इजीकीएल 39:2 - Sunuwar Bible

² गो इ कली हिरशा, ग्‍येत्‍थ गे सोइक्‍नन। गो इ कली ङोन उत्तर रे इस्राएल ङा पहाड गे सोइक्‍नन।

इजीकीएल 39:2 ပူးပေါင်းရင်းမြစ်များ

भजन संग्रह 40:14

आं कली साइक्‍चा माल्‍ब नेल्‍ले मुने दोक्‍शा, ग्‍येत्‍थ लुक्‍च दुम्‍मल। आं कली श्‍येत जशो दाक्‍ब नेल्‍ल लेश्‍शा लशा, खतम दुम्‍मल।

भजन संग्रह 68:2

दोपा फशेमी कुन बेरपाइश्‍शा योल्‍बा, मोपा मेको आन कली बेरपाइश्‍शा योल्‍पतीन। मी आ नेक्‍था मयीन यशो खोदेंशो पा परमप्रभु आ अरेशो मटीबपुकी मेको आ ङोंइती जाम्‍शा लाइनीम।

यसैया 37:29

मारदे हना गे आं पर्बम गाइक्‍तीनु, इ ठेयब लेश्‍शो नेंता। मोपतीके गो इ नेंम बोल्‍सी का ब्‍वेक्‍नुङ। मिनु इ शोव़मी लगम पाइश्‍शा इ जाक्‍शो लां लेप्‍पाइश्‍शा सोइक्‍नन’ देंत, दे मतीन” दे मुर सोइताक्‍मी।

इजीकीएल 32:30

उत्तर रागी ङा सासन पाइब नु सीदोन ङा मुर नेल्‍ल मेकेर बाक्‍नीम। मेको आन सक्तिम मुर नेल्‍ल आन कली शुश हिंपाइक्‍तेक्‍म। मोपतीके मेकोपुकी तरवारम साइक्‍चा पुंइसीशो मुरपुकी नु मुने दोक्‍शा उइ लाम्‍तेक्‍म। मेकोपुकी ख्रोइक्‍तीक चि‍नु मख्रोइक्‍थु तरवारम साइक्‍चा पुंइसीशो नु मुने दोक्‍शा तुरसुम बाक्‍शो बाक्‍नीम। इजीकीएल २८:२१-२३

इजीकीएल 38:15

ङोन इ बाक्‍तीक उत्तर रागी रे ठेयब हुल, सक्ति पाइश्‍शो लडाइ पाइब नु शुश जात ङा मुर शारा ङोइश्‍शा, गो नु जाक्‍नीम।

इजीकीएल 39:1

मिनु परमप्रभु यावेमी आं कली “ए मुर, गोग आ मुर आन कली आं लोव़ पावो। मिनु परमप्रभु, परमप्रभु यावेमी इ कली ‘गो इ कली लोव़ का पचा माल्‍नुङ। गे मेशेक नु तूबल ङा सासन पाइब बाक्‍नेवे। इजीकीएल ३८:२

इजीकीएल 39:3

गो इ पेरा गुइम बाक्‍शो लिब्रा तुप्‍शा तोक्‍नुङ। मिनु इ ग्‍युरा गुइम बाक्‍शो ब्रा तोक्‍‍नुङ।

दानीएल 11:40

मिनु नोले ङा नाक्‍ती दक्‍खिन ङा पिपमी मेको कली लडाइ तोइब। मिनु उत्तर ङा पिपमी फश गिवार खोदेंशो पा मेको नु लडाइ पाइब। मेकोमी बग्‍गी, शारा ङोइक्‍ब नु लडाइ पाइब जहाज शुश चाक्‍शा लडाइ पाइब।