इजीकीएल 39:13 - Sunuwar Bible

¹³ मिनु रागी ङा मुर नेल्‍लेमी मेको आन कली थिम्‍नीम। गो आं सक्ति कोंइदु नाक्‍ती मेको आन कली ठेयब मिम्‍तीक का दुम्‍ब।

इजीकीएल 39:13 ပူးပေါင်းရင်းမြစ်များ

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

इजीकीएल 28:22

परमप्रभु, परमप्रभु यावेमी ‘ए सीदोन, गो इ कली सजाइ गेनुङ। गो इ दातेमी आं सक्ति कोंइनुङ। गो इ दातेमी आं सक्ति कोंइशा, निसाफ पाता हना, मेकोपुकीमी गोन परमप्रभु यावे नङ’ दे तुइक्‍नीम

ब्‍यवस्‍था 26:19

गो आं सेल्‍शो रागी रागी आन दातेमी इन कली नेल्‍ल क्‍येङा ठेयब सेल्‍नुङ। मान पाइक्‍चा पुंइसीशा, इन नें ठेयब सेल्‍चा नु शुश दारशो सेल्‍नुङ। मिनु परमप्रभु यावे, इन परमप्रभु आ मुरपुकी दुम्‍चा माल्‍नीनी’ दे परमप्रभु यावेमी इन कली देंशो बाक्‍त” देंत। ब्‍यवस्‍था १८:१

१ पत्रुस 1:7

मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०