इजीकीएल 41:25 - Sunuwar Bible

²⁵ मिनु परमप्रभु यावे आ खिं ङा लाप्‍चोम गारो ङा खोदेंशो पा करूब नु खजूर रवा आन बुटा मुशो बाक्‍तेक्‍म। पिंडी आ ङोंइतीम शी के खाट बाक्‍शो बाक्‍त।

इजीकीएल 41:25 ပူးပေါင်းရင်းမြစ်များ

१ राजा 7:6

मेकोमी ५० कुबीत लाइश्‍शो नु ३० कुबीत ब्रेम्‍शो थाम पाइश्‍शो ठेयब पिंडी सेल्‍पदा बाक्‍त। मिनु मेको आ ङोंइती थाम पाइश्‍शो ओव़तीक बाक्‍माक्‍त। मेको आ ङोंइती इप्‍तीक का यो बाक्‍माक्‍‍त।

इजीकीएल 40:16

गेय पतीक कोठा थाम आ नेक्‍था ङा झेल ङा गारो आ आइक्‍थ मेरे थरपु हिर‍शो बाक्‍तेक्‍म। एर ओंथ हिरशो साप्‍शो लतीक लां नेल्‍ल झेल बाक्‍तेक्‍म। मिनु पिंडीम यो मोदेंशो झेल बाक्‍तेक्‍म। मेको थामपुकीम खजूर रवा आ बुटा आप्‍शो बाक्‍तेक्‍म।

इजीकीएल 41:16

मिनु मेको सांफा आन एर ओंथ नेल्‍ल गे झेल बाक्‍तेक्‍म। लाप्‍चो गे कोव़चा कली नेल्‍ल शीम क्‍येप्‍शो बाक्‍त। उइ खप रे झेल सम्‍म शीम क्‍येप्‍‍शो बाक्‍तेक्‍म।

इजीकीएल 41:18

मेकेर करूब नु खजूर रवा आन बुटा आप्‍शो बाक्‍तेक्‍म। मेको करूब का खजूर रवा का नु करूब का पा आप्‍शो बाक्‍त। मेको करूब नेल्‍ल आन के कुल निक्‍शी बाक्‍तेक्‍म।