‍शा टल्‍केशो कांसा खोदेंशो तांइसाक्‍व। मिनु आ सेंदा ठेयब खोला आन रेयके खोदेंशो नेंसाक्‍व।

प्रकाश 14:2

मिनु गो स्‍वर्ग रे सेंदा का नेंता। मेको सेंदा दोदेंशो बाक्‍त देंशा हना, शुश ब्‍वाक्‍कु आ रेयके नु ठेयब बुंबु पशो रेयके खोदेंशो नेंता। तन्‍न शुश मुरपुकीमी ठेयब तार पाइश्‍शो ताप्‍तीके ताप्‍शो रेयके बाक्‍त। प्रकाश १:१५

प्रकाश 18:1

मिनु नोले गो शुश अधिकार पाइश्‍शो परमप्रभु यावे आ स्‍वर्ग ङा गेय पाइब का सरीङ रे यिशो ताता। मेको आ टल्‍केशोमी रागी नेल्‍ल छेङछेङ दुम्‍त। इजीकीएल ४३:२

प्रकाश 19:1

मिनु नोले गो स्‍वर्गमी शुश मुरपुकीम कुम्‍सो पशो ठेयब रेयके खोदेंशो नेंता। मिनु मेकोपुकीमी “हाल्‍लेलया, आंइ परमप्रभु ला मुर आन कली पाप रे प्रोंइब बाक्‍ब। छेङछेङ नु सक्ति नेल्‍ल आंइ परमप्रभु यावे केन बाक्‍ब।

प्रकाश 19:6

मिनु नोले गो शुश मुर आन सेंदा ठेयब खोला आ रेयके नु ठेयब बुंबु आ रेयके खोदेंशो पा नेंता। मिनु मेको सेंदामी “हाल्‍लेलया, प्रभु, नेल्‍ल सक्ति पाइश्‍शो आंइ परमप्रभु यावे नेल्‍ल सासन पाइब बाक्‍ब।

प्रकाश 21:11

मिनु मेको सहर दोदेंशो तांइसाक्‍व देंशा हना, परमप्रभु यावे आ छेङछेङ नु सक्ति पाइश्‍शो बाक्‍त। मिनु परमप्रभु यावे आ छेङछेङ नेल्‍ल क्‍येङा रिम्‍शो टल्‍केशो बुश यास्‍पेर माइश्‍शो हीरा खोदेंशो तांइसाक्‍व।

प्रकाश 21:23

मिनु मेको सहरमी नां नु तास्‍ला दाप्‍चा ममाल्‍ब। मारदे हना परमप्रभु यावे आ छेङछेङ नेल्‍ल सहरमी दाप्‍ब। पाठा मुर आन कली छेङछेङ गेब बत्ती बाक्‍ब। यसैया ६०:३,५,११,१९,२०