20 मिनु मेकोम उत्तर गे ङा परमप्रभु यावे आ खिं ङा लाङगा गे ङा लाङगा आ लाइश्शो नु आ ब्रेम्शो पुक्तु।
मिनु मेकोम आं कली दक्खिन गे लाइक्ती। मिनु मेकेर ठेयब लाप्चो का बाक्त। मिनु मेकोम आ थामपुकी नु आ पिंडी पुक्तु। मिनु मेकोपुकी यो अर्को ठेयब लाप्चो खोदेंशो पा उइक्थ उइक्थ बाक्तेक्म।
मिनु मेको नोले लेंशा पूर्ब गे ङा ठेयब लाप्चोम लत। मिनु मेको आ थेंका रे पा ङोइश्शा लाप्चो ओव़तीक पिंडी पुक्तु। मिनु मेको पुक्तीक कोक्के का लाइश्शो बाक्त। पुक्तीक कोक्के ३.२५ मिटर लाइश्शो बाक्ब।
मिनु मेकोमी आं कली लाङगा गे ङा लाङगा उत्तर गे चाक्ती। मिनु मेकोमी आं कली परमप्रभु यावे आ खिं नु उत्तर गे ङा खिं आ आइक्ची ङा कोठा गे लाइक्ती। इजीकीएल ४०:१७; इजीकीएल ४१:९,१०,१३
मिनु नोले मेकोमी आं कली उत्तर गे ङा ठेयब लाप्चो रे पा परमप्रभु यावे आ खिं आ ङोंइती चाक्ती। मिनु मेको कोव़ङुनु, परमप्रभु यावे आ छेङछेङम मेको आ खिं ब्रीशो बाक्त। मिनु गो खुम्की पा बाप्ती।
मिनु परमप्रभु यावे आ स्वर्ग ङा गेय पाइब कामी पुक्तीक का गेती। मेकोमी आं कली “लो, बोक्को। परमप्रभु यावे आ खिं नु चढ़ेतीके पुक्को। परमप्रभु यावे आ खिं आगाम सेउ पाइब आन कली हिक्को। इजीकीएल ४०:३; जकरिया ३:५-६; इजीकीएल ४२:२०
मिनु परमप्रभु यावे आ खिं ङा लाङगा रागी रागी ङा मुर आन कली गेशो बाक्त। मेको मपुक्को। मेकोपुकीमी परमप्रभु यावे आ योव़शो सहर ४२ महिना सम्म खोइलीमी दिप्शा ताइश्शा बिग्रेनीम” देंत। लूका २१:२४