इजीकीएल 41:15 - Sunuwar Bible

¹⁵ मिनु नोले मेकोमी परमप्रभु यावे आ खिं ङा लाङगा पच्‍छिम गे पुक्‍गानु, निम्‍फा पटटी ङा लतीक लां सहे का कुबीत बाक्‍त। मिनु परमप्रभु यावे आ खिं, आ चोव़खो बाक्‍तीके नु आ ङोंइती ङा पिंडी ङा गारो नेल्‍ल शीम क्‍येप्‍शो बाक्‍तेक्‍म।

इजीकीएल 41:15 ပူးပေါင်းရင်းမြစ်များ

ठेयब कुम्सो 1:17

इस खिं ङा पैद्रा लेबानोन ङा लाइश्‍शो रवा के बाक्‍नीम। स‍ला के फलेकम साप्‍शो बाक्‍ब।

ठेयब कुम्सो 7:5

इ पिया कारमेल डांडा खोदेंशो बाक्‍ब। इ चां पिप आ रङ खोदेंशो बाक्‍ब। मोपतीके पिपम इ कली दाक्‍शो बाक्‍ब।

इजीकीएल 41:12

मेको परमप्रभु यावे आ खिं आ लाङगा गे हिरशो पच्‍छिम गे ङा खिं ७० कुबीत ब्रेम्‍शो बाक्‍त। मेको खिं आ एर ओंथ ङा गारो ५ कुबीत थांइशो बाक्‍त। मिनु मेको आ लाइश्‍शो ९० कुबीत बाक्‍त। कुबीत का ०.५ मिटर बाक्‍ब।

इजीकीएल 41:13

मिनु परमप्रभु यावे आ खिं पुक्‍गानु, मेको सहे का कुबीत लाइश्‍शो नु सहे का कुबीत ब्रेम्‍शो बाक्‍त। आ आगा ङा लाङगा नु खिं आ गारो नु मेको आ गारो सहे का कुबीत ब्रेम्‍शो बाक्‍त।

इजीकीएल 41:14

परमप्रभु यावे आ खिं आ पूर्ब गे ङा लाङगा यो सहे का कुबीत बाक्‍त।

इजीकीएल 41:16

मिनु मेको सांफा आन एर ओंथ नेल्‍ल गे झेल बाक्‍तेक्‍म। लाप्‍चो गे कोव़चा कली नेल्‍ल शीम क्‍येप्‍शो बाक्‍त। उइ खप रे झेल सम्‍म शीम क्‍येप्‍‍शो बाक्‍तेक्‍म।

इजीकीएल 41:17

लाप्‍चो आ इर गे, चोव़खो बाक्‍तीके नु परमप्रभु यावे आ बाक्‍तीके आगाम लतीक लाप्‍चोम फारतीक वा बाक्‍तेक्‍म। मिनु खिं आ एर ओंथ ङा गारो, चोव़खो बाक्‍तीके नु खिं ङा ठेयब कोठा नेल्‍ल बुटा आप्‍शो बाक्‍तेक्‍म।

इजीकीएल 42:1

मिनु मेकोमी आं कली लाङगा गे ङा लाङगा उत्तर गे चाक्‍ती। मिनु मेकोमी आं कली परमप्रभु यावे आ खिं नु उत्तर गे ङा खिं आ आइक्‍ची ङा कोठा गे लाइक्‍ती। इजीकीएल ४०:१७; इजीकीएल ४१:९,१०,१३

इजीकीएल 42:10

मेको लां आ ब्रेम्‍शो गारो सम्‍म थिशो बाक्‍त। परमप्रभु यावे आ खिं आ आइक्‍ची दक्‍खिन गे यो कोठा बाक्‍तेक्‍म।

इजीकीएल 42:15

मिनु मेकोम परमप्रभु यावे आ खिं आगा पुक्‍ने थुम्‍तु। मिनु आं कली पूर्ब ङा लाप्‍चो रे पा लाङगा ग्रुंइताक्‍यी। मिनु परमप्रभु यावे आ खिं आ एर ओंथ लाङगा गे ङा लाङगा नेल्‍ल पुक्‍तु।

इजीकीएल 42:3

आगा ङा लाङगा २० कुबीत बाक्‍त। लाङगा गे ङा लाङगा ङा फुल्‍लु ब्रशो लां गे कोव़शो कोठा तारी अर्को तला सां बाक्‍तेक्‍म।

इजीकीएल 42:5

आ तार ङा कोठा ठेयब लां बाक्‍तीके आगा नु दाते ङा कोठा आन क्‍येङा आइक्‍च बाक्‍तेक्‍म।

जकरिया 3:7

“मुर नेल्‍ल आन परमप्रभु यावेमी मार देंत देंशा हना ‘गे आं लांमी गाक्‍ते नु इ कली देंशो लोव़ टिप्‍तीवी हना, गे आं खिं नु आं लाङगा नेल्‍ल कोव़ब दुम्‍नेवे। मिनु एकेर राप्‍शा बाक्‍ब आन दा‍तेमी आं ङोंइती जाक्‍ने चाप्‍नेवे।