इजीकीएल 39:22 - Sunuwar Bible

²² मिनु मेको नाक्‍त रे इस्राएल आ खिं ङा मुरपुकीम गोन परमप्रभु यावे, मेको आन परमप्रभु नङ, दे तुइक्‍नीम।

इजीकीएल 39:22 ပူးပေါင်းရင်းမြစ်များ

येरमीया 24:7

मिनु गो मेको आन कली ‘गो परमप्रभु यावे नङ’ दे आं कली तुइक्‍तीक थुं गेनुङमी। मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। मारदे हना मेको आन थुं नेल्‍लेमी आं गे लेत्‍नीम। येरमीया ३१:३३-३४; येरमीया ७:२३

इजीकीएल 39:28

मेना मेकोपुकीम गोन परमप्रभु यावे, आन परमप्रभु नङ, दे तुइक्‍नीम। मारदे हना गो मेको आन कली रागी रागी ङा मुर आन दातेम ग्‍याइश्‍शा लाइक्‍पाइक्‍तामी। मिनु का यो मजाम्‍चा ङा पा खुप्‍शा आन रागीम चाक्‍नुङमी।

इजीकीएल 39:7

गो आं नें आं मुर इस्राएली आन दातेम तुइक्‍पाइक्‍नुङमी। मिनु आं नें कली मरिम्‍शो सेल्‍चा मगेनुङ। मिनु रागी रागी ङा मुरपुकीम गोन परमप्रभु यावे, इस्राएली आन बाक्‍शो परमप्रभु नङ, दे तुइक्‍नीम।

इजीकीएल 34:30

मिनु मुरपुकीमी गो, परमप्रभु यावे मेको आन परमप्रभु नङ, दे तुइक्‍नीम। गो मेकोपुकी नु बाक्‍नुङ, दे तुइक्‍नीम। मिनु मेकोपुकीम इस्राएल आ खिं ङा मुर आं मुर नम, दे तुइक्‍नीम। इजीकीएल ११:२०

इजीकीएल 28:26

मेकोपुकी मेकेर मारेइ मदुम्‍थु बाक्‍नीम। मेकोपुकीम खिं सेल्‍नीम। मिनु अङगुर ख्रुम्‍नीम। मिनु गो मेको आन कली तशा, ग्रांग्रा दीब नेल्‍ल आन कली सजाइ गेनुङमी। गो मेको आन नेक्‍था बाक्‍ब मेको आन कली मदाक्‍ब आन कली निसाफ पङानु, मेकोपुकी रिम्‍शो पा बाक्‍नीम। मिनु मेकोपुकीम ‘गोन परमप्रभु यावे, आन परमप्रभु नङ’ दे तुइक्‍नीम” देंत।

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

भजन संग्रह 9:16

परमप्रभु यावेमी मेको ठीक निसाफ पाइब बाक्‍ब, दे मुर नेल्‍ल कली तुइक्‍पाइश्‍शो बाक्‍ब। आ अरेशो मटीब मुर आंम आन पशोमीन खतम दुम्‍नीम। ताप्‍तीकेमी ठेयब सेंदा पा।

इजीकीएल 39:23

मिनु रागी रागी ङा मुरपुकीम इस्राएल आ खिं ङा मुर आन मरिम्‍शो पतीके ग्‍याइश्‍शा लाइक्‍चा पुंइसीशो बाक्‍तेक्‍म, दे तुइक्‍नीम। मारदे हना मेकोपुकीम आं कली मरिम्‍शो पाम्‍‍तेक्‍म। मोपतीके गो आं कुल मेको आन रे ख्रुइक्‍ताक्‍ङ। मिनु मेको आन कली आन जोरी सत्रु आन गुइम गेतामी। मिनु मेको नेल्‍ल तरवारम साइक्‍चा पुंइसाक्‍म। यसैया ५४:८