इजीकीएल 40:3 - Sunuwar Bible

³ मिनु मेकोम आं कली मेकेर लदानु, गो मेकेर मुर का ताता। मेकेर कांसा खोदेंशो टल्‍केशो मुर का बाक्‍त। मेको आ गुइम सुती के डोरी नु पुक्‍तीक कोक्‍के का बाक्‍त। मेको ठेयब लाप्‍चो आ नेक्‍था राप्‍शो बाक्‍त। इजीकीएल ४७:३; जकरिया २:५ प्रकाश २१:१५

इजीकीएल 40:3 ပူးပေါင်းရင်းမြစ်များ

यसैया 28:17

गो ठीक निसाफ कली गारो प्रोव़ची ना क्‍युक्‍तीक डोरी खोदेंशो सेल्‍नुङ। मिनु ठीक पतीके कली घन्‍टी खोदेंशो सेल्‍नुङ। मिनु मुप्‍सीम मेको जोल पा ख्रुइक्‍तीके खतम सेल्‍ब। ब्‍वाक्‍कुमी फाम्‍सीतीके योल्‍ब।

यसैया 8:20

गे शेंतीक नु अरेशो लोव़ आ पर्बम परमप्रभु कली हिल्‍लो पचा माल्‍नीनी। अरु लोव़ पाइब मुर काइ मरुप्‍ब बाक्‍नीम।

इजीकीएल 1:27

मिनु मेको आ क्रातो ङा ग्‍येत्‍थ ब्रशो जिलजिल पाइश्‍शो कांसा चुप्‍लुम ब्रशो मी खोदेंशो ताता। आ क्रातो ङा लुक्‍चु मी खोदेंशो पा ब्रशा शुश छेङछेङ बाक्‍त।

इजीकीएल 1:7

मेको आन खोइल दिंसीशो बाक्‍तेक्‍म। बाछा आन गेंच खोदेंशो बाक्‍तेक्‍म। मेको आन खोइल खुइश्‍शो कांसा खोदेंशो पा टल्‍केशो बाक्‍तेक्‍म।

इजीकीएल 41:1

मिनु नोले मेकोम आं कली परमप्रभु यावे आ खिं आ नेक्‍था चाक्‍ती। मिनु मेको आ लाप्‍चो निक्‍शी पटटी ङा थाम पुक्‍तु। मेको ६ कुबीत ब्रेम्‍शो बाक्‍तेक्‍म। कुबीत का ०.५ मिटर बाक्‍ब।

इजीकीएल 42:16

मेकोमी आ पुक्‍तीकेम पूर्ब गे पुक्‍तु। मेको ५ सहे कुबीत बाक्‍त।

इजीकीएल 43:6

मिनु मेको मुर आं नेक्‍था राप्‍शा बाक्‍मेनु, गो परमप्रभु यावे आ खिं रे आं कली लोव़ पशो नेंता।

इजीकीएल 47:3

मिनु मेको पुक्‍तीक डोरी का शेशा पूर्ब गे लत। मिनु मेकोम हजार का कुबीत पुक्‍तु। मिनु नोले मेकोमी आं कली ब्‍वाक्‍कु शोक्‍‍पाइक्‍ती। मेको ब्‍वाक्‍कु दिम्‍ला सम्‍म जाक्‍शो बाक्‍त। कुबीत का ०.५ मिटर बाक्‍ब। इजीकीएल ४०:३

इजीकीएल 8:2

मिनु गो कोव़ङुनु, मुर खोदेंशो का ताता। मिनु मेको आ क्रातो ङा लुक्‍चु ब्रशो मी खोदेंशो नु आ क्रातो ङा ग्‍येत्‍थ जिलजिल पा टल्‍केशो कांसा खोदेंशो बाक्‍त। इजीकीएल १:२७; इजीकीएल १:४

प्रकाश 1:15

आ खोइली याप्‍पाइश्‍शा टल्‍केशो कांसा खोदेंशो तांइसाक्‍व। मिनु आ सेंदा ठेयब खोला आन रेयके खोदेंशो नेंसाक्‍व।

प्रकाश 11:1

मिनु परमप्रभु यावे आ स्‍वर्ग ङा गेय पाइब कामी पुक्‍तीक का गेती। मेकोमी आं कली “लो, बोक्‍को। परमप्रभु यावे आ खिं नु चढ़ेतीके पुक्‍को। परमप्रभु यावे आ खिं आगाम सेउ पाइब आन कली हिक्‍को। इजीकीएल ४०:३; जकरिया ३:५-६; इजीकीएल ४२:२०

प्रकाश 21:15

मिनु गो नु लोव़ पाइबमी मेको सहर, लाप्‍चो नु गारो पुक्‍चा कली सुन के पुक्‍तीके का कुरशो बाक्‍त।