इजीकीएल 38:14 - Sunuwar Bible

¹⁴ मोपतीके “ए मुर, गोग कली आं लोव़ पावो। मेको कली ‘परमप्रभु, परमप्रभु यावेमी इ कली आं मुर इस्राएली मारेइ मदुम्‍थु रिम्‍शो पा बाक्‍मानु, गे मेक मलाइनेवे?

इजीकीएल 38:14 ပူးပေါင်းရင်းမြစ်များ

येरमीया 23:6

मेकोम सासन पवा ना यहूदा श्‍येत रे प्रोंइचा पुंइसीब। मिनु इस्राएल मारेइ मदुम्‍थु बाक्‍ब। मेको आ नेंम मेकोपुकी तुइक्‍चा पुंइसीनीमी। मेको आ नें ‘परमप्रभु यावे आंइ कली ठीक पाइब बाक्‍ब’ देंनीम” देंत। ब्‍यवस्‍था ३३:२८; येरमीया ३३:१६; यसैया ४५:२४

इजीकीएल 37:28

मेना रागी रागी ङा मुरपुकीम गो, परमप्रभु यावेमीन इस्राएली आन कली आं मुर सेल्‍ता। मिनु आं बाक्‍तीके मेको आन दातेम गेना हना यो बाक्‍ब, दे यो तुइक्‍नीम” दे परमप्रभु यावेमी देंत। इजीकीएल ३६:२३

इजीकीएल 38:11

मिनु गेम ‘गो गारो महिरशो सहर कली लडाइ तोइ‍नुङ। गो सिक्‍सी पा रिम्‍शो पा गारो महिरशो, ठेयब लाप्‍चो मपाइश्‍शो नु आग्‍लो मपाइश्‍शो सहरम बाक्‍ब मुर आन रागी कली लडाइ तोइनुङ।

इजीकीएल 38:2

मार लोव़ पाप्‍तु देंशा हना “ए मुर, मागोग रागी ङा ठेयब मुर, गोग आ बाक्‍तीक लावो। मेशेक नु तूबल ङा सासन पाइब कली आं लोव़ पावो। इजीकीएल ३९:६; इजीकीएल २७:१३; इजीकीएल ३२:२६; उत्‍पत्ती १०:२

इजीकीएल 38:8

शुश नाक्‍त नोले लडाइ पचा कली इन कली ब्रेत्‍नीम। गेपुकीम लडाइम श्‍येत्‍थ दुम्‍शा लेंशा सेल्‍शो रागी कली लडाइ तोइनीनी। मेको मुर शुश रागी रे खुप्‍शा, इस्राएल ङा पहाडम चाक्‍शो बाक्‍नीम। मेकेर शुश बर्स रे मुर मबाक्‍म। मेकोपुकी रागी रागी रे चाक्‍शो बाक्‍तेक्‍म। मिनु मुल मेको नेल्‍ल मारेइ मदुम्‍थु रिम्‍शो पा बाक्‍शो बाक्‍नीम।

योएल 3:1

परमप्रभु यावेमी “मेको नाक्‍ती गो यहूदा नु यरूसलेम आस रिम्‍शो दुम्‍तीक नाक्‍ती लेश्‍शा चाक्‍नुङ। होसे ७:१

सेफन्‍याह 3:8

परमप्रभु यावेमी “मोपतीके लोव़ पचा कली गो मजाक्‍ङा सम्‍म आं कली रिम्‍शा बाक्‍कीन। गो रागी रागी ङा मुर आन कली खुप्‍‍नुङ। गो राज्‍य राज्‍य ङा मुर आन कली ग्रुम्‍पाइ‍क्‍नुङ। मेको आन तारी आं गाइश्‍शो मोइक्‍नुङ। मारदे हना आं मी खोदेंशो पा गाइश्‍शोमी रागी रागी नेल्‍ल ग्रोइश्‍शा खतम दुम्‍नीम। योएल ४:२; भजन संग्रह ७९:६

जकरिया 2:5

मिनु गो मेको आ एर ओंथ मी के गारो दुम्‍नुङ। मिनु गो मेको आ आगा ङा छेङछेङ दुम्‍नुङ’ दे परमप्रभु यावेमी देंत, देनो” देंत। जकरिया ९:८

जकरिया 2:8

मारदे हना मुर नेल्‍ल आन परमप्रभु यावेमी इन कली रोइक्‍ब रागी रागी ङा मुर आन पर्बम मार देंत देंशा हना ‘सुमी इन कली थीबा, मेकोमी आं मिक्‍च आ क्रिक्बील थी‍ब’ देंत। ब्‍यवस्‍था ३२:१०