इजीकीएल 41:18 - Sunuwar Bible

¹⁸ मेकेर करूब नु खजूर रवा आन बुटा आप्‍शो बाक्‍तेक्‍म। मेको करूब का खजूर रवा का नु करूब का पा आप्‍शो बाक्‍त। मेको करूब नेल्‍ल आन के कुल निक्‍शी बाक्‍तेक्‍म।

इजीकीएल 41:18 ပူးပေါင်းရင်းမြစ်များ

१ राजा 6:35

मिनु मेकोमी मेकेर नेल्‍ल करूब, खजूर रवा नु बोइश्‍शो फु आन बुटा मुशा आप्‍पदा बाक्‍त। मिनु सुनम गिल्‍पदा बाक्‍त।

१ राजा 7:29

मेको वोइक्‍तीकेमी ब्‍यफ, गुप्‍स नु करूब आन बुटा आप्‍शो बाक्‍मा बाक्‍त। मेको आन दी गे यो झुम्‍का क्‍‍याइश्‍शो बाक्‍मा बाक्‍त।

१ राजा 7:36

मिनु मेकोमी मेकेर तेक तेक श्‍येत्‍थ बाक्‍मा, मेक मेक गुप्‍स, करूब नु खजूर रवा आन बुटा आबा बाक्‍त। मेको आन एर ओंथ नेल्‍ल मुशा सेल्‍शो कांसा के मालापुकी सेला बाक्‍त।

२ इतिहास 3:5

मेको खिं आ आगा नेल्‍ल सला के फलेक क्‍येप्‍पदा बाक्‍त। मिनु नेल्‍ल कली क्‍येख सुनम गिल्‍पदा बाक्‍त। मेको दारपाइक्‍चा कली मेको आ तार खजूर रवा नु सिक्रीपुकी बुटा आप्‍शा सेल्‍पदा बाक्‍त।

२ इतिहास 3:7

मिनु मेको खिं आगा नेल्‍ले सुनम गिल्‍पदा बाक्‍त। मेको आ थाम, लाप्‍चो आ पुं ङा शी, गारो नु लाप्‍चो नेल्‍ल गिल्‍पदा बाक्‍त। आन गारोम करूबपुकी मुशा सेल्‍पदा बाक्‍त।

इजीकीएल 1:10

मेको आन कुल दोदेंशो बाक्‍तेक्‍म देंशा हना, मेको नेल्‍ल का का पा ४ ओटा कुल बाक्‍तेक्‍म। ङोंइती ङा कुल मुर आ कुल खोदेंशो बाक्‍त। आ ग्‍युरा गे ङा कुल गुप्‍स आ कुल खोदेंशो बाक्‍त। पेरा गे ङा कुल ब्‍यफ के खोदेंशो बाक्‍त। मिनु आन नोले गे ङा कुल ककाकुली के खोदेंशो बाक्‍त।

इजीकीएल 10:14

मेको करूब नेल्‍ल आन के ४ ओटा कुल बाक्‍तेक्‍म। ङोंइती ङा कुल करूब के, मेको आ नोले ङा कुल मुर के, मेको आ नोले ङा कुल गुप्‍स के नु नेल्‍ल क्‍येङा नोले ङा कुल ककाकुली के खोदेंशो बाक्‍तेक्‍म। इजीकीएल १:१०

इजीकीएल 10:21

मेको नेल्‍ल आन के ४ ओटा कुल नु ४ ओटा फ्रां बाक्‍तेक्‍म। मिनु मेको आन फ्रां आगाम मुर आन गुइ खोदेंशो बाक्‍तेक्‍म।

इजीकीएल 40:16

गेय पतीक कोठा थाम आ नेक्‍था ङा झेल ङा गारो आ आइक्‍थ मेरे थरपु हिर‍शो बाक्‍तेक्‍म। एर ओंथ हिरशो साप्‍शो लतीक लां नेल्‍ल झेल बाक्‍तेक्‍म। मिनु पिंडीम यो मोदेंशो झेल बाक्‍तेक्‍म। मेको थामपुकीम खजूर रवा आ बुटा आप्‍शो बाक्‍तेक्‍म।

इजीकीएल 40:22

मेको आ झेल, आ पिंडी नु मेको खजूर रवा आ बुटा आप्‍शो थाम नु पूर्ब गे कोव़शो लाप्‍चो नेल्‍ल अर्को खोदेंशो बाक्‍तेक्‍म। मेकेर लचा कली ७ ओटा थेंका बाक्‍तेक्‍म। मिनु मेको पिंडी आगाम बाक्‍त।

इजीकीएल 41:17

लाप्‍चो आ इर गे, चोव़खो बाक्‍तीके नु परमप्रभु यावे आ बाक्‍तीके आगाम लतीक लाप्‍चोम फारतीक वा बाक्‍तेक्‍म। मिनु खिं आ एर ओंथ ङा गारो, चोव़खो बाक्‍तीके नु खिं ङा ठेयब कोठा नेल्‍ल बुटा आप्‍शो बाक्‍तेक्‍म।

इजीकीएल 41:20

उइ खप रे लाप्‍चो इर सम्‍म करूब नु खजूर रवा आन बुटा मु‍शा आप्‍शो बाक्‍तेक्‍म।

इजीकीएल 41:25

मिनु परमप्रभु यावे आ खिं ङा लाप्‍चोम गारो ङा खोदेंशो पा करूब नु खजूर रवा आन बुटा मुशो बाक्‍तेक्‍म। पिंडी आ ङोंइतीम शी के खाट बाक्‍शो बाक्‍त।

प्रकाश 7:9

मिनु नोले हिक्‍ने मचाप्‍चा ङा पा रागी रागी नेल्‍ल ङा, जात नेल्‍ल ङा, थर नेल्‍ल ङा मुर नेल्‍ल नु लोव़ नेल्‍ल ङा मुर ठेयब नित्‍तीकेमी निप्‍ब नु पाठा आस ङोंइती राप्‍शो तातामी। मेकोपुकीम बुश वा फेक्‍शो बाक्‍तेक्‍म। मिनु आन गुइमी खजूर रवा आ राशी शेशो तातामी।