इजीकीएल 42:20 - Sunuwar Bible

²⁰ मोपा मेकोमी पूर्ब, उत्तर, दक्‍खिन नु पच्‍छिम नेल्‍ल पुक्‍तु। मेको आ एर ओंथ गारो का बाक्‍त। मेको ५ सहे कुबीत लाइश्‍शो नु ५ सहे कुबीत ब्रेम्‍शो बाक्‍त। परमप्रभु यावे आ बाक्‍तीके नु मुर आन बाक्‍तीके तिल्‍चा कली मोदेंशो पशो बाक्‍त।

इजीकीएल 42:20 ပူးပေါင်းရင်းမြစ်များ

इजीकीएल 45:2

मेको रे पा ५ हजार कुबीत लाइश्‍शो नु ५ हजार कुबीत ब्रेम्‍शो रू का परमप्रभु यावे आ बाक्‍तीके दुम्‍ब। मेको आ एर ओंथ नेल्‍ल ५० कुबीत ब्रेम्‍शो श्‍येत्‍थ लां बाक्‍चा माल्‍ब।

इजीकीएल 40:5

मिनु गो मेकेर परमप्रभु यावे आ खिं आ एर ओंथ नेल्‍ल हिरशो गारो का ताता। मिनु मेको मुर आ गुइम बाक्‍शो पुक्‍तीक कोक्‍के ६ ठेयब कुबीत लाइश्‍शो बाक्‍त। मिनु मेकोम गारो पुक्‍गानु, ३ कुबीत ग्‍येत्‍थ नु ६ कुबीत थांइशो बाक्‍त। ठेयब कुबीत ०.५ मिटर बाक्‍ब। १राजा ६:-

इजीकीएल 22:26

मेको आ चढ़ेबपुकीम आं शेंशो लोव़ प्रोंइतेक्‍म। आं थोव़कपुकी ग्रांग्रा दिशो सेल्‍तेक्‍म। मेकोपुकीम आं मार मार मुर आन थोव़क खोदेंशो सेल्‍तेक्‍म। मेकोपुकीमी मार ग्रांग्रा दिशो नु मार ग्रांग्रा मदिशो बाक्‍नीमी, मेको मशेंदेम। मेकोपुकीम आं नाइक्‍तीक नाक्‍त प्रेंताक्‍म। मोपा गो मेको आन दातेम महिक्‍सीशो दुम्‍शो बाक्‍नुङ। सेफन्‍याह ३:४; इजीकीएल ४४:२३; मत्ती २३:२५; लेवी १०:१०

जकरिया 2:5

मिनु गो मेको आ एर ओंथ मी के गारो दुम्‍नुङ। मिनु गो मेको आ आगा ङा छेङछेङ दुम्‍नुङ’ दे परमप्रभु यावेमी देंत, देनो” देंत। जकरिया ९:८

इजीकीएल 48:15

मिनु मेको लीशो ५ हजार कुबीत ब्रेम्‍शो नु २५ हजार कुबीत लाइश्‍शो रू सहर कली बाक्‍ब। मेको मुर बाक्‍तीके नु सहर आ दाते ङा रू दुम्‍चा माल्‍ब।

इजीकीएल 44:23

मेकोपुकीम आं मुर आन कली आं मार मार नु मुर आन मार मार खाल का ङा मबाक्‍नीम, दे शेंचा माल्‍नीम। मिनु मेको आन कली ग्रांग्रा दिशो नु मदिशो थोव़क खाल का ङा मबाक्‍नीम, दे कोंइचा माल्‍नीम। इजीकीएल २२:२६; लेवी १०:१०

यसैया 60:18

मो दुम नोले इ रागीमी हुश ख्राक्‍श पोक्‍शो आ पर्बम मनेंसीब। इ सांदम खतम दुम्‍शो लोव़ मनेंसीब। तन्‍न गे इ गारो कली पाप रे प्रोंइतीके नें वोइक्‍नेवे। गारो ङा ठेयब लाप्‍चो आन कली ठेयब सेल्‍तीक नें वोइक्‍नेवे।

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

लूका 16:26

मोशो ला ममाइ। परमप्रभु यावे आ राज्‍य ङा मुर नरक मलाइनीम। मिनु नरक ङा मुर यो परमप्रभु यावे आ राज्‍यम ओव़चा मताइनीम’ देंमाक्‍त।

मीका 7:11

गे इन गारो लेंशा सेल्‍तीक नाक्‍त नु इन सांदपुकी ङोन ङोन सम्‍म चाक्‍दीत्‍तीक नाक्‍त जाक्‍शो बाक्‍ब।

इजीकीएल 48:20

गेपुकीमी तिल्‍शो बाक्‍तीक रू नेल्‍ल २५ हजार कुबीत ब्रेम्‍शो नु २५ हजार कुबीत लाइश्‍शो दुम्‍चा माल्‍ब। मेको ४ पाटे दुम्‍ब। मेको परमप्रभु आ भाग नु सहर ङा बाक्‍तीके बाक्‍ब।

यसैया 26:1

मेको नाक्‍ती यहूदा रागी ङा मुरपुकीम मार कुम्‍सो पाइनीम देंशा हना “आंइ सहर बोल्‍यो बाक्‍ब। परमप्रभुमी आंइ कली ग्राचा गेब। लडाइ पाइब आन कली ओव़ने मचाप्‍तीके गारो हिरब।

यसैया 25:1

परमप्रभु यावे, आं परमप्रभु बाक्‍नीनी। गो इन कली मान पशा, इन नें ठेयब बाक्‍ब, दे कुम्‍सो पाइनुङ। मारदे हना गे छक लाक्‍चा ङा गेय पाइतीनी। इन ङोंइती मिम्‍शो मप्रोंइथु, थमा पा थुम्‍तीनी।

ठेयब कुम्सो 2:9

आं दाक्‍शो मुर किश्‍श नु ठिटा रोकोश खोदेंशो बाक्‍ब। कोव़ङीन, मेको आंइ गारो आ नोले राप्‍शा बाक्‍शो बाक्‍ब। मेकोमी झेल रे आगा कोव़ना कोव़न बाक्‍ब। मेकोमी झेल आगा रे कोव़ना कोव़न बाक्‍ब।

लेवी 10:10

आं थोव़क नु मुर आ थोव़क तिल्‍चा माल्‍नीनी। ग्रांग्रा दिशो थोव़क नु चोव़खो थोव़क यो तिल्‍चा माल्‍नीनी। इजीकीएल २२:२६; इजीकीएल ४४:२३

इजीकीएल 42:19

मिनु मेकोम आ पुक्‍तीकेमी पच्‍छिम गे पुक्‍तु। मेको यो ५ सहे कुबीत बाक्‍त।

इजीकीएल 43:12

परमप्रभु यावे आ खिं आ पर्बम आ अरेशो लोव़ मार बाक्‍त देंशा हना, मेको डांडा आ एर ओंथ नेल्‍ल आं के बाक्‍तीक बाक्‍ब। मेको परमप्रभु यावे आ खिं आ पर्बम आ अरेशो लोव़ बाक्‍ब” देंत।